इब्रानियों 7:19 - नुवो नेम (मेवड़ी नया नियम)

¹⁹ काँके मूसा का नेमा किंने भी पूरो सिद ने किदो, पण एक बड़िया आस की हेंद-पेचाण करई हे, जणीऊँ आपीं परमेसर का नके जा सका हाँ।

इब्रानियों 7:19 Iomraidhean Croise

यहुन्ना 1:17

आपाँने नेम तो परमेसर मूसाऊँ दिदा, पण दया अन हाँच ईसू मसीऊँ मल्यो।

यहुन्ना 14:6

ईसू वींने क्यो, “हाँच, जीवन अन गेलो मूँईस हूँ। मारा बना कुई परमेसर का नके ने जा सकी।

रोमियों 5:2

विस्वास का वजेऊँ वणी आपाँने परमेसर की दया में जिंमें आपाँ बण्या तका हा, वीं तईं आपाँने पोंछा दिदा हे अन आपाँ परमेसर की मेमा की आस को गुमान करा हा।

रोमियों 7:7

तो आपाँ कई केवाँ? कई नेम पाप हे? कदी ने हे। काँके यद्याँ नेम ने वेता तो मूँ जाण ने पातो के, पाप कई वेवे हे? यद्याँ नेम ने बताता के, लोब मती करो, तो हाँची में मूँ जाणीई ने पातो के, लोब कई हे?

रोमियों 8:3

काँके ज्यो काम नेम मनकाँ का पापी हाव-भाव का मस कमजोर वेन ने कर सक्या, वो काम परमेसर किदो, मतलब ओ के, परमेसर आपणाँ बेटा ने आपणी जस्यान पाप की देह में आपणाँ पाप का वाते बली वेबा का वाते खन्दायो। जणीऊँ वो पापी देह में पाप ने दण्ड दिदो।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

गलातियों 3:21

तो पछे ईंको कई मतलब हे, कई नेम परमेसर का वादा का हामे हे? कदी ने हे, काँके यद्याँ अस्या नेम दिदा जाता जीं जीवन दे सके हे। तो हाँची में नेमईस परमेसर का हामे धरमी बणाबा को सादन बण जाता।

गलातियों 3:24

ईं वाते मसी के आबा तईं मूसा का नेम आपणाँ मारसाब हा, जणीऊँ आपाँ विस्वासऊँ धरमी बण सका।

इपिसियों 3:12

मसी का गट-जोड़ऊँ अन वींपे विस्वास करबाऊँ बना दरपता तका परमेसर का हामे जाबा को भरोसो हे।

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

1 तिमुतियूस 1:1

मूँ पोलुस, आपाँने बंचाबावाळा परमेसर अन आपणी आस का आदार ईसू मसी की आग्याऊँ ईसू मसी को थरप्यो तको चेलो बण्यो,

इब्रानियों 10:1

मूसा का नेम तो आबावाळी बड़िया बाताँ की छाया को रूप हे। पण यो वाँको असली रूप ने हे। ईं वाते बली का रूप में हरेक साल चडावो चड़ायो जातो हो। अन वो चडावो परमेसर का नके आबावाळा मनकाँने कदी सिद ने करे हे।

इब्रानियों 11:40

परमेसर का नके आपणी ओजणा का जस्यान आपणाँ का वाते ओरी हव बात ही, ताँके वाँ आपणे बना सिद ने वे सके।

इब्रानियों 11:6

काँके विस्वास के बना परमेसर ने राजी ने किदा जा सके हे अन जद्याँ कुई परबू का नके आवे हे, तो वींने विस्वास करणो छावे के, वो हे, अन ज्यो वींने होदे हे, वो वींने फळ देवे हे।

इब्रानियों 3:6

पण परमेसर का घराणा में मसी तो एक बेटा का रूप में विस्वास करबा के जोगो हे, अन यद्याँ आपाँ हिम्मत राका अन वीं आस पे विस्वास बण्यो तको राका हा, तो आपींइस वींको घराणो हा।

इब्रानियों 4:16

ईं वाते आवो, आपीं हिम्मत का हाते परमेसर की दया की गादी का आड़ी चाला, ताँके आपाँ पे दया वे अन करपा पावा, ज्या जरूत की टेम में आपणी मदत करे।

इब्रानियों 6:18

वाँको वादो अन होगन जीं कदी भी बदल ने सके हे अन ज्याँका बारा में परमेसर कदी जूट ने के सके हे। ईं वाते आपाँ ज्यो परमेसर का नके रकवाळी पाबा का वाते आया हे अन आपीं घणी हिम्मत राकन ज्यो आस आपणाँ हामें हे, वींने ठामी राका हाँ।

इब्रानियों 7:11

लेवी के याजकपणा के आदार पे पुराणा टेम में परमेसर इजराएल का मनकाँ ने मूसा का नेम दिदा। पण लेवी बंस को याजकपणो परमेसर की नजरा में मनकाँने खरा ने बणा सक्यो। ईं वाते परमेसर ने दूजाँ याजकने खन्दाबा की जरूत पड़ी, वो याजकपणो लेवी बंस का याजक हारून का याजकपणा का जस्यान ने हो। पण वींको याजकपणो मलिकिसिदक की रिती का जस्यान हो।

इब्रानियों 7:20

ईंवातेइस परमेसर ईसू ने होगन खान मायाजक बणायो हो। जद्याँ के दूजाँ ने बना होगन खान मायाजक बणाया हा।

इब्रानियों 7:25

अन ज्यो वणीऊँ परमेसर हुदी जावे हे, वीं वाँने पूरो छुटकारो देवा का वाते ताकड़े हे, काँके वो वाँका वाते अरज करबा का वाते हमेस्यान जीवे हे।

इब्रानियों 8:6

पण ज्यो सेवा को काम ईसू मसी ने मल्यो हो, वो वाँकी सेवा का कामऊँ भी ओरी बड़िया हे, काँके वो जणी करार को बिचोलियो हो, वो पुराणा करारऊँ बड़िया हे। अन नवो करार ओरी बड़िया वादाऊँ ठम्यो तको हे।

इब्रानियों 9:9

अन यो तम्बू अबाणू की टेम का वाते एक केणी हे, जिंमें अस्यी भेंट अन बलीदान चड़ाया जावे हे, जणीऊँ आरादना करबावाळा का मन पुरी तरियाँ सुद ने वे सके हे।

याकूब 4:8

परमेसर का नके आवो, तो वो भी थाँका नके आई। हो पापी मनकाँ, थाँ थाँका हाताँ ने सुद करो। हो संका करबावाळा, थाँ थाँका मन ने पुवितर करो।