इब्रानियों 6:17 - नुवो नेम (मेवड़ी नया नियम)

¹⁷ परमेसर खुद का होगनऊँ वादा का वारिस ने या बात ओरी साप साप करणी छाया हा के, वीं आपणो बचन कदी ने टाळी। अस्यान वणा होगनऊँ वादा ने पको किदो।

इब्रानियों 6:17 Iomraidhean Croise

यहुन्ना 10:10

चोर कणी दूजाँ काम के वाते ने, पण बेस चोरी करबा, मारबा अन नास करबा ने आवे हे। पण मूँ ईं वाते आयो के, थाँ भरपूर जीवन पा सको।

रोमियों 11:29

काँके परमेसर बलायो जाणो अन वींका वरदान कदी ने बदल्या जा सके हे।

रोमियों 8:17

अन यद्याँ आपाँ वींकी ओलाद हा, तो परमेसर का वारिस अन मसी का हाते पांतीदार भी हा। अन यद्याँ हाँची में आपाँ वींके हाते दक-सक में पांतीदार हा, तो वींके हाते आपाँने भी मेमा भी पांतीदार हा।

गलातियों 3:29

अन यद्याँ थाँ मसी में हो, तो अबराम की पीड़ी का अन वादा की तरियाऊँ ईसू मसी का बेटा-बेटी की बापोती में भेळा हो।

इपिसियों 1:11

परमेसर ज्यो कई करी आपणी मन की मरजी अन ते किदी तकी बात के जस्यान करी अन परमेसर आपाँने खुद का मकसद के जस्यानीस वाँके खुद की परजा बणबा का वाते ईसू मसी का हाते गट-जोड़ करन चुण्या हा, जिंने वणा पेल्याई ते कर मेल्यो हो।

इब्रानियों 11:7

विस्वास करबा की वजेऊँ नूह भी वणा बाताँ ने ज्यो वींने दिकई कोयने दिदी ही। ईं बारा में चेतावणी पान परमेसर की दरपणी का हाते आपणाँ परवार ने बंचाबा का वाते जाँज बणायो हो, अस्यान करन वणी दनियाँ ने दोसी ठेराई अन वो धारमिकता को वारिस बणग्यो, ज्यो विस्वास करबाऊँ आवे हे।

इब्रानियों 11:9

विस्वास करबा की वजेऊँ परमेसर अबराम ने ज्या धरती देबा को वादो किदो हो वणी धरती का ऊपरे वो एक अणजाण मनक का रूप आपणो तम्बू बणान रेवा लागो, वस्यानीस इसाक अन याकूब भी तम्बू बणान रिया हा, ईं मनक भी अबरामऊँ ज्यो वादो किदो हो वणीस परमेसर का वादा का वारिस हे।

इब्रानियों 6:12

माँ यो ने छावाँ हाँ के, थाँ आळसी बण जावो, पण वाँके जस्यान चालो, जीं विस्वास अन धिज्या का हाते वणा चिजाँ ने पारिया हे, ज्याँको परमेसर वादो किदो हो।

इब्रानियों 6:16

मनक तो आपणाँऊँ कणी मोटा का होगन खावे हे अन वणीऊँ वाँके किदी तकी बात पाकी वेवे हे अन वणाके हाराई विवाद को फेसलो वेवे हे।

इब्रानियों 6:18

वाँको वादो अन होगन जीं कदी भी बदल ने सके हे अन ज्याँका बारा में परमेसर कदी जूट ने के सके हे। ईं वाते आपाँ ज्यो परमेसर का नके रकवाळी पाबा का वाते आया हे अन आपीं घणी हिम्मत राकन ज्यो आस आपणाँ हामें हे, वींने ठामी राका हाँ।

याकूब 1:17

काँके हाराई दान वरदान अन हव ईनाम उपरेऊँईस मले हे अन ईं उजिता का परमेसरइस देवे हे जणी हरग ने बणाया हे, ज्यो कदी बदल कोयने, अन वींमें बदलती दसा का वजेऊँ आबावाळी काळी छाया भी कोयने हे।

याकूब 2:5

हो लाड़ला भायाँ, ध्यानऊँ हुणो। कई परमेसर वाँने ने चुण्या ज्यो ईं दनियाँ की देकणी में गरीब हे, जणीऊँ वीं विस्वास का धनी वेजावे अन वीं वणी राज का हकदार बणे, जिंने परमेसर आपणाँऊँ परेम करबावाळा ने देबा को वादो किदो हे।

1 पतरस 1:3

आपणाँ परबू ईसू मसी का बापू परमेसर की जे हो, काँके परमेसर आपणाँ पे घणी मोटी दया बतई जणीऊँ वणा मसी ने मरिया तका मेंऊँ जीवान आपाँने नुवा जीवन की जीवती आस राकबा वाते वणा आपाँने नुवो जीवन दिदो हे।

1 पतरस 3:7

अस्यानीस हो मोठ्याराँ, थाँ भी थाँकी लुगायाँ का हाते हमजदारी का हाते जीवन जीवो। लुगायाँ ने कमजोर हमजन वाँको आदर करो, ओ जाणन के, आपीं दुई जीवन का वरदान में पांतीदार हा, ताँके थाँकी परातना में कुई ओट ने आवे।