याकूब 4:1 - नुवो नेम (मेवड़ी नया नियम)

¹ थाँकामें लड़ई-जगड़ो काँ वेवे हे? ईंको मस थाँका मयने थाँकी भोग-विलास की मरजी हे ज्या थाँका मयने लड़ई-जगड़ो करीरी हे।

याकूब 4:1 Iomraidhean Croise

मत्ती 15:19

काँके मनऊँ खराब बच्यार, हत्या, पराई लगाई का हाते हूँगला काम, कुकरम, चोरी, जूटी गवई अन परमेसर की बुरई निकळे हे।

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

रोमियों 7:23

पण मूँ मारी देह में एक दूजाँ नेमा ने काम करता देकूँ हूँ जीं मारा मन का नेमाऊँ लड़े हे अन मने पाप का नेमा में बन्दी बणा लेवे हे। ईं नेम मारी देह में काम करे हे।

रोमियों 7:5

काँके जद्याँ आपाँ मनकाँ का हाव-भाव का जस्यान जीरिया हा, तो आपणी पापऊँ भरी मरजी ज्या नेमाऊँ अई ही, वाँ आपणाँ अंगा में काम करबा लागगी। जणीऊँ आपणो अंत मोत वेवे,

रोमियों 8:7

काँके देह पे मन लगाणो तो परमेसरऊँ दसमणी राके हे, काँके देह ने तो परमेसर का नेम पे चाले हे अन नेई कदी चाल सके हे।

गलातियों 5:17

काँके देह का मरजी अन पुवितर आत्मा एक-दूँजा के खिलाप हे अन आपस में बेरी हे। ईं वाते ज्यो थाँ करणा छावो हो, वो ने कर सको हो।

कुलुसियों 3:5

ईं वाते थाँ कुकरम, हूँगला पणो, बुरी वासना, हुगली मरजी, लोब-लाळच ज्यो मूरत पुजा का जस्यान को हे, अस्यान का दनियादारी का गुण ने आपणाँ मेंऊँ मार दो।

2 तिमुतियूस 2:23

फोगट अन बना मतलब की बाताँऊँ खुद ने छेटी राक, काँके थूँ खुद जाणे हे के, अणाऊँ लड़ई-जगड़ा वेवे हे।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

तीतूस 3:9

बेकार की बाताँऊँ, वंसावल्या की गणतीऊँ, लड़ई-जगड़ाऊँ अन नेमा का बारा में लड़बाऊँ बंचन रेवो, काँके ईं बाताँ बेकार अन बना मतलब की हे।

याकूब 1:14

अन ज्यो भी परक्यो जावे हे वो खेचान बुरी मरजी में पड़ जाँने अन वींमें फसन परक्यो जावे हे।

याकूब 4:3

अन थाँ माँगो भी हो, पण थाँने मले कोयने, काँके थाँ बुरी मरजीऊँ माँगो हो। अन ज्यो मले वींने थाँ थाँके भोग-विलास में उड़ा देवो हो।

1 पतरस 1:14

आग्या मानबावाळा बाळक के जस्यान रेवो। पेल्याँ थाँकामें ज्या बुरी मरजी ही, वींके जस्यान मती रो, काँके तद्याँ थाँ बना ग्यान का हा।

1 पतरस 2:11

हे मारा प्यारा भायाँ-बेना, थाँ जो ईं दनियाँ का मयने बारवासी मनकाँ के जस्यान हो, थाँकाऊँ अरज करूँ हूँ के, थाँ पाप करबा की बुरी मरजीऊँ खुद ने बंचान राकज्यो, ज्या थाँकी आत्माऊँ लड़ती रेवे हे।

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

2 पतरस 3:3

अणीऊँ पेल्याँ थाँने ओ जाण लेणो छावे के, आकरी दनाँ में दाँत काड़बावाळा अन मजा करबावाळा आई अन आपणी बुरी मरजी का जस्यानीस करी।