इब्रानियों 8:1 - नुवो नेम (मेवड़ी नया नियम)

¹ ज्यो कई आपाँ केरिया हा, वणा मूँ खास बात तो या हे के, आपणाँ नके एक अस्यो मायाजक हे ज्यो हरग में मेमावान परमेसर का गादी का जीमणा पाल्डे बेट्यो तको हे।

इब्रानियों 8:1 Iomraidhean Croise

मरकुस 16:19

जदी परबू ईसू वाँकाऊँ बात कर लिदी, तो वे हरग में उठा लिदा ग्या। वो परमेसर का जीमणा पाल्ड़े जान बेटग्या।

इपिसियों 6:20

अणी हव हमच्यार को परच्यार करबा का वाते मूँ हाकळाऊँ बंद्‍यो तको परमेसर को दूत हूँ। मारा वाते परातना करो के, जस्यान मने परच्यार करणो छावे, वस्यानीस मूँ बना दरपणीऊँ कर सकूँ।

कुलुसियों 3:1

जदी थाँ हंगळा मसी के हाते आत्मा में पाच्छा जीवता व्या हो, तो थाँको मन हरग की चिजाँ पे लगावो। जटे ईसू मसी परमेसर का जीमणी पाड़े बेटा तका हे।

इब्रानियों 1:13

परमेसर कदी भी कणी हरग-दुत ने अस्यान ने क्यो के, “थूँ मारे जीमणे पाल्डे बेट जा, जद्याँ तईं मूँ थाँरा दसमणा ने, थाँरा पगाँ का बाजोट ने कर दूँ।”

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 10:12

पण ईसू मसी तो एक याजक का रूप में पाप का वाते एकीस दाण हमेस्यान का वाते बली वेन परमेसर का जीमणे हात आड़ी जान बेटग्यो।

इब्रानियों 12:2

विस्वास का मालिक अन वींने सिद करबावाळा ईसू मसी का आड़ी आपाँ देकता रा। जणी आपणाँ हामें राक्या तका आणन्द का वाते लाज-सरम की चन्ता ने किदी अन हूळी पे दुक जेल्यो अन परमेसर की गादी के जीमणे पाल्डे जान बेटग्यो।

इब्रानियों 2:17

ईं वाते वींने हरेक बात में मनकाँ का जस्यानीस बणायो ग्यो हो, जणीऊँ वो परमेसर की सेवा करबा का वाते दया करबावाळो अन विस्वास जोगो मायाजक बणे। ताँके मनकाँ का पापाँ का मापी वाते बली हो सके।

इब्रानियों 3:1

हो पुवितर भायाँ, थाँ ज्यो हरग का बलावा में भागीदार हो, वीं थरप्या तका अन मायाजक ईसू पे ध्यान लगावो, जिंने आपीं मानाँ हा।

इब्रानियों 4:14

ईं वाते परमेसर को बेटो ईसू एक अस्यो मोटो मायाजक हे, जीं हरग में ग्यो, तो ज्याँ बात आपीं मानाँ हा, वींमें आपाँने मजबूत रेणो छावे।

परकासितवाक्य 3:21

ज्यो भी जिती मूँ वींने मारी हाते मारा गादी पे बेवाड़ऊँ। वस्यानीस जस्यान मूँ जित्या केड़े मारा बापू की गादी पे बेट्यो हूँ।