यहुन्ना 1:33 - नुवो नेम (मेवड़ी नया नियम)

³³ मूँ तो वींने ओळकतो ने हो, पण परमेसर मने पाणीऊँ बतिस्मो देबा का वाते खन्दायो, वणा मने क्यो, ‘थूँ पुवितर आत्माने उतरती अन किंके ऊपरे रकती तकी देकी, ओ वोईस मनक वेई, ज्यो पुवितर आत्माऊँ बतिस्मो देई।’

यहुन्ना 1:33 Iomraidhean Croise

मत्ती 3:11

मूँ तो थाँने मन फेरबा का वाते पाणीऊँ बतिस्मो दूँ हूँ पण वीं ज्यो मारा केड़े आबावाळो हे, वो माराऊँ भी हेलो मोटो हे। मूँ तो वाँका पगरख्याँ का कसणा खोलबा के जोगो भी ने हूँ। वो थाँने पुवितर आत्मा अन वादीऊँ बतिस्मो देई।

लूका 3:16

यहुन्ने वणाऊँ क्यो, “मूँ तो थाँने पाणीऊँ बतिस्मा देरियो हूँ। पण, ज्यो आबावाळो हे, वो माराऊँ घणो ज्योरावर हे। मूँ वींके अतरोक लायक भी ने हूँ के, वींकी पंगरख्या ने खोल सकूँ। वी पुवितर आत्मा अन वादीऊँ थाँने बतिस्मो देई।

यहुन्ना 1:31

अन पेल्याँ मुँई वींने ने ओळकतो हो, पण ईं वाते पाणीऊँ बतिस्मो देतो आरियो हूँ, ताँके इजराएल देस का मनक वींने ओळक सके।”

यहुन्ना 14:26

पण हण्डाळी को मतलब पुवितर आत्मा जिंने परमेसर मारा नामऊँ खन्दाई, वाँ थाँने हारी बाताँ हिकाई अन ज्यो कई में थाँकाऊँ क्यो हे, वो हारोई थाँने आद अवाड़ी।

यहुन्ना 3:34

काँके जिंने परमेसर खन्दायो हे, वो परमेसर की बाताँ केवे हे, काँके परमेसर वींने आपणी आत्माऊँ भरपूर किदो हे।

यहुन्ना 3:5

ईसू वींने जवाब दिदो के, “मूँ थाँकाऊँ हाचेई केवूँ हूँ, जद्याँ तईं कुई मनक पाणी अन पुवितर आत्माऊँ ने जनमे तो वो परमेसर का राज में ने जा सकी।

यहुन्ना 7:39

ईसू या बात पुवितर आत्मा का बारा में किदी ही, ज्या वींपे विस्वास करबावाळा ने मलबावाळी ही। अबाणू तईं या आत्मा किंने भी ने मली ही, काँके ईसू आलतरे आपणी मेमा उटाया ने ग्या हा।

थरप्या तका का काम 1:5

यहुन्ने तो थाँने पाणीऊँ बतिस्मो दिदो हो, पण अबे थोड़ाक दनाँ केड़े थाँने पुवितर आत्माऊँ बतिस्मो दिदो जाई।’”

थरप्या तका का काम 2:4

वीं हाराई जणा पुवितर आत्माऊँ भरग्या अन जस्यान पुवितर आत्मा की सामरत वाँने मली वीं तरे-तरे की बोली में बोलबा लागा।

1 कुरिन्थियों 12:13

काँके आपाँ हाराई में पलई यहूदी वो, पलई ज्यो यहूदी ने हे वीं वो, पलई दास वो, पलई आजाद वे, आपाँ हाराई ने एकीस आत्माऊँ एकीस देह वेबा का वाते बतिस्मो दिदो ग्यो हे अन आपाँने एकीस आत्मा दिदी गी हे।