याकूब 5:16 - नुवो नेम (मेवड़ी नया नियम)

¹⁶ ईं वाते थाँ एक दूजाँ का हामे खुद का पाप ने मानलो अन एक दूजाँ का वाते परातना करता रेवो, जणीऊँ थाँ हव वे जावो। धरमी मनक की परातना घणी जोरवार अन असर करबाळी वेवे हे।

याकूब 5:16 Iomraidhean Croise

मत्ती 21:22

अन थाँ परातना में ज्यो भी विस्वासऊँ मांगो, वो हारोई थाँने मली।”

मत्ती 3:6

वाँकाणी आपणाँ पापाँ ने मान्याँ अन यरदन नंदी में यहुन्ने आपणाँ हाताऊँ वाँने बतिस्मो दिदो।

मरकुस 1:5

यहूदी परदेस अन यरूसलेम नगर का नरई मनक वींका नके उपदेस हुणबा वाते ग्या। जणा आपणाँ पाप ने मान लिदा वाँने वणी यरदन नंदी में बतिस्मो दिदो।

लूका 9:6

अस्यान वी वटूँ चाल पड़्या अन गामाँ-गामाँ में हव हमच्यार हुणाता तका अन हंगळी जगाँ लोग-बागाँ ने मांदकीऊँ हव करता रिया।

यहुन्ना 9:31

माँ जाणा हाँ के, परमेसर पाप करबावाला की ने हुणे, पण यद्याँ कुई परमेसर को भगत वे अन वाँकी मरजी में चालतो वे, तो वो वाँकी हुणे हे।

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

थरप्या तका का काम 19:18

जणा विस्वास किदो हो, वीं वटे आन जीं जीं हूँगला काम वे करता हा वाँने हंगळा के हामे मान लिदा।

थरप्या तका का काम 8:24

समोन जबाव दिदो, “थाँ मारा वाते परबूऊँ अरज करो के, जो बाताँ थाँ हुणई, वाँकाऊँ एक भी बात मारा पे ने बीते।”

रोमियों 3:10

जस्यान के सास्तर लिक्यो हे के, “कुई खरो ने, एक भी ने हे!

रोमियों 5:19

जस्यान एक मनक के आदेस ने मानबा की वजेऊँ घणा मनक पापी व्या, वस्यानीस एक मनक का आदेस मानबा की वजेऊँ घणा मनकाँ ने परमेसर सई ठेराई।

कुलुसियों 1:9

ईं वाते जणी दनऊँ माँ थाँका बारा में ओ हुण्यो, वीं दनऊँ थाँका वाते परातना करणी ने छोड़ी। माँकी परमेसरऊँ याईस परातना हे के, हाराई आत्मिक ग्यान अन हमज का हाते परमेसर आपणी मनसा का ग्यानऊँ थाँने भर दे।

1 थिस्सुलुनिक्यों 5:17

हमेस्यान परातना करबा में लाग्या तका रेवो।

1 थिस्सुलुनिक्यों 5:23

सान्ती देबावाळा परमेसर खुद थाँने हव तरियाँ पुवितर करी अन थाँ थाँकी आत्मा, जीव अन देह ने आपणाँ परबू ईसू मसी का पाच्छा आबा का दन तईं पुरी तरियाऊँ निरदोस बणन हाँजाहाँतरा रेवो।

1 थिस्सुलुनिक्यों 5:25

हो भायाँ-बेना, मारा वाते भी अरज करिया करज्यो।

इब्रानियों 11:4

विस्वास करबा की वजेऊँ हाबिल केनऊँ हव भेंट परमेसर के चड़ई ही। विस्वास करबा की वजेऊँ परमेसर वींकी भेंट ने मान लिदी अन वणीऊँ वींने एक धरमी मनक का रूप में मान मल्यो। वींके मरबा का केड़े आज आपाँ वणीऊँ हिका हा।

इब्रानियों 11:7

विस्वास करबा की वजेऊँ नूह भी वणा बाताँ ने ज्यो वींने दिकई कोयने दिदी ही। ईं बारा में चेतावणी पान परमेसर की दरपणी का हाते आपणाँ परवार ने बंचाबा का वाते जाँज बणायो हो, अस्यान करन वणी दनियाँ ने दोसी ठेराई अन वो धारमिकता को वारिस बणग्यो, ज्यो विस्वास करबाऊँ आवे हे।

इब्रानियों 12:13

आपणाँ पगाँ का वाते हुदो अन हरिको गेलो बणावो, ताँके लंगड़ा अकड़े कोनी, पण हव वे जावे।

इब्रानियों 13:18

माकाँ वाते परातना करता रेवो, काँके माँने भरोसो हे के, माँकी अंतर-आत्मा सुद हे। अन माँ हारी बाताँ में बड़िया चालचलन छावाँ हा।

1 पतरस 2:24

वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।

1 यहुन्ना 3:22

अन आपाँ ज्यो कई भी वाँकाऊँ मांगा हा, वो आपाँने मले हे, काँके आपाँ वोईस काम करा हाँ, ज्यो परमेसर ने हव लागे हे अन आपाँ वींका आदेस ने भी मानाँ हा।