इब्रानियों 6:19 - नुवो नेम (मेवड़ी नया नियम)

¹⁹ वाँ आस आपणाँ जीवन का वाते अस्यो लंगर हे ज्यो एक जगाँ पाको हे ज्यो हाली ने सके हे। अन आपणी आस का वजेऊँ आपाँ अस्यान का हा, मानो आपाँ परमेसर की वीं जगाँ में पराग्या, जटे मायाजकइस जा सके हे, ज्या परदाऊँ ढाकी तकी हे।

इब्रानियों 6:19 Iomraidhean Croise

मत्ती 27:51

अन वणीस दाण मन्दर को परदो ऊपरेऊँ हेठे तई फाटन दो टुका वेग्यो। धरती हालगी अन छाँटा फाटगी।

थरप्या तका का काम 23:6

तद्याँ पोलुस ओ हमजो के एक समू सदुकियाँ को अन दूजो फरीसियाँ को हे, तो सबा में जोरऊँ क्यो, “हो भायाँ, मूँ फरीसी हूँ अन फरीसी की ओलाद हूँ। मरिया केड़े पाछो जीवतो वेबा की बात पे मूँ विस्वास करूँ हूँ ईं वाते मारा पे मुकदमो चलायो जारियो हे।”

थरप्या तका का काम 27:29

तद्याँ पाणी में मोटा भाटाऊँ टकरावा की दरपऊँ माँ जाँज का पाला पाल्डे चार लंगर पाणी में नाक दिदा अन वीं दन ऊँगवा की अरज करबा लागा।

थरप्या तका का काम 27:40

पाली रात ने जो लंगर नाक्या हाँ वाँने काट दिदा अन जीं हींदराऊँ पतवार बान्दयो हो वींने खोल दिदो अन वइरा का हामे पाल ताण दिदो अन कनारे का आड़ी चालबा लागा।

रोमियों 4:16

तो आ बात साबत वेवे हे के, परमेसर को वादो विस्वास को फळ हे ज्यो वाँकी करपाऊँ में मले हे। अणीस वजेऊँ परमेसर को वादा अबराम का हाराई लोगाँ पे लागू वेवे हे, अन बेस वाँका वातेईस ने जीं नेमाने माने हे पण वाँ हाराई पे जीं अबराम का जस्यान विस्वास राके हे। वो आपणाँ हाराई को बापू हे।

रोमियों 4:18

जटे आस करबा की जगाई ने ही, वटे अबराम आपणाँ मन में आस लेन वींमें विस्वास किदो। अणी मस वो वणी वादा का जस्यान नरी जात को बापू बण्यो, जस्यो सास्तर में लिक्यो तको हे के, “थाँरा घणी ओलाद वेई ज्याँने घणी ने जाई।”

रोमियों 5:4

अन ईं धीरजऊँ परक्यो तको मनक खरो निकळे हे अन खराऊँ आस आवे हे।

1 कुरिन्थियों 13:13

पण अबे विस्वास, आस, अन परेम ईं तीनई टळे कोयने अन अणा हारईऊँ मोटो परेम हे।

1 कुरिन्थियों 15:58

ईं वाते हो विस्वासी भायाँ विस्वास में बना आगा-पाछा व्या गाटा बण्या तका रेवो अन परबू को काम करबा वाते खुद ने त्यार राको, काँके थाँ तो जाणो हो के, परबू वाते किदो ग्यो काम बेकार ने वे जावे।

इपिसियों 2:6

आपणो ईसू मसी का हाते गट-जोड़ हो, ईं वाते परमेसर आपाँने ईसू मसी का हाते पाच्छा जीवता कर दिदा अन हरग में वाँके नके बेठाया।

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

कुलुसियों 3:1

जदी थाँ हंगळा मसी के हाते आत्मा में पाच्छा जीवता व्या हो, तो थाँको मन हरग की चिजाँ पे लगावो। जटे ईसू मसी परमेसर का जीमणी पाड़े बेटा तका हे।

2 तिमुतियूस 2:19

पण परमेसर की पाकी नीम हाले कोयने, जिंपे आ छाप लागरी हे के, “परबू आपणाँ मनकाँ ने जाणे हे,” अन, “ज्यो कुई परबू को नाम लेवे हे, वींने बुरा कामऊँ बच्यो तको रेणो छावे।”

इब्रानियों 4:16

ईं वाते आवो, आपीं हिम्मत का हाते परमेसर की दया की गादी का आड़ी चाला, ताँके आपाँ पे दया वे अन करपा पावा, ज्या जरूत की टेम में आपणी मदत करे।

इब्रानियों 9:3

अन दूजाँ परदा का पाच्छे वो कमरो हो, ज्यो खास पुवितर जगाँ केवातो हो।

इब्रानियों 9:7

पण मयने का ओवरा में मायाजक साल में एक दाण जातो हो। वो बना वीं लुई के कदी ने जातो हो, जिंने वो खुद अन आपणाँ मनकाँ का अणजाण में किदा ग्या पापाँ का वाते परमेसर के भेंट चड़ातो हो।

1 पतरस 1:3

आपणाँ परबू ईसू मसी का बापू परमेसर की जे हो, काँके परमेसर आपणाँ पे घणी मोटी दया बतई जणीऊँ वणा मसी ने मरिया तका मेंऊँ जीवान आपाँने नुवा जीवन की जीवती आस राकबा वाते वणा आपाँने नुवो जीवन दिदो हे।