इब्रानियों 9:14 - नुवो नेम (मेवड़ी नया नियम)

¹⁴ आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

इब्रानियों 9:14 Iomraidhean Croise

मत्ती 12:28

पण यद्याँ मूँ परमेसर की आत्मा की मदतऊँ हुगली आत्मा नवाड़ू हूँ, तो परमेसर को राज थाँका नके आ पूग्यो हे।

मत्ती 16:16

समोन पतरस जटऊँ क्यो, “थूँ जीवता परमेसर को पूत मसी हे।”

मत्ती 20:28

जस्यान के मनक को पूत ईं वाते ने आयो के, वींकी सेवा-चाकरी किदी जावे पण ईं वाते आयो के, नरई ने छुड़ाबा का वाते आपणी जीव देवे।”

मत्ती 7:11

ईं वाते यद्याँ थाँ बुरा वेता तका भी आपणाँ छोरा-छोरी ने हव चिजाँ देणी हव हमज्यो हो, तो थाँरो हरग को बाप परमेसर माँगबावाळा ने हव चिजाँ काँ ने देई?

लूका 1:74

के, वाँ आपाँने आपणाँ दसमणा का हाताऊँ छुड़ाई। अन आपाँ बना दरप्याँ परबू की सेवा करा।

लूका 12:24

कागला पे ज्यान दो के, वी ने तो कई बावे हे, अन ने काटे हे अन ने वाँका नके बकारिया वेवे हे, तुई परमेसर वाँने पाळे हे। पण थाँको मोल तो जीव-जनावराऊँ घणो हेलो हे।

लूका 12:28

ईं वाते यद्याँ परमेसर काकड़ का फुल ने जी आज हे अन ज्याँने काले बाळ दिदा जाई। वाँने अस्यो पेरावो पेरावे हे, तो हो कम विस्वासवाळा मनकाँ, वीं थाँकी देक-रेक काँ ने करी?

लूका 4:18

“परमेसर की आत्मा मारा ऊपरे हे। काँके वणा मने गरीब मनकाँ ने हव हमच्यार हूँणबा का वाते चुण्यो हे। वणीस मने खन्दायो हे के, मूँ केदयाँ ने छुड़ाबा को अन आन्दा ने देकबा का सन्देस को परच्यार करूँ अन दब्या तका मनकाँ ने ऊँसा उठऊँ।

यहुन्ना 3:34

काँके जिंने परमेसर खन्दायो हे, वो परमेसर की बाताँ केवे हे, काँके परमेसर वींने आपणी आत्माऊँ भरपूर किदो हे।

थरप्या तका का काम 1:2

परमेसर की पुवितर आत्मा ईसू ने हरग में लेन परीगी वीं दन तईं ईसू हिकई अन किदी। ईसू को हरग में जाबाऊँ पेल्या ईसू थरप्या तका चेला ने पुवितर आत्माऊँ उपदेस दिदा।

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

थरप्या तका का काम 14:15

“हो लोगाँ, थाँ ओ कई कररिया हो। माँ भी थाँके जस्यानीस मनक हाँ, अन थाँने हव हमच्यार हुणाबा आया, ताँके थाँ अणा फोगट की चिजाँऊँ छेटी वेन जीवता परमेसर के आड़ी आवो, जणी हरग, धरती, समन्द अन जो कई अणामें हे वणीस बणाया हे।

थरप्या तका का काम 15:9

वणी आपाँ अन वाँका में कुई दूज-भराँत ने राकी अन वाँका पापाँ ने माप किदा काँके वणा विस्वास किदो।

रोमियों 1:20

काँके जद्याँ परमेसर ईं जग ने बणायो हो, तद्याँऊँ वाँका ने दिकबावाळा गुण मतलब अनंत सगती अन परमेसर का हभाव देक्या जावे हे, परमेसर ज्यो कई बणायो हे वणा चिजाँऊँ वीं परमेसर ने साप साप जाणे हे। ताँके मनकाँ का नके कई आळको ने वेवे।

रोमियों 11:12

अस्यान यद्याँ वाँका गलती करबा को मतलब दनियाँ की भरपुरी हे अन वाँका नाकाम वेबाऊँ ज्यो यहूदी ने हा, वाँ मनकाँ की भरपुरी हे, तो वणा हाराई के एक हाते वेबाऊँ तो कतरी ओरी भरपुरी वेई।

रोमियों 11:24

जद्याँ थने जनमऊँ जंगल का जेतुन का रूँकड़ाऊँ एक डाळी की तरियाँ काटन नेमा का विरोद में एक हव जेतुन का रूँकड़ाऊँ जोड़ दिदो ग्यो, तो ईं ज्यो वीं रूँकड़ा के खुद की डाळ्याँ हे खुद का रूँकड़ा में पाच्छी काँ ने जोड़ी जाई?

रोमियों 6:13

थाँका देह का अंग ने अधरम का सादन वेबा वाते पाप का हाताँ में मती दिज्यो, पण मरिया तका मेंऊँ जी उटबावाळा के जस्यान परमेसर का हाताँ में दिज्यो। अन थाँकी देह का अंगा ने धारमिकता का सादन वेबा वाते परमेसर ने हूँप दो।

रोमियों 6:22

पण अबे थाँने पापऊँ छुटकारो मलग्यो ग्यो हे अन परमेसर का दास बणा दिदा ग्या हो, तो ज्या खेती थाँ करिया हो, वाँ थाँने परमेसर का आड़ी खरईपणा में लेजाई। जिंको आकरी फळ अनंत जीवन हे।

1 कुरिन्थियों 15:45

सास्तर में लिक्यो तको हे के, “पेलो मनक आदम हे ज्यो जीवतो प्राणी हे”, पण आकरी मनक मसी हे, ज्यो जीवन देबावाळी आत्मा हे।

2 कुरिन्थियों 5:21

अन जणी कदीई पाप ने किदो वींने परमेसर आपणाँ पापाँ का वाते बली बणायो जणीऊँ आपाँ परमेसर का हामे सई मान्याँ जावाँ।

2 कुरिन्थियों 6:16

परबू का मन्दर को मूरत्याऊँ कई वेवार? काँके आपाँ खुदईस जीवता परमेसर का मन्दर हा, जस्यान वणा खुदईस क्यो हो, “मूँ वाँका में वास करिया करूँ, वाँका में चालूँ-फरूँ। मूँ वाँको परमेसर वेऊँ अन वीं मारा मनक वेई।

गलातियों 2:19

काँके मूँ तो नेमा का जस्यान नेमाँ में मरयो ताँके मूँ परमेसर की आत्मा में पाछो जीवू, मूँ मसी का हाते हूळी पे चड़ायो ग्यो हूँ।

इपिसियों 2:5

जद्याँ आपाँ गुना का मस आत्मिक जीवन में मरिया तका हा, तो आपाँने मसी का हाते जिवाया। वाँकी करपाऊँ थाँ बंचाया ग्या हो।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

1 थिस्सुलुनिक्यों 1:9

काँके वटा का मनक खुद ईं माकाँ बारा में बतावे हे के, कस्यान माँ थाँका नके आया अन कस्यान थाँ मूरत्याँ ने छोड़न जीवता अन हाँचा परमेसर की सेवा करबा का वाते फरग्या हाँ।

1 तिमुतियूस 1:17

अन अबे हमेस्यान राज करबावाळो राजा, अनदेक्यो, बेस एकीस परमेसर को मान अन मेमा जुग-जुग वेती रेवे। आमीन।

1 तिमुतियूस 3:15

पण यद्याँ मारा आबा में टेम लागी तो, ईं कागदऊँ जाण जाज्यो के, आपणाँ परमेसर को घराणो, जीं जीवता परमेसर की मण्डली हे या हाँच की नीम अन थम्बो हे, वींके हाते आपाँने कस्यान को वेवार करणो छावे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 10:10

ईं वाते परमेसर की वीं मरजीऊँ ईसू मसी की देह के एकीस दाण बलीऊँ आपाँ पुवितर किदा ग्या हाँ।

इब्रानियों 10:12

पण ईसू मसी तो एक याजक का रूप में पाप का वाते एकीस दाण हमेस्यान का वाते बली वेन परमेसर का जीमणे हात आड़ी जान बेटग्यो।

इब्रानियों 10:2

यद्याँ अस्यान वेतो तो वाँको चडावो चड़ाणो बन्द वे जातो। अन यद्याँ भगती करबावाळा एकीस दाण में हमेस्या का वाते पुवितर ने वे जाता, तो वाँको मन वाँने पाच्छा पापी ने ठेरातो।

इब्रानियों 10:22

ईं वाते आवो, आपाँ हाँचा हिया, पूरा विस्वास, अन मन का बुरा दोस पे छीड़कावऊँ सुद करवान देह ने सुद पाणीऊँ धोवान परमेसर का नके जावा।

इब्रानियों 11:21

विस्वास करबा की वजेऊँ याकूब जद्याँ मरबावाळो हा, तद्याँ वणी युसुप का हाराई बेटा ने आसीस दिदी अन आपणी लाटी का टेके ऊबो वेन परमेसर के धोक दिदो।

इब्रानियों 13:12

अणीस वाते ईसू भी लोगाँ ने आपणाँ खुद का लुईऊँ पुवितर करबा का वाते नगर का बारणे दुक जेल्यो हे।

इब्रानियों 3:12

हो भायाँ, हूँस्यार रो, कटे थाँकामूँ किंके मन में बुरई अन अविस्वास ने आ जावे, ज्यो थाँने जीवता परमेसरऊँ छेटी कर दे।

इब्रानियों 6:1

ईं वाते आवो, मसी की हिक की सरुआत की बाताँ ने छोड़न आपाँ पाका वेबा का वाते आगे बड़ता जावा। अन आपाँ सरुआत की हिक की नीम पाच्छी ने नाका, जस्यान के, मोत का आड़ी लेजाबावाळा कामाँऊँ मन फेरणो, अन परमेसर पे विस्वास करणो,

इब्रानियों 7:16

वो मनकाँ का नेमा अन आग्या का आदार पे कोयने, पण नास ने वेबावाळा जीवन की तागत के आदार पे याजक बण्यो हे।

इब्रानियों 7:27

ज्याँका वाते दूजाँ मोटा याजकाँ के जस्यान यो जरूरी ने हे के, वीं रोज पेल्याँ आपणाँ पापाँ का वाते अन पछे लोगाँ का पापाँ का वाते बली चड़ावे। वणी तो हमेस्या हमेस्या का वाते मनकाँ का पापाँ का वाते आपणाँ खुद ने बली कर दिदो।

इब्रानियों 9:12

अन बकरा अन पाडो का लुईऊँ ने पण आपणाँ खुद का लुईऊँ एकीस दाण पुवितर जगाँ में ग्यो अन आपणाँ वाते हमेस्यान को छुटकारो पाको कर दिदो।

इब्रानियों 9:26

यद्याँ अस्यान वेतो तो दनियाँ का रचनाऊँ लेन वींने आकोदाण दुक जेलणो पड़तो, पण अबे जुग का अन्त में वो एकीस दाण परगट व्यो हे, ताँके आपणाँ बलीदानऊँ पाप ने छेटी कर दे।

इब्रानियों 9:7

पण मयने का ओवरा में मायाजक साल में एक दाण जातो हो। वो बना वीं लुई के कदी ने जातो हो, जिंने वो खुद अन आपणाँ मनकाँ का अणजाण में किदा ग्या पापाँ का वाते परमेसर के भेंट चड़ातो हो।

इब्रानियों 9:9

अन यो तम्बू अबाणू की टेम का वाते एक केणी हे, जिंमें अस्यी भेंट अन बलीदान चड़ाया जावे हे, जणीऊँ आरादना करबावाळा का मन पुरी तरियाँ सुद ने वे सके हे।

1 पतरस 1:19

पण थाँने ओ छुटकारो मसी का किमती लुईऊँ, जो निरदोस उन्याँ के जस्यान हे, मल सके हे।

1 पतरस 2:22

सास्तर में लिक्यो तको हे के, “वणी कई पाप ने किदो हो अन नेई वाँका मुण्डाऊँ धोका की बाताँ निकळी।”

1 पतरस 2:24

वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

1 पतरस 4:2

ईं वाते थाँ आपणाँ आगे को जीवन मनकाँ की मरजी का जस्यान ने, पण परमेसर की मरजी का जस्यान जीवो।

1 यहुन्ना 1:7

अन यद्याँ आपाँ केवा के, आपाँ वींके हाते उजिता में हा अन वींके जस्यानीस उजिता में चाला हा, तो आपाँ एक विस्वासी का जस्यान एक-दूजाऊँ मलन रेवा हा अन परमेसर का बेटा ईसू मसी को खून आपणाँ हाराई पाप ने धो देवे हे।

1 यहुन्ना 3:5

थाँ ओ तो जाणो हो के, मसी लोगाँ का पापाँ ने धोवा का वाते परगट व्या हो अन वींके मयने कई पाप कोयने हे।