याकूब 1:26 - नुवो नेम (मेवड़ी नया नियम)

²⁶ जद्याँ कुई खुद ने भगत हमजे हे अन आपणी जीब ने काबू में ने राके हे तो वो खुद ने धोको देवे हे अन वींकी भगती कई काम की ने हे।

याकूब 1:26 Iomraidhean Croise

मत्ती 15:9

अन ईं बेकार में मने माँने हे, काँके ईं मनकाँ का रिति-रिवाज ने मारा उपदेस बणान हिकावे हे।’”

मरकुस 7:7

अणाकी भगती बना काम की हे, काँके ईं लोगाँ ने मनकाँ का बणाया तका नेमा ने परमेसर का नेमा का जस्यान हिकावे हे।’”

लूका 8:18

ईं वाते ध्यानऊँ हुणो के, थाँ कस्यान हुणरिया हो? जणी का नके हे, वींने ओरू भी दिदो जाई। अन जिंका नके ने हे, वींकाऊँ वो भी ले लिदो जाई, जिंने वीं आपणाँ खुद को हमजे हे।”

1 कुरिन्थियों 15:15

अन माँ भी परमेसर का हामे जूटा गवा बणा हा, काँके माँ परमेसर का बारा में थाँने आ गवई दिदी हे के, वणा मसी ने मरिया तका मेंऊँ पाच्छा जीवता किदो।

1 कुरिन्थियों 15:2

अन अणीऊँस थाँ बंचाया जावो हो, पण थाँने अणा बचना ने हूँस्यारी का हाते पकड़न राकणा हे अन यद्याँ थाँ अस्यान ने करो तो थाँको विस्वास करणो बेकार वे जाई।

1 कुरिन्थियों 3:18

थाँ आपणाँ खुद ने धोका मती दो। यद्याँ थाँकामूँ कुई ईं दनियाँ में आपणाँ खुद ने ग्यानवाळो हमजे तो वींने बना अकल को बणणो छावे के, वो ग्यानवाळा वे जावे।

गलातियों 2:6

पछे ज्यो मनक कई हमज्या जाता हाँ, वाँकाऊँ मने कई ने मल्यो। वीं मनक कस्या भी हे, मने वाँकाऊँ कई लेणो-देणो कोयने, काँके परमेसर किंको भेद-भाव ने करे हे, वीं मान्याँ तका मनक मारा में कन मारे हुणाया ग्या हव हमच्यार में कई कमी ने निकाळ सक्या।

गलातियों 2:9

अन जदी वणा मारा में परमेसर की दया को वरदान जाणग्या, तो याकूब, केफा अन यहुन्ना जीं मण्डली का मुक्या हमज्या जाता हा, वणा मारा अन बरनबास का हाते हात मला लिदो के, माँ जी यहूदी ने हे वणा मनकाँ में हव हमच्यार ने हुणावा का वाते जावा, अन वीं यहूदी का नके जावे।

गलातियों 3:4

कई थाँ अतरो दुक फालतू में उटायो? ओ कदी बेकार ने वेई।

गलातियों 6:3

काँके यद्याँ किंके नके कई भी ने वेवे तोबी वो अपणे खुद ने मोटो हमजे, तो वो अपणा खुद ने खाड़ा में नाकरियो हे।

इपिसियों 4:29

थाँका मुण्डाऊँ कई नकसाण करबावाळी बाताँ ने निकळणी छावे, पण लोगाँ के धिज्यो बंदाबा का वाते ज्याँने जरूत हे, अस्यी हव बाताँइस निकळणी छावे, ताँके ज्यो हुणे वाँको भलो वे।

इपिसियों 5:4

लाज अन फोगट की बाताँ अन हूँगला चुटकला की बाताँ थाँका बचमें ने वेणी छावे, पण वाँकी जगाँ पे थाँने धन्नेवाद देणो छावे।

कुलुसियों 4:6

थाँकी बोली हरदाण दयाळू अन मिठी वे, ताँके थाँ जाण सको के, हाराई मनकाँ ने कस्यान जवाब देणो हे।

याकूब 1:19

हो मारा लाड़ला भायाँ, अणा बाताँ पे ध्यान लगावो के, थाँ हाराई हुणबा का वाते त्यार रेवो। बोलबा का वाते आगत मती करज्यो अन गुस्सो करबा का वाते आगता मती वेज्यो।

याकूब 1:22

बचन ने खाली हूणबावाळा ईंस ने पण वींपे चालबावाळा भी बणो। जद्याँ थाँ खाली हुणबा वाळाईस हो, तो थाँ खुद ने धोको देरिया हो।

याकूब 2:20

अरे ए मुरक, थूँ ओ जाणणो छावे के करम बना विस्वास बेकार हे?

1 पतरस 3:10

जस्यान पुवितर सास्तर में लिक्यो तको हे के, “जो जीवन की आस राके हे हव दनाँ की आस राके हे, वो आपणी जीब ने बुरी बाताँ केवाऊँ अन होटा ने छळ करबा की बाताँऊँ रोकी राके।