इब्रानियों 9:19 - नुवो नेम (मेवड़ी नया नियम)

¹⁹ ईं वाते जद्याँ मूसे नेमा की हारी आग्या लोगाँ ने हुणई नाकी, तो वणी पाडा-पाडी अन बकरा को लुई पाणी में मलान लाल ऊन अन जुफा की डाळ्याऊँ वीं किताब पे अन हाराई लोगाँ पे छाँट दिदो।

इब्रानियों 9:19 Iomraidhean Croise

मत्ती 27:28

अन वणा वाँका गाबा उतारन वाँने दरबारी गाबा पेराया।

मरकुस 15:17

पछे वाँ ईसू ने दरबारी गाबा पेराया अन काँटा को एक मुकट बणान वींका माता पे मेल दिदो।

मरकुस 15:20

अस्यान जदी वाँकी रोळ करन, वींका दरबारी गाबा उतार्या अन वींने आपणाँ खुद का गाबा पेरा दिदा अन पछे वींने हूळी पे चड़ाबा ने लेग्या।

यहुन्ना 19:2

पछे सपायाँ काँटा की डाळ्याँ को मुकट गूँतन ईसू का माता पे मेल दिदो। अन वींने दरबारी गाबा पेरायाँ।

यहुन्ना 19:5

तद्याँ ईसू काँटा को मुकट अन दरबारी गाबा पेरिया तका बारणे निकळ्यो अन पिलातुस मनकाँऊँ क्यो, “देको, ओ रियो वो मनक।”

इब्रानियों 1:1

परमेसर पुराणा टेम में आपणाँ आड़ीऊँ बोलबावाळा का जरिये नरई मोका पे नरी तरेऊँ आपणाँ बड़ाबाऊँ बाताँ किदी ही।

इब्रानियों 10:22

ईं वाते आवो, आपाँ हाँचा हिया, पूरा विस्वास, अन मन का बुरा दोस पे छीड़कावऊँ सुद करवान देह ने सुद पाणीऊँ धोवान परमेसर का नके जावा।

इब्रानियों 10:4

काँके ओ कदी ने वे सके के, बकरा को अन पाडो को लुई पापाँ ने माप कर सके।

इब्रानियों 12:24

अन एक नुवा वादा का बिचोलिया ईसू का नके अन छाट्याँ तका वीं लुईऊँ नके आग्या हो, ज्यो हाबिल का लुईऊँ भी बड़िया वादो करे हे।

इब्रानियों 9:12

अन बकरा अन पाडो का लुईऊँ ने पण आपणाँ खुद का लुईऊँ एकीस दाण पुवितर जगाँ में ग्यो अन आपणाँ वाते हमेस्यान को छुटकारो पाको कर दिदो।

इब्रानियों 9:13

काँके जद्याँ बकरा अन पाडा का लुई अन पाडी की भभूत वाँका पे छाटी जावे, ज्यो रिति-रिवाज का जस्यान असुद ने सुद बणावे हे, ताँके वीं देह का हस्याबूँ सुद वे सके।

इब्रानियों 9:18

ईं वाते पेलो करार भी बना लुई के, लागू ने किदो ग्यो हो?

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।