याकूब 1:5 - नुवो नेम (मेवड़ी नया नियम)

⁵ पण जद्याँ थाँकामें किंने भी अकल की कमी वेवे तो, वो परमेसरऊँ मांगे, ज्यो बना तापड़्या खुला मनऊँ देवे हे, अन थाँने अकल दिदी जाई।

याकूब 1:5 Iomraidhean Croise

मत्ती 11:20

तद्याँ ईसू वणा नगराँ ने धिकार देबा लागो, जणामें वणी नरई अचम्बावाळा काम किदा हा। काँके वटा का लोगाँ पाप करणो ने छोड़्यो अन ने आपणाँ मन ने वींका आड़ी फेरियो।

मरकुस 16:14

पछे जदी वींका ग्यारई चेला रोट्याँ खारिया हा, ईसू वाँका मुण्डागे परगट व्या अन वे वाँने वाँका बना विस्वास, कल्डा मन के वाते फटकारिया, काँके वणा वाँका हमच्यार को विस्वास ने किदो हो, जणा ईसू ने जीवता व्या केड़े देक्या हा।

यहुन्ना 14:13

ज्यो कई थाँ मारा नामऊँ मांगो, वो मूँ करूँ, ताँके पूत की वजेऊँ परमेसर की बड़ई वेवे।

यहुन्ना 15:7

यद्याँ थाँ मारा में बण्या रेवो अन मारा बचन थाँकामें बण्यो रेई, तो ज्यो भी छावो माँगो वो थाँका वाते वेजई।

यहुन्ना 4:10

ईसू वींने जवाब दिदो, “यद्याँ थूँ परमेसर का दान ने जाणती, अन ओ भी जाणती वो कुई हे, ज्यो थाँराऊँ केवे हे, ‘मने पाणी पा’, तो थूँ वणीऊँ मांगती अन वो थने जीवन को जळ देतो।”

2 कुरिन्थियों 2:16

पण वाँका वाते ज्यो मोत का गेला पे नास वेबा का वाते जारिया हे वाँका वाते मोत का जस्यान की बाना हाँ ज्यो मोत का आड़ी ले जावे हे। पण वाँ मनकाँ वाते ज्यो बंचाया जाबा का गेला का आड़ी जारिया हे वाँका वाते जीवन का जस्यान की बाना हाँ ज्यो वाँने जीवन का आड़ी बड़ावे हे। पण अणी बाताँ का जोगा कूण हे?

याकूब 1:17

काँके हाराई दान वरदान अन हव ईनाम उपरेऊँईस मले हे अन ईं उजिता का परमेसरइस देवे हे जणी हरग ने बणाया हे, ज्यो कदी बदल कोयने, अन वींमें बदलती दसा का वजेऊँ आबावाळी काळी छाया भी कोयने हे।

याकूब 3:17

पण ज्यो ग्यान हरगऊँ आवे हे वो हाराऊँ पेल्याँई तो पुवितर वेवे अन वींके केड़े सान्तीऊँ भरियो तको, सेण करबावाळो, बात मानबावाळो, दयाऊँ भरियो तको, हव फळवाळो अन बना पकसपात को अन बना कपट को वेवे हे।

याकूब 5:16

ईं वाते थाँ एक दूजाँ का हामे खुद का पाप ने मानलो अन एक दूजाँ का वाते परातना करता रेवो, जणीऊँ थाँ हव वे जावो। धरमी मनक की परातना घणी जोरवार अन असर करबाळी वेवे हे।

1 यहुन्ना 3:22

अन आपाँ ज्यो कई भी वाँकाऊँ मांगा हा, वो आपाँने मले हे, काँके आपाँ वोईस काम करा हाँ, ज्यो परमेसर ने हव लागे हे अन आपाँ वींका आदेस ने भी मानाँ हा।