इब्रानियों 9:12 - नुवो नेम (मेवड़ी नया नियम)

¹² अन बकरा अन पाडो का लुईऊँ ने पण आपणाँ खुद का लुईऊँ एकीस दाण पुवितर जगाँ में ग्यो अन आपणाँ वाते हमेस्यान को छुटकारो पाको कर दिदो।

इब्रानियों 9:12 Iomraidhean Croise

मरकुस 3:29

पण, पुवितर आत्मा की कुई नन्दयाँ करे, तो वींने मापी कदी ने मल सके, काँके वो पाप अनंतकाल तईं बण्यो रेई।”

लूका 1:68

“इजराएल का परमेसर की जे हो। काँके, वणा आपणाँ लोगाँ पे करपा किदी हे अन वाँने छुड़ाया हे।

थरप्या तका का काम 20:28

ईं वाते थाँ आपणो अन आपणी हाराई गारा को ध्यान राको जिंने पुवितर आत्मा थाँका हात में हुप्याँ हे के, थाँ परमेसर की मण्डली की रुकाळी करो, ज्याँने परमेसर आपणाँ बेटा का लुईऊँ मोल लिदी हे।

इपिसियों 1:7

मसीऊँ गट-जोड़ वेबाऊँ वणा आपाँने आपणाँ लुईऊँ छुड़ाया, ईंको मतलब गुनाऊँ मापी देवाड़े हे। ओ परमेसर की मोटी करपा का मस व्यो।

कुलुसियों 1:14

अन वाँका बेटाऊँईस आपाँने छुटकारो मले हे, मतलब पापाऊँ मापी मले हे।

1 थिस्सुलुनिक्यों 1:10

अन परमेसर का बेटा ईसू मसी के हरगऊँ पाच्छा आबा की वाट नाळता रेवो, जिंने वणा मरिया तका मेंऊँ पाच्छा जीवतो किदो हो, अन वींइस आपाँने परमेसर की आबावाळी रीसऊँ बंचावे हे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 10:19

हो भायाँ-बेना, अबे तो ईसू मसी का लुई वेवाड़ा की वजेऊँ आपाँने खास पुवितर जगाँ में जाबा का पूरो भरोसो वेग्यो हे।

इब्रानियों 10:4

काँके ओ कदी ने वे सके के, बकरा को अन पाडो को लुई पापाँ ने माप कर सके।

इब्रानियों 13:12

अणीस वाते ईसू भी लोगाँ ने आपणाँ खुद का लुईऊँ पुवितर करबा का वाते नगर का बारणे दुक जेल्यो हे।

इब्रानियों 5:9

अन एक दन पाको बणन वाँ हाराई का वाते ज्यो वींकी आग्या को पालण करे हे, वो वाँके अनंत छुटकारो को गेलो बणग्यो।

इब्रानियों 7:27

ज्याँका वाते दूजाँ मोटा याजकाँ के जस्यान यो जरूरी ने हे के, वीं रोज पेल्याँ आपणाँ पापाँ का वाते अन पछे लोगाँ का पापाँ का वाते बली चड़ावे। वणी तो हमेस्या हमेस्या का वाते मनकाँ का पापाँ का वाते आपणाँ खुद ने बली कर दिदो।

इब्रानियों 9:13

काँके जद्याँ बकरा अन पाडा का लुई अन पाडी की भभूत वाँका पे छाटी जावे, ज्यो रिति-रिवाज का जस्यान असुद ने सुद बणावे हे, ताँके वीं देह का हस्याबूँ सुद वे सके।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

इब्रानियों 9:15

ईं वाते मसी एक नुवा करार को बिचोलिया हे, ताँके जीं बुलाया ग्या हे, वीं अनंत उतरादिकार पा सके, जिंको वादो परमेसर किदो हो। अबे देको, जी पेला करार का जस्यान जणा पापाँ किदो हो, वाँने पापाऊँ छुड़ाबा की वाते मरन किमत चुकई अन वाँने आजाद किदा।

इब्रानियों 9:19

ईं वाते जद्याँ मूसे नेमा की हारी आग्या लोगाँ ने हुणई नाकी, तो वणी पाडा-पाडी अन बकरा को लुई पाणी में मलान लाल ऊन अन जुफा की डाळ्याऊँ वीं किताब पे अन हाराई लोगाँ पे छाँट दिदो।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

इब्रानियों 9:7

पण मयने का ओवरा में मायाजक साल में एक दाण जातो हो। वो बना वीं लुई के कदी ने जातो हो, जिंने वो खुद अन आपणाँ मनकाँ का अणजाण में किदा ग्या पापाँ का वाते परमेसर के भेंट चड़ातो हो।

परकासितवाक्य 5:9

वीं एक नुवो गीत गाबा लागा हा के, “थाँ ईं किताब ने अन ईंपे लागी तकी मोराँ ने खोलबा जोगो हो, काँके थाँ बली चड़न थाँका लुईऊँ हाराई कुल का मनकाँ ने, हारी बोली बोलबावाळा ने, हारी जात्या का मनकाँ ने परमेसर वाते मोल लिदो हे।