याकूब 2:14 - नुवो नेम (मेवड़ी नया नियम)

¹⁴ हो मारा भायाँ, जद्याँ कुई केवे के, मने विस्वास हे, पण वो वींके जस्यान करम ने करे, तो वींने कई नफो? कई अस्यान का विस्वासऊँ वींको छुटकारो वे सकी?

याकूब 2:14 Iomraidhean Croise

मत्ती 5:20

काँके मूँ थाँकाऊँ केवूँ हूँ के, यद्याँ थाँकी धारमिकता मूसा का नेमा ने हिकाबावाळा अन फरीसियाँ की भगतीऊँ मोटी ने वेई, तो थाँ हरग का राज में कदी ने जा सको।”

लूका 3:11

यहुन्ने वणाऊँ क्यो, “जिंका नके दो कुरता हे एक जिंका नके ने हे, वींने दे देवे अन जिंका नके खाणो हे वीं भी अस्यानीस करे।”

लूका 6:49

पण जी हुणे अन ने माने, वी वणी मनक का जस्यान वेई, जणी आपणो घर बना नीम को बणायो अन जद्याँ बाड़ अई, तो घर तरत धड़ग्यो अन नंसगी नास वेग्यो।

थरप्या तका का काम 15:9

वणी आपाँ अन वाँका में कुई दूज-भराँत ने राकी अन वाँका पापाँ ने माप किदा काँके वणा विस्वास किदो।

थरप्या तका का काम 8:13

तद्याँ समोन खुद भी भरोसो किदो अन बतिस्मो लेन फिलिपुस की लारे रेवा लागो। वो परच्या अन अनोका कामाँ ने देकन अचम्बा में पड़ग्यो।

थरप्या तका का काम 8:21

ईं बात में थारी ने पाँती हे अन ने थूँ भेळो हे, काँके थारो मन परमेसर के हामे हव कोयने।

रोमियों 2:25

यद्याँ थूँ नेमा पे चाले, तो थने खतनाऊँ नफो हे, पण यद्याँ थूँ नेमाने तोडे़, तो थूँ खतनावाळो वेन भी बना खतनावाळा के जस्यान मान्यो जाई।

1 कुरिन्थियों 15:2

अन अणीऊँस थाँ बंचाया जावो हो, पण थाँने अणा बचना ने हूँस्यारी का हाते पकड़न राकणा हे अन यद्याँ थाँ अस्यान ने करो तो थाँको विस्वास करणो बेकार वे जाई।

1 कुरिन्थियों 16:22

अन ज्यो कुई परबूऊँ परेम ने करी वींने हराप लागी। आपणाँ परबू वेगा आई!

गलातियों 5:13

पण हो भायाँ, थाँने तो परमेसर आजाद वेवा के वाते बलाया हे, पण अणी आजादी ने थाँ आपणाँ सरीर का कामाँ ने पूरा करबा का वाते काम में मती लावो, पण परेम-भावऊँ एक दूजाँ की सेवा करो।

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

1 थिस्सुलुनिक्यों 1:3

बापू परमेसर का हामे थाँका विस्वास का काम ने, परेम का वाते घणी मेनत ने अन परबू ईसू मसी का पाच्छा आबा की थाँकी पाकी आस ने हमेस्यान आद करा हाँ।

1 तिमुतियूस 1:5

मारी अणी हिक देबा का पाच्छे योईस मकसद हे के, हाराई विस्वासी परेमऊँ भर जावे, ज्यो हव मनऊँ, हुदी अंतर-आत्माऊँ अन बना छळ-कपट का विस्वासऊँ पेदा वेवे हे।

1 तिमुतियूस 4:8

देह की सेवाऊँ तो थोड़ोक नफो वेवे, पण परमेसर की सेवा तो हारी बाताँ में नफो करे हे, काँके अबाणू अन आबावाळा जीवन को वादो ईंमेंइस हे।

तीतूस 1:16

वीं परमेसर ने जाणबा को दावो तो करे हे, पण वाँका काम वाँने नकार देवे हे। वीं हूँगला अन बात ने ने मानबावाळा हे, वीं हव काम का जोगा ने हे।

तीतूस 3:8

आ हाँची बात हे। मूँ छावूँ हूँ के, अणी मामला में थूँ खासतोर जोर देन के, जणीऊँ परमेसर पे विस्वास करबावाळा भला काम करता रेवे। ईं बाताँ मनकाँ का वाते हव अन नफा की हे।

इब्रानियों 11:17

विस्वास की वजेऊँ जद्याँ परमेसर अबराम की परक कररिया हा, तद्याँ वणी इसाक की बली चड़बा की पुरी त्यारी कर लिदी। जद्याँ के परमेसर वणीऊँ क्यो हो के, “इसाकऊँ थाँरो बंस आगे बड़ी।” ईंका केड़े भी अबराम जिंने वादो मल्यो हो, वो आपणाँ एकलोता बेटी की बली देबा का वाते त्यार वेग्यो।

इब्रानियों 13:9

अलग अलग तरियाँ का अणजाणी हिकऊँ भटको मती, काँके थाँका मन का वाते यो हव के, वो खाबा-पिबा की नेमा का बजाए दयाऊँ मजबूत बणे। अन जणा खाबा-पिबा का नेमाने मान्याँ वणाऊँ वाँको कदी भलो कोनी व्यो।

याकूब 1:16

ईं वाते हो मारा लाड़ला भायाँ-बेना, थाँ धोको मती खावो।

याकूब 2:16

अन थाँकामूँ कुई वींने केवे के, राजी खुसीऊँ रे अन धाप्यो तको अन ऊनो रे, पण वींकी देह के जरूत की चिजाँ वींने ने देवे, तो कई फायदो?

याकूब 2:18

पण कुई के सके के, “थाँरा नके विस्वास हे अन मारा नके करम हे।” अबे थूँ मने थाँरो विस्वास बना करम के बता अन मूँ थने मारो विस्वास मारा करम का जरिये बताऊँ।

याकूब 2:26

अन जस्यान देह आत्मा के बना मरी तकी हे, वस्यानीस विस्वास भी करमा के बना मरियो तको हे।

2 पतरस 1:5

थाँ हाराई हर तरियाऊँ कोसीस करता रेवो, ताँके थाँ थाँका विस्वास बड़ा सको अन विस्वास में हव गुण, हव गुण में हमज ने,