इब्रानियों 7:11 - नुवो नेम (मेवड़ी नया नियम)

¹¹ लेवी के याजकपणा के आदार पे पुराणा टेम में परमेसर इजराएल का मनकाँ ने मूसा का नेम दिदा। पण लेवी बंस को याजकपणो परमेसर की नजरा में मनकाँने खरा ने बणा सक्यो। ईं वाते परमेसर ने दूजाँ याजकने खन्दाबा की जरूत पड़ी, वो याजकपणो लेवी बंस का याजक हारून का याजकपणा का जस्यान ने हो। पण वींको याजकपणो मलिकिसिदक की रिती का जस्यान हो।

इब्रानियों 7:11 Iomraidhean Croise

गलातियों 2:21

मूँ परमेसर का अनुगरे ने बेकार ने जाणूँ हूँ, काँके यद्याँ मनक मूसा का नेमाऊँ धरमी वेता, तो ईसू मसी को मरणो बेकार वेतो।

गलातियों 4:3

वस्यानीस आपाँ भी जदी बाळक हा, तो दनियाँ का नेमाँ का केबा में रेता हा।

गलातियों 4:9

पण अबे तो थाँ परमेसर ने जाणग्या हो अन परमेसर थाँने ओळक लिदा हे, तो थाँ दनियाँ की कमजोर अन हूंगळी बाताँ का आड़ी पाच्छा काँ जावो हो? अन थाँ पाच्छा काँ वींका दास बणणा छारिया हो?

इब्रानियों 5:10

अन परमेसर वींने मलिकिसिदक की रिती के जस्यान मायाजक बणायो।

इब्रानियों 5:6

वो दूँजी जगाँ भी वीं केवे हे, “थूँ मलिकिसिदक के रिती का जस्यान हमेस्यान का वाते याजक हे।”

इब्रानियों 6:20

जटे ईसू आपणाँ आड़ीऊँ आपाऊँ पेली पोछ्याँ हे। वीं मलिकिसिदक की रिती के जस्यान हमेस्यान का वाते मायाजक बणग्या।

इब्रानियों 7:10

काँके जद्याँ मलिकिसिदक लेवी बंस का पेला मनक अबरामऊँ मल्यो, वीं दाण तईं तो लेवी बंस ने निकळ्यो हो। पण जिंमेंऊँ वो बंस निकळ्यो हो, वाँको बड़ाबा अबरामईस हो।

इब्रानियों 7:12

जद्याँ याजकपणो बदले जावे हे तद्याँ नेमा में भी बदलवा वेणो जरूरी हे।

इब्रानियों 7:13

काँके जिंका बारा में ईं बाताँ किदी गी हे, वो दूँजी गोत को हो, अन वीं गोत मेंऊँ कणी भी मनक वेदी की कदी सेवा-चाकरी ने किदी।

इब्रानियों 7:15

ज्यो कई आपाँ क्यो हे, वो भी पाको हे, मलिकिसिदक के जस्यो एक दूजो याजक परगट वेवे हे।

इब्रानियों 7:21

पण ईसू तद्याँ होगन का हाते याजक बण्या हा, जद्याँ परमेसर वणीऊँ क्यो हो, “परबू होगन खादा हे, ‘थूँ हमेस्यान याजक बण्यो रेई।’ अन वो अणीऊँ आपणो मन कदी ने बदली।”

इब्रानियों 8:7

यद्याँ पेला करार में कई खोट ने वेतो, तो दूँजा करार की जरुतई ने पड़ती।

इब्रानियों 9:6

तम्बू को हारोई काम सई तरियाऊँ पूरो व्या केड़े याजक पेला ओवरा में रोज जान आपणी सेवा को काम करता हा।