इब्रानियों 7:3 - नुवो नेम (मेवड़ी नया नियम)

³ वींका बापू अन वींकी माँ कन पुरवजाँ को कई लेको ने मले हे, वींके जनम अन मोत को भी कटे ने लिक्यो तको हे। परमेसर का बेटा का जस्यान वो हमेस्यान का वाते याजक बण्यो तको हे।

इब्रानियों 7:3 Iomraidhean Croise

मत्ती 4:3

तो वींकी परक करबावाळो वींका भड़े आयो अन क्यो, “यद्याँ थूँ परमेसर को पूत हे तो अणा भाटा ने के, ईं रोट्याँ बण जावे।”

इब्रानियों 4:14

ईं वाते परमेसर को बेटो ईसू एक अस्यो मोटो मायाजक हे, जीं हरग में ग्यो, तो ज्याँ बात आपीं मानाँ हा, वींमें आपाँने मजबूत रेणो छावे।

इब्रानियों 7:1

यो मलिकिसिदक सालेम को राजा हो अन मान परमेसर को याजक हो। जद्याँ अबराम च्यार राजावाँ ने हरान पाछो आरियो हो, वीं दाण यो याजक अबरामऊँ मल्यो अन वींने आसिरवाद दिदो।

इब्रानियों 7:17

काँके वींका बारा में सास्तर में या गवई दिदी गी हे के, “थूँ मलिकिसिदक का रिती जस्यान हमेस्यान को याजक हे।”

इब्रानियों 7:2

अन अबराम वींने वणा हाराई मूँ ज्यो युद में जीत्यो हो, वींको दसवो भाग दिदो। मलिकिसिदक का नाम को पेलो अरत हे के, “धारमिकता को राजा” अन वो सालेम को राजा हो, ईंको अरत हे, “सान्ती को राजा।”

इब्रानियों 7:6

पछे भी मलिकिसिदक ज्यो लेवी बंस को ने हो, अबरामऊँ दसवो भाग लिदो। अन वणी अबराम ने आसिरवाद दिदो, जिंका नके परमेसर का वादा हा।