यहुन्ना 10:16 - नुवो नेम (मेवड़ी नया नियम)

¹⁶ मारे ओर भी गारा हे, ज्यो ईं बाड़ा में ने हे। मने वाँने भी लाणा घणा जरूरी हे। वीं मारी बोली ओळकी, तद्याँ एकीस रेवड़ वेई अन एकीस गवाळ्यो वेई।

यहुन्ना 10:16 Iomraidhean Croise

मत्ती 17:5

वो बोलईस रियो हो के, एक चमकते तके वादळे वाँने ढाक दिदा, अन वीं वादळाऊँ आ वाणी निकळी, “ओ मारो लाड़लो पूत हे, जणीऊँ मूँ राजी हूँ। ईंकी हुणो।”

लूका 15:8

“अस्यानीस एक लुगई हे अन जिंका नके दस चाँदी सिक्का वे अन वाँका मूँ एक गम जावे, तो वाँ दिवो बाळन अन घर में बुवारो काड़न जद्याँ तईं मल ने जावे तद्याँ होदती रेवे।

यहुन्ना 10:11

“मूँ हव गवाळ हूँ। हव गवाळ आपणाँ गारा का वाते आपणो जीव भी दे देवे हे।

यहुन्ना 10:2

पण ज्यो बाड़ा में बारणाऊँ आवे हे, वो गारा को गवाळ हे।

यहुन्ना 10:27

मारा गारा मारी बोली हुणे हे। मूँ वाँने ओळकूँ हूँ, अन वीं हाराई मारा पाछे-पाछे चाले हे।

यहुन्ना 10:3

वाँका वाते चोकीदार बारणो खोल देवे हे, अन गारा वाँकी बोली ने ओळके हे। वो आपणाँ गारा ने नामऊँ बलावे हे अन बारणे ले जावे हे।

यहुन्ना 10:4

जद्याँ वो आपणाँ गारा ने बारणे काड़ नाके, तो वीं गारा वींका पाछे-पाछे चाले हे, काँके वीं गारा वींकी बोली ओलके हे।

यहुन्ना 10:5

पण गारा कणी पराया का पाच्छे ने जावे हे, पण वीं तो वाँकाऊँ दरपे, काँके वीं पराया की बोलीने ने ओळके हे।”

यहुन्ना 11:52

वो बेस यहूदी मनकाँ का वातेईस ने मरी, पण परमेसर का हाराई वकरिया तका लोगाँ ने एक हाते करबा का वाते भी मरी।

यहुन्ना 17:20

“मूँ बेस अणाका वातेईस परातना ने करूँ हूँ, पण वाँका वाते भी जीं अणाका बचना ने हुणन मारे पे विस्वास करी।

यहुन्ना 6:37

ज्याँने भी परमेसर मने हुप्याँ हे वीं हाराई मारा नके आई अन ज्यो कुई मारा नके आई, वणाऊँ मूँ कदी भी मुण्डो ने फेरूँ।

थरप्या तका का काम 15:14

अबाणू थोड़ीक दाण पेल्याँ समोन ओ बतायो हे के, कस्यान परमेसर पेल्याई पेल्याँ जो यहूदी ने हे वामूँ थोड़ाक लोगाँ ने आपणाँ वाते चुणन आपणो परेम परगट किदो।

थरप्या तका का काम 18:10

काँके मूँ थारे हाते हूँ, अन कुई थने नकसाण करबा के वाते हमलो ने केरी, काँके अणी नगर में नरई लोग मारा हे”।

थरप्या तका का काम 22:14

तद्याँ वणी क्यो, “आपणाँ बापदादा का परमेसर थने ईं वाते चुण्यो के थूँ वींकी मरजी ने जाणे, अन धरमी मनक ने देक सके वींकी मुण्डा की बात ने हुण सके।

रोमियों 11:25

हो मारा भायाँ, कटे अस्यान ने वे के, थाँ खुद ने घणा हूँस्यार हमजबा लागो, ईं वाते मूँ थाँने ईं छाने का हाँचऊँ अणजाण ने राकणा छावूँ हूँ, काँके इजराएल का मनक अस्यानीस गाटा बणा दिदा ग्या हे अन अस्यानीस तद्याँ तईं गाटा बण्या रेई जद्याँ तईं जी यहूदी ने हे वाँ मनकाँ मेंऊँ जीं चुण्या तका हे, वीं हाराई परमेसर का नके ने आ जावे।

2 थिस्सुलुनिक्यों 2:13

परबू का लाड़ला भायाँ-बेना, थाँका वाते माँने हमेस्यान परमेसर को धन्नेवाद करतो रेणो छावे, काँके परमेसर आपणी पुवितर आत्मा की सगतिऊँ थाँने बंचान वाँका पुवितर मनक बणाबा का वाते अन हाँच पे थाँका विस्वास की वजेऊँ बंचाबा का वाते पेल्याइस थाँने चुण्या हा।

इब्रानियों 13:20

जणी गारा का वणी मान गवाळ्याँ आपणाँ परबू ईसू ने वीं अनंतकाल का करार करबावाळा लुईऊँ मरिया तका मेंऊँ पाच्छा जीवता कर दिदा, वीं सान्तीदाता परमेसर, थाँ हाराने हव चिजाँ में धपा दे, जणीऊँ थाँ वाँकी मनसा ने पुरी कर सको। अन ज्यो कई वींने भावे हे, वींने ईसू मसीऊँ आपाँ में पूरो करे। परमेसर की मेमा हमेस्यान वेती रेवे। आमीन।

1 पतरस 2:10

एक टेम ही, जद्याँ थाँ वाँकी परजा ने हा, पण अबाणू थाँ परमेसर की परजा हो। एक टेम ही जद्याँ थाँका पे परमेसर दया ने किदी ही, पण अबाणू वीं थाँका पे दया करे हे।

1 पतरस 2:25

काँके पेल्याँ थाँ गम्या तका गारा का जस्यान हा, पण अबाणू थाँ थाँका गवाळ्याँ अन थाँकी आत्मा की रकबाळी करबावाळा का नके पाच्छा आग्या हो।

1 पतरस 5:4

काँके जद्याँ वो रुकाळ्यो मसी जो हाराई पे परदान हे परगट वेई, तो थाँने मेमा को मुकट दिदो जाई अन ईं मुकट की सोभा कदी कम ने पड़ी।

परकासितवाक्य 3:20

हुणो, मूँ बारणा आगे ऊबो हूँ अन हेलो पाड़रियो हूँ। यद्याँ कुई मारो हेलो हुणन कमाड़ खोली, तो मूँ वींका घर आऊँ अन वींका हाते खाणो खाऊँ अन वो मारा हाते खाणो खाई।