यहुन्ना 1:19 - नुवो नेम (मेवड़ी नया नियम)

¹⁹ जद्याँ यरूसलेमऊँ यहूदी अदिकारी जद्याँ याजकाँ अन लेवीयाँ ने यहुन्नाऊँ ओ पूँछबा के वाते खन्दाया के, “थूँ कूण हे?”

यहुन्ना 1:19 Iomraidhean Croise

यहुन्ना 1:7

यहुन्नो भी वीं उजिता की गवई देबा ने आयो, ताँके हाराई वींकी हुणन उजिता पे विस्वास करे।

यहुन्ना 10:24

तद्याँ यहूदी लोगाँ वाँके च्यारूँमेर ऊबा वेन अन वाँकाऊँ क्यो, “थूँ कटा तईं माँने भेंम में राकी? यद्याँ थूँ मसी हे तो माने सई-सई बता दे।”

यहुन्ना 10:31

तद्याँ यहूदी अदिकारियाँ ईसू के भाटा मारबा के वाते पाच्छा भाटा तोक लिदा।

यहुन्ना 11:19

नरई यहूदी मारता अन मरियम का नके वाँका भई की मोत पे वाँने संतोक देबाने आया हा।

यहुन्ना 2:18

ईं बात पे यहूदी अदिकारी ईसुऊँ क्यो, “थूँ माने अस्यो कई परच्यो बता सके हे जणीऊँ माँने यो पतो लागे के, थूँ ज्यो कररियो हे, वो करबा को थने हक हे?”

यहुन्ना 2:20

ईंपे यहूदी मनकाँ क्यो, “ईं मन्दर ने बणावा में छियाळी वर लागा, अन कई थूँ ईंने तीन दनाँ में पाछो बणा देई?”

यहुन्ना 5:10

ईं वाते यहूदी अदिकारी मनकाँ ज्यो मांदकीऊँ हव किदो ग्यो हो। वींने केबा लागा के, “थाँरो कुतल्यो उठाणो ठीक ने हे, यो आपणाँ नेमा का खिलाप हे, काँके आज सबत को दन हे।”

यहुन्ना 5:15

पछे वो मनक परोग्यो अन जान यहूदी अदिकारी मनकाऊँ के दिदो के, “जणी मने हव किदो हे, वो ईसू हे।”

यहुन्ना 5:16

ईं वाते यहूदी मनक वाँने हताबा लागा, काँके ईसू यो काम आराम का दन में किदो हो।

यहुन्ना 5:18

या बात यहूदी अदिकारियाँ ने घणी अकरगी अन वीं ईसू ने मारबा का ओरी हेला मोका होदबा लागा। काँके ईसू बेस सबद का नेम नेईस ने तोड़्यो, पण परमेसर ने आपणो बाप बतान खुद ने परमेसर का बराबर कर दिदो।

यहुन्ना 6:41

अणा बाताँऊँ यहूदी मनक ईसू पे बक-बक करबा लागा, काँके वो केतो हो के, “वाँ रोटी मूँ हूँ ज्या हरगऊँ उतरी हे।”

यहुन्ना 6:52

ईंपे यहूदी लोग-बागाँ यो केन एक-दूजाऊँ बेस करबा लागा के, “ओ मनक कस्यान आपणी खुद की देह खाबा ने दे सके हे?”

यहुन्ना 7:1

ईंका केड़े पछे ईसू गलील में जातरा किदी। वो यहूदियाँ परदेस में जाणो ने छावतो हो, काँके यहूदी अदिकारी वींने मारबा की कोसीस कररिया हा।

यहुन्ना 7:11

यहूदी अदिकारी तेवार में ओ केता तका वींने होदरिया हाँ के, “वो कटे हे?”

यहुन्ना 7:15

तद्याँ यहूदी अदिकारियाँ घणो अचम्बा किदो अन क्यो, “यो मनक अतरो कस्यान जाणे हे, यो तो आपणाँ अटे कदी भणवाई ने आयो?”

यहुन्ना 8:22

ईं वाते यहूदी अदिकारी केबा लागा, “कई वो आपणाँ खुद ने मारबावाळो हे, काँके वो केवे हे के, ‘जटे मूँ जाऊँ, वटे थाँ ने आ सको’?”

यहुन्ना 8:48

यहूदी मनकाँ ईसू ने पूँछ्यो, “कई माँको यो केणो सई ने के, थूँ सामरी हे अन थाँरा में हुगली आत्मा धस्यी तकी हे?”

यहुन्ना 8:52

ईंपे यहूदी नेता वाँने क्यो, “अबे माँने पको विस्वास वेग्यो हे के, थाँरा में हुगली आत्मा धस्यी तकी हे। अबराम अन परमेसर का आड़ीऊँ बोलबावाळा तो मरग्या, पण थूँ केवे हे के, ‘यद्याँ कुई मारी हिक ने मानी, तो वो कदी ने मरी।’

यहुन्ना 8:57

पछे यहूदी नेता वाँकाऊ क्यो, “अबार तईं थाँ पचा वर का भी ने व्या अन थें अबराम ने कस्यान देक लिदो?”

थरप्या तका का काम 13:25

यहुन्नो जद्याँ आपणो काम पूरो करबा में हो, तो वणी क्यो, ‘जस्यान थें मारा बारा में होचरया हो वस्यान मूँ ने हूँ। पण, एक अस्यो मनक मारा केड़े आरियो हे, मूँ जिंकी पगरख्याँ का कसणा खोलबा के जोगो भी कोयने हूँ।’”

थरप्या तका का काम 19:4

पोलुस वाँकाऊँ क्यो, “जणी पापाऊँ मन फरायो हे वाँका वाते यहुन्ना को बतिस्मो हे अन वणी लोगाँ ने क्यो के, जो माराऊँ केड़े आबावाळो हे, वो ईसू मसी हे, जिंपे थाँ विस्वास करजो”

1 यहुन्ना 1:5

माँ ज्यो हव हमच्यार परबू ईसुऊँ हुण्यो हे वोईस थाँने हूणावाँ हाँ के, परमेसर उजितो हे अन वींमें नामेक भी अंदारो ने हे।