इब्रानियों 8:6 - नुवो नेम (मेवड़ी नया नियम)

⁶ पण ज्यो सेवा को काम ईसू मसी ने मल्यो हो, वो वाँकी सेवा का कामऊँ भी ओरी बड़िया हे, काँके वो जणी करार को बिचोलियो हो, वो पुराणा करारऊँ बड़िया हे। अन नवो करार ओरी बड़िया वादाऊँ ठम्यो तको हे।

इब्रानियों 8:6 Iomraidhean Croise

लूका 22:20

अणीस तरिया जद्याँ वणा खाणो खा लिदो तो ईसू प्यालो लिदो अन क्यो, “ओ प्यालो मारा वीं लुई को हेन्याण हे ज्यो थाँका वाते वेवाड़्यो जारियो हे, ओ परमेसर को नुवो वादो हे।”

रोमियों 9:4

ज्यो इजराएली हे अन ज्याँने परमेसर की ओलाद वेबा को हक हे, ज्यो परमेसर की मेमा को दरसण कर चुक्या हे, ज्यो परमेसर का करार में पांतीदार हे। ज्याँने मूसा का नेमा अन हाँची भगती अन वादो दिदा तको हे।

इपिसियों 2:12

वीं टेम थाँ मसी ने जाणता ने हा। थाँ पराया हा मतलब परमेसर का चुण्या तका इजराएली कोयने हा। परमेसर का दिदा तका वादा के करार का भागीदार ने हा अन ईं दनियाँ में बना आस अन बना परमेसर को जीवन जीरिया हा।

1 तिमुतियूस 2:5

काँके परमेसर एकीस हे अन परमेसर अन मनकाँ का बचमें बात करबावाळो भी एकीस हे, मतलब ईसू मसी हे, ज्यो खुद एक मनक हे।

तीतूस 1:2

अन ओ हाँच, वीं जीवन की आस बन्दावे हे, जो कदी खतम ने वेवे हे। परमेसर कदी जूट ने बोले अन ईंको वादो विस्वास जोगा परमेसर सरुवातऊँ कर दिदो हो।

इब्रानियों 12:24

अन एक नुवा वादा का बिचोलिया ईसू का नके अन छाट्याँ तका वीं लुईऊँ नके आग्या हो, ज्यो हाबिल का लुईऊँ भी बड़िया वादो करे हे।

इब्रानियों 7:22

ईं होगनऊँ ईसू एक ओरी हव करार की गारन्टी देबावाळा बणग्या हे।

2 पतरस 1:4

अणीऊँस वणी आपाँने मोटा अन अनमोल वरदान दिदा हे, ज्याँने देबा का वाते वणा वादो किदो, ताँके वाँकाऊँ आपाँ खुद परमेसर का जस्यान वे जावा अन वणी नासऊँ बंच जावो ज्यो मनकाँ की बुरी मनसा का मस अणी दनियाँ में हे।