यहुन्ना 10:32 - नुवो नेम (मेवड़ी नया नियम)

³² ईंपे ईसू वाँने क्यो, “में थाँका बचमें घणा हव काम किदा ज्याँने परमेसर मने करबा का वाते दिदा हा। वाँका मेंऊँ कणी काम का वाते थाँ मारा ऊपरे भाटा मारबा का वाते तोक्या हे?”

यहुन्ना 10:32 Iomraidhean Croise

मत्ती 11:5

आन्दा पाच्छा देकबा लागा हे अन लंगड़ा चालबा-फरबा लागा हे, कोड़्या को कोड़ हव वेरियो हे अन बेरा हुणरिया हे अन मरिया तका जीवता वेरिया हा। अन दकी अन गरीब मनकाँ ने हव हमच्यार हुणायो जारियो हे।

यहुन्ना 10:25

ईसू वाँने क्यो, “में थाँने के दिदो, पण थाँ विस्वास ने करो हो। ज्यो काम मूँ मारा बापू परमेसर का नामऊँ करूँ हूँ, वीं हाराई मारा गवा हे।

यहुन्ना 10:31

तद्याँ यहूदी अदिकारियाँ ईसू के भाटा मारबा के वाते पाच्छा भाटा तोक लिदा।

यहुन्ना 10:33

वणा वाँने क्यो, “हव कामाँ का वाते माँ थाँरे भाटा ने ठोका, पण परमेसर की नन्दयाँ करबा का वाते ठोका हा। अन ईं बात का वाते के, थूँ मनक वेन आपणाँ खुद ने परमेसर को दरज्यो देवे हे।”

यहुन्ना 10:37

यद्याँ मूँ आपणाँ परमेसर का काम ज्याँने वीं छावे हे, ने करूँ, तो थाँ मारो विस्वास मती करो।

यहुन्ना 5:36

पण मारा नके एक ओरी गवा हे जिंकी गवई यहुन्ना की गवईऊँ मोटी हे काँके परमेसर ज्यो काम पूरो करबा के वाते मने हुप्यो हे, मूँ वाँका काम ने कररियो हूँ अन वीं कामइस मारी गवई हे के, परमेसर मने खन्दायो हे।

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

थरप्या तका का काम 2:22

“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो।

1 यहुन्ना 3:12

आपाँने केन का जस्यान ने वेणो हे, ज्यो सेतान का आड़ीऊँ हो, जणी आपणाँ भई ने मार दिदो हो। काँके वींके भई का काम धरम का हा अन केन का काम बुरा हा, ईं वजेऊँ वणी वींने मार नाक्यो।