यहुन्ना 1:29 - नुवो नेम (मेवड़ी नया नियम)

²⁹ आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई।

यहुन्ना 1:29 Iomraidhean Croise

मत्ती 1:21

वाँ एक छोरा ने जणी, थूँ वींको नाम ईसू राकज्ये, काँके वो आपणाँ मनकाँ ने वाँका पापाऊँ बचाई।”

मत्ती 20:28

जस्यान के मनक को पूत ईं वाते ने आयो के, वींकी सेवा-चाकरी किदी जावे पण ईं वाते आयो के, नरई ने छुड़ाबा का वाते आपणी जीव देवे।”

यहुन्ना 1:35

दूजे दन यहुन्नो अन वींका चेला मूँ दो जणा वटे ऊबा हा।

यहुन्ना 1:36

अन वणी ईसू ने देकन ज्यो वाँका नकेऊँ जारियो हो क्यो, “देको, ओ परमेसर को उन्यो जारियो हे।”

यहुन्ना 1:43

दूजे दन ईसू गलील जाबा का वाते ते किदो अन फिलिपुस मलग्यो तो वींने क्यो, “मारा पाच्छे चाल।”

यहुन्ना 2:1

पछे तीजे दन गलील परदेस का काना नगर में किंको ब्याव हो अन ईसू की माँ भी वटे ब्याव में ही।

यहुन्ना 3:16

काँके परमेसर जगतऊँ अस्यान परेम किदो, वणा आपणाँ एकाएक पूत ने दे दिदो, ताँके ज्यो कुई वींपे विस्वास करे, वी नास ने वेई, पण अनंत जीवन पाई।

यहुन्ना 4:42

वणा मनकाँ वीं लुगईऊँ क्यो, “अबे थाँरे केबाऊँईस विस्वास ने करा हा, पण माँ खुद ईंने हुणन जाणग्या हाँ के, योईस हाँची में ईं दनियाँ ने बंचाबावाळो हे।”

यहुन्ना 6:51

जीवन की रोटी जा हरगऊँ उतरी हे वाँ मूँईस हूँ। यद्याँ कुई अणी रोटी ने खाई, तो वीं हमेस्यान जीवता रेई अन ज्या रोटी मूँ दनियाँ का जीवन का वाते देवूँ, वाँ मारी देह हे। अणीऊँस दनियाँ का मनक जीवता रेवे हे।”

थरप्या तका का काम 8:32

वो किताब को जो भाग भणरियो हो वो अस्यान हो। “वींने बली वेबावाळा गारा का जस्यान ले जारिया हा। वो तो वीं उन्याँ का जस्यान छानो-मानो हो, जो आपणी ऊन काटबावाळा का हामे छानो रेवे।

1 कुरिन्थियों 15:3

अन ज्या बात मने हाराऊँ पेल्याँ पतो चाली ही वाँ बात में थाँने हुणा दिदी हे, जस्यान सास्तर में लिक्यो हे के, मसी आपणाँ पापाँ का वाते मरिया हा।

2 कुरिन्थियों 5:21

अन जणी कदीई पाप ने किदो वींने परमेसर आपणाँ पापाँ का वाते बली बणायो जणीऊँ आपाँ परमेसर का हामे सई मान्याँ जावाँ।

गलातियों 1:4

ईसू मसी आपणाँ पापाँ का वाते खुद ने बली वेबा का वाते हूँप दिदो, काँके बापू परमेसर की मरजी ही के, आपाँने अणी दनियाँ का पापाऊँ छेटी राके।

गलातियों 3:13

ईसू मसी ज्यो आपणाँ वाते हरापित व्यो अन आपाँने वणा मूसा का नेमाऊँ छोड़ाया, काँके सास्तर में लिक्यो हे के, “ज्यो कुई हूळी पे लटकायो जाई वो हरापित वेई।”

1 तिमुतियूस 2:6

जणा आपणाँ खुदाखुद ने हाराई मनकाँ ने बंचाबा का वाते गारन्टी का रूप में दे दिदो, ताँके सई टेम पे ईं बात की गवई वे के, परमेसर हाराई ने बंचाणा छारिया हे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 2:17

ईं वाते वींने हरेक बात में मनकाँ का जस्यानीस बणायो ग्यो हो, जणीऊँ वो परमेसर की सेवा करबा का वाते दया करबावाळो अन विस्वास जोगो मायाजक बणे। ताँके मनकाँ का पापाँ का मापी वाते बली हो सके।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

1 पतरस 1:19

पण थाँने ओ छुटकारो मसी का किमती लुईऊँ, जो निरदोस उन्याँ के जस्यान हे, मल सके हे।

1 पतरस 2:24

वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

1 यहुन्ना 2:2

वीं एक बलीदान का रूप में बेस आपणाँइस ने, पण हाराई मनकाँ का पाप ने धोवे हे।

1 यहुन्ना 3:5

थाँ ओ तो जाणो हो के, मसी लोगाँ का पापाँ ने धोवा का वाते परगट व्या हो अन वींके मयने कई पाप कोयने हे।

1 यहुन्ना 4:10

हाँचो परेम ओ ने हे के, आपाँ परमेसरऊँ परेम किदो, पण वो ओ हे के, परमेसर आपाऊँ परेम किदो अन आपणाँ पाप धोवा का वाते आपणाँ बेटा ने बलीदान वेवा का वाते खन्दा दिदो।

परकासितवाक्य 12:11

वणाऊँ उन्याँ का लुईऊँ अन खुद की गवई की वजेऊँ वींने हरा दिदो हो, वणी आपणो जीव को भी होच ने किदो अन मोत ने जेल लिदी।

परकासितवाक्य 13:8

जणा मनकाँ को नाम वीं उन्याँ की जीवन की किताब में ने लिक्यो तको हो, वीं हाराई वी डरावणा जनावर के धोक लागी। अन यो उन्यो ज्यो ईं दनियाँ की सरुआतऊँ बली वेबा का वाते ते किदो ग्यो हो।

परकासितवाक्य 14:1

तद्याँ में देक्यो के, मारी हामे सिय्योन मंगरी पे उन्यो ऊबो हे। वींके हाते एक लाक चमालिस हजार मनक हा, ज्याँका माता पे वींको अन वींका बापू को नाम लिक्यो तको हो।

परकासितवाक्य 14:10

तद्याँ वो परमेसर का गुस्सा का दाकरस ज्या वाँका गुस्साऊँ प्याला में गाळ्यो ग्यो हे, वींने पीई अन पुवितर हरग-दुताँ हामे अन उन्याँ का हामे वादी अन तेजाब का दुक में पड़ी।

परकासितवाक्य 14:4

ईं मनक कूँवारा हा अन ने ईं कणी लुगई का हाते कदी हूँता। अन जटे वीं उन्यो जातो ईं वींके हाते वे जाता। ईं परमेसर का वीं पेला फळ हे, ज्याँने मोल देन छुड़ाया ग्या हा।

परकासितवाक्य 15:3

वीं मनक परमेसर का दास मूसा अन उन्याँ का गीत गारिया हा, “वीं घणा मोटा काम हे ज्याँने थाँ करता रेवो हो। थाँका काम अचम्बा का हे अन थाँकी तागत जुग-जुग तईं हे। परबू परमेसर, थाँको गेलो हाँचो अन धरम का कामाँऊँ भरियो हे, थाँ हारी जात्या का राजा हो।

परकासितवाक्य 17:14

वीं उन्याँऊँ लड़ी, पण वो उन्यो आपणाँ बलाया तका, चुण्या तका अन आपणाँ गेले चालबावाळा मनकाँ ने हाते लेन वींने हरा देई, काँके वो उन्यो राजावो को भी राजा अन परबू को भी परबू हे।”

परकासितवाक्य 19:7

ईं वाते आवो आपाँ राजी वेन खुसी मनावा, अन वाँकी जे-जेकार करा, काँके उन्याँ की ब्याव की त्यारी पुरी वेगी हे अन वींकी बिदणी वीं सज-धज ने त्यार बेटी हे।

परकासितवाक्य 19:9

तद्याँ वणी हरग-दुत माराऊँ क्यो, “अस्यान लिक वीं मनक धन्न हे ज्यो उन्याँ का ब्याव का जीमणा में नुत्या ग्या हे।” वणी पाछो क्यो, “ईं बचन परमेसर का हाँचो बचन हे।”

परकासितवाक्य 21:14

नगर को परकोटो बारा नीमा का भाटाऊँ बणायो ग्यो हो अन वींपे मेमना का बाराई थरप्या तका चेला का नाम लिक मेल्या हा।

परकासितवाक्य 21:27

वींमें ने कुई हुगली चीज अन ने हूँगला काम करबावाळो, ने जूट बोलबावाळो कणी भी तरियाऊँ वटे ने आई। खाली वीं मनक आई ज्याको नाम उन्याँ की जीवन की किताब में लिक्या तका हे।

परकासितवाक्य 21:9

पछे वणा हाताँ दुताँ का नके आकरी हात विपत्याऊँ भरिया तका हात प्याला हा, वणा मेंऊँ एक मारा नके आयो अन माराऊँ बात करन क्यो, “अटे आ, मूँ थने वणी लाड़ी ने बताऊँ, ज्याँ उन्याँ की लुगई हे।”

परकासितवाक्य 5:6

मूँ देकूँ हूँ के, वाँ गादी, च्यारई जीवता जीव का हामे अन वणा पुरवज का बचमें एक उन्यो ऊबो तको हे। वो अस्यान लागरियो जस्यान के, वींकी बली चड़ई गी वे। वींके हात हिंगड़ा अन हात आक्याँ ही, ईं परमेसर की हात आत्मा ही, ज्याँने आकी धरती पे खन्दई गी ही।

परकासितवाक्य 5:8

अन जद्याँ वणी किताब ले लिदी, तो वणा च्यारई जीवता जीव अन वीं चोवीस पुरवज वींके धोक लाग्या। वणा हाराई का नके विणा ही अन वीं वाना आबावाळी चिजाँऊँ भरिया तका होना का प्याला लेन राक मेल्या हा। यो धरमिया की परातना दिकावे हे।

परकासितवाक्य 6:1

में देक्यो के, वणी उन्ये वणा हात मोराँ मेंऊँ एक मोर खोली। तो वाँ च्यार जीवता जीव मेंऊँ एक ने में वादळा की गाजबा की अवाज का जस्यान ओ केतो तको हुण्यो, “आ।”

परकासितवाक्य 6:16

वीं मंगरा अन छाँटाऊँ केरिया हा के, “माकाँ पे पड़ जावो। ज्यो गादी पे बेट्यो तको हे वणीऊँ अन उन्याँ का गुस्साऊँ माँने हपई दो,

परकासितवाक्य 7:14

में वणीऊँ क्यो, “हे मालिक, थाँ तो जाणोई हो।” तो वणा माराऊँ क्यो, “ईं वीं मनक हे जी कळेस जेलन आया हे अन अणा आपणाँ गाबा ने उन्याँ का लुईऊँ धोन धोळा किदा हे।

परकासितवाक्य 7:17

काँके ज्यो उन्यो गादी का बचमें में हे वो वाँकी रुकाळी करी। अन वो वाँने जीवन देबावाळा पाणी की सोता का नके लेन जाई अन परमेसर वाँकी आक्याँ का हाराई आसूँ पुछ देई।”