इब्रानियों 6:6 - नुवो नेम (मेवड़ी नया नियम)

⁶ यद्याँ ईं मनक भटक जावे, तो अणाको मन फेरान पाच्छा परमेसर का गेला पे लाणा घणा अबका हे। काँके ईं परमेसर का बेटा ने आपणाँ वाते पाछो हूळी पे चड़ावे हे अन वींने परगट करन वींको अपमान करे हे।

इब्रानियों 6:6 Iomraidhean Croise

मत्ती 19:26

ईसू वाँकी आड़ी देकन क्यो, “मनकाऊँ तो ओ ने वे सके हे, पण परमेसरऊँ हारोई वे सके हे।”

लूका 11:48

अस्यान करन थाँ ओ साबत करो हो के, थाँ आपणाँ बापदादा का कामाँऊँ राजी हो, काँके वणा तो वाँने मार नाक्या हा अन थाँ वाँकी कबराँ बणावो हो।

2 तिमुतियूस 2:25

अन ज्यो विरोद करे वाँने नरमाईऊँ हमजबा वाळो वेणो छावे, कई पतो, परमेसर वाँने भी आपणी गलती मानन मापी माँगबा को मन दे देवे अन वीं भी हाँच जाण जावे।

इब्रानियों 10:26

जद्याँ आपाँ हाँचो ग्यान लेबा का केड़े भी जाणता तका पाप करता रेवा हाँ, तो पाप ने धोवा का वाते कस्योई बलीदान ने बच्यो हे।

इब्रानियों 10:29

थाँ होचो के, वो मनक कतरो दण्ड भोगी, जणी आपणाँ पगा का रेटे परमेसर का बेटा ने गूँन्दयो हे, अन वो वणी करार का पुवितर लुई जणीऊँ वो पुवितर किदो हो वो वींने एक अपुवितर मान्यो हे अन वणी दया करबावाळी आत्मा को भी अपमान किदो हे।

इब्रानियों 12:2

विस्वास का मालिक अन वींने सिद करबावाळा ईसू मसी का आड़ी आपाँ देकता रा। जणी आपणाँ हामें राक्या तका आणन्द का वाते लाज-सरम की चन्ता ने किदी अन हूळी पे दुक जेल्यो अन परमेसर की गादी के जीमणे पाल्डे जान बेटग्यो।

इब्रानियों 4:14

ईं वाते परमेसर को बेटो ईसू एक अस्यो मोटो मायाजक हे, जीं हरग में ग्यो, तो ज्याँ बात आपीं मानाँ हा, वींमें आपाँने मजबूत रेणो छावे।

इब्रानियों 6:4

काँके जणा लोगाँ एक दाण उजितो पा लिदो हे, अन जणा हरग का वरदान को हवाद चाकी लिदो हे अन जीं पुवितर आत्मा का भागीदार वेग्या हे।

2 पतरस 2:21

अणीऊँ हव तो ओ वेतो के, वीं धारमिकता की गेला ने जाणता कोयने अन वाँने जो पुवितर आग्या दिदी गी ही, वींने जाणन वणीऊँ मुण्डो फेर लेता।

1 यहुन्ना 5:16

जद्याँ कुई मनक खुद का भई ने अस्यान को पाप करतो देके, जिंको फळ अनंत मोत कोयने हे, पण वो परमेसरऊँ वींके वाते परातना करे तद्याँ परबू वींने मोत को दण्ड कोयने देई पण वाँकी परातना हुणन अनंत जीवन देई। पण मूँ वणा मनकाँ का वाते परातना करबा का वाते ने केऊँ, ज्यो अस्यान का पाप करे, जिंको फळ अनंत मोत हे।