याकूब 3:8 - नुवो नेम (मेवड़ी नया नियम)

⁸ पण जीब ने कुई मनक काबू में ने कर सक्यो। आ अस्यान की बुरई हे ज्या हसली कोयने रेवे अन जीव लेबावाळा जेरऊँ भरी तकी हे।

याकूब 3:8 Iomraidhean Croise

रोमियों 3:13

वाँको मुण्डा खली तकी कबर का जस्यान हे। वीं आपणी जीबऊँ छळ-कपट करे हे। वाँका होट पे हाँप को जेर भरियो तको हे।

याकूब 3:6

वस्यानीस जीब भी वादी हे, ज्या आपणाँ अंग में एक बुरई की दनियाँ हे अन हारी देह पे कळंक लगावे हे अन हाराई जीवन में वादी लगा देवे हे। अन आ जीब भी आकरी में नरक की वादीऊँ बाळ दिदी जाई।

याकूब 3:7

अन देको हाराई जंगली जनावर, उड़बावाळा जनावर, जमीं पे चाळबावाळा जनावर अन पाणी में रेबावाळा जनावर मनकाँ का काबू में कररिया जा सके हे अन किदा भी ग्या हे।

परकासितवाक्य 12:9

अन वीं मोटा अजगर ने धरती पे फेंक दिदा ग्यो ओ वोईस पुराणो मोटा हाँप हे जिंने दानव कन सेतान क्यो ग्यो हे। ओ हारी दनियाँ ने भरमातो रेवे। ईं अजगर ने ईंका दुताँ का हाते धरती पे फेंक दिदा ग्या।