इब्रानियों 7:6 - नुवो नेम (मेवड़ी नया नियम)

⁶ पछे भी मलिकिसिदक ज्यो लेवी बंस को ने हो, अबरामऊँ दसवो भाग लिदो। अन वणी अबराम ने आसिरवाद दिदो, जिंका नके परमेसर का वादा हा।

इब्रानियों 7:6 Iomraidhean Croise

थरप्या तका का काम 3:25

अन थाँ तो वाँ परमेसर का वादो जो परमेसर का आड़ीऊँ बोलबावाळा किदो अन वीं करार का वारिस हो, जो परमेसर थाँका बड़ाबा का लारे किदो हो। वणी अबरामऊँ क्यो हो, “थारी ओलादाँऊँ धरती का लोग आसीस पाई।”

रोमियों 4:13

अबराम अन वींकी ओलाद ने यो वादो मल्यो के, वीं दनियाँ का वारिस वेई, यो वादो नेमाऊँ ने मल्यो हो, पण वीं धारमिकता का मस मल्यो, ज्या विस्वासऊँ अई ही।

रोमियों 9:4

ज्यो इजराएली हे अन ज्याँने परमेसर की ओलाद वेबा को हक हे, ज्यो परमेसर की मेमा को दरसण कर चुक्या हे, ज्यो परमेसर का करार में पांतीदार हे। ज्याँने मूसा का नेमा अन हाँची भगती अन वादो दिदा तको हे।

गलातियों 3:16

अस्यानीस परमेसर अबराम अन वींका पिड़ीऊँ वादो किदो, परमेसर अस्यान ने क्यो के, मूँ थाँरा पिड़ियाँऊँ वादो करूँ हूँ, ईंको मतलब तो घणा का वाते वेवे हे, पण वो वादो पीड़ी का वाते किदो अन यो वादो एक मनक ने बतावे हे ज्यो ईसू मसी हे।

इब्रानियों 11:13

ईं हाराई मनक विस्वास करता कतराई मरग्या अन ज्यो चीज वाँने देबा को वादो किदो ग्यो हो, वाँ वाँने कोनी मली। पण वीं वाँने छेटीऊँ देकी अन वाँकी आवभगत किदी अन वीं ओ भी मानता हा के, वीं ईं धरती में बारवासी अन अणजाण हे।

इब्रानियों 11:17

विस्वास की वजेऊँ जद्याँ परमेसर अबराम की परक कररिया हा, तद्याँ वणी इसाक की बली चड़बा की पुरी त्यारी कर लिदी। जद्याँ के परमेसर वणीऊँ क्यो हो के, “इसाकऊँ थाँरो बंस आगे बड़ी।” ईंका केड़े भी अबराम जिंने वादो मल्यो हो, वो आपणाँ एकलोता बेटी की बली देबा का वाते त्यार वेग्यो।

इब्रानियों 7:1

यो मलिकिसिदक सालेम को राजा हो अन मान परमेसर को याजक हो। जद्याँ अबराम च्यार राजावाँ ने हरान पाछो आरियो हो, वीं दाण यो याजक अबरामऊँ मल्यो अन वींने आसिरवाद दिदो।

इब्रानियों 7:7

ईंमें कई सक ने के, मोटो फोरा ने आसिरवाद देवे हे।