इब्रानियों 6:11 - नुवो नेम (मेवड़ी नया नियम)

¹¹ पण माँ घणो छावाँ हाँ के, थाँकामूँ हरेक जणो अंत तईं पूरो मन लगान अस्यान करतो रेवे, ताँके थाँकी आस पुरी वे जावे।

इब्रानियों 6:11 Iomraidhean Croise

मत्ती 24:13

पण, ज्यो अन्त तक सेण करी, वो बंचायो जाई।

लूका 1:1

हुकम थियोपलुस, ज्यो बाताँ आपणाँ बसमें वीं ही वणा बाताँ ने वसन का दास खुद सरुआतऊँ देकी अन आपाँने बतई। वणा बाताँ ने सई तरियाऊँ लिकबा का वाते नरई मनकाँ कोसीस किदी ही। में अणा हारी बाताँ की सरुआतऊँ सई तरियाऊँ परक कर लिदी ही, ईं वाते मने ओ हव लाग्यो के, मूँ भी अणा हारी बाताँ ने थाँका वाते सई तरियाऊँ एक का पसे एक लिकूँ,

रोमियों 12:8

जद्याँ किंने दूजाँ ने हिम्मत बडाबा को वरदान मल्यो हे तो वो हिम्मत बड़ावे। जद्याँ किंने दान देबा को वरदान मल्यो हे तो वो खुला मनऊँ दान देवे। जद्याँ किंने अगुवाई करबा को वरदान मल्यो हे तो वो मन लगान अगुवाई करे, अन जद्याँ किंने दया करबा को वरदान मल्यो हे तो वो राजी मनऊँ दया करे।

रोमियों 15:13

आस देबावाळो परमेसर थाँका मना ने सान्ती अन खुसीऊँ भर देवे जस्यान वींमें थाँको विस्वास हे, जणीऊँ पुवितर आत्मा की तागतऊँ थाँ आसऊँ भरपूर वे जावो।

1 कुरिन्थियों 13:13

पण अबे विस्वास, आस, अन परेम ईं तीनई टळे कोयने अन अणा हारईऊँ मोटो परेम हे।

1 कुरिन्थियों 15:58

ईं वाते हो विस्वासी भायाँ विस्वास में बना आगा-पाछा व्या गाटा बण्या तका रेवो अन परबू को काम करबा वाते खुद ने त्यार राको, काँके थाँ तो जाणो हो के, परबू वाते किदो ग्यो काम बेकार ने वे जावे।

गलातियों 5:5

पण आपाँ तो मसी पे विस्वास करबा का मस परमेसर की आत्मा की मदतऊँ धरमी वेबा की आस राकन वाट नाळा हा।

गलातियों 6:9

ईं वाते जतरी भलई कर सको हो वतरी भलई करो, काँके यद्याँ आपाँ भलई करबा में ढिला ने पड़ा, तो हव टेम आबा पे आपाँने वींको फळ मली।

फिलिपियों 3:15

ईं वाते आपाँ मूँ हाराई मोतबीराँ ने अस्याईस बच्यार राकणा छावे। यद्याँ कणी बात में किंको दूज्यो बच्यार वे तो परमेसर वाँने भी हमजा देई।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

कुलुसियों 1:5

ओ वीं आस का वाते व्यो हे ज्या चीज थाँका वाते हरग में राकी तकी हे, जिंका बारा में थाँ हव हमच्यार का हाँचा बचनाऊँ हुण चुक्या हो, ज्यो थाँका नके आवे हे। जद्याँ थाँ वींने हुण्यो हो अन परमेसर की करपा ने पुरी हाँच हमेत हमज्या हा। वीं टेमऊँ लेन अबाणू तईं जस्यान ओ हव हमच्यार थाँका जीवन में काम कररियो हे वस्यानीस आकी दनियाँ में फळ-फुल रियो हे।

कुलुसियों 2:2

मूँ यो ईं वाते करूँ हूँ, ताँके वाँका मन ने हिम्मत मले अन थाँ आपस में परेमऊँ बन्द जावो, जणीऊँ थाँ पुरी हमजऊँ हारोई धन पा लेवो अन बापू परमेसर का भेदऊँ भररियो हाँच ने, मतलब ईसू मसी ने जाण ले।

1 थिस्सुलुनिक्यों 1:5

ओ हव हमच्यार बेस बोली कोईस ने हे, पण तागत अन पुवितर आत्मा का हाते अन ईंकी हाँच की खरई का हाते थाँका नके पूग्यो हे। थाँ तो जाणोइस हो के, माँ थाँकी भलई का वाते थाँका हाते कस्यान रिया हा।

1 थिस्सुलुनिक्यों 4:10

जस्यान हाराई मकिदुनिया का भायाँ का हाते थाँ परेम राको भी हो, पण माँ थाँकाऊँ अरज करा हाँ के, ईंमें ओरी भी बड़ता जावो।

2 थिस्सुलुनिक्यों 3:13

पण हो विस्वासी भायाँ, थाँ भला काम करबा वाते हिम्मत मती छोड़ज्यो।

इब्रानियों 10:22

ईं वाते आवो, आपाँ हाँचा हिया, पूरा विस्वास, अन मन का बुरा दोस पे छीड़कावऊँ सुद करवान देह ने सुद पाणीऊँ धोवान परमेसर का नके जावा।

इब्रानियों 3:14

यद्याँ आपीं अंत तईं आपणाँ पेला विस्वास में मजबूत रेवा हा, तो आपीं मसी में भागीदार वे जावा हा।

इब्रानियों 3:6

पण परमेसर का घराणा में मसी तो एक बेटा का रूप में विस्वास करबा के जोगो हे, अन यद्याँ आपाँ हिम्मत राका अन वीं आस पे विस्वास बण्यो तको राका हा, तो आपींइस वींको घराणो हा।

1 पतरस 1:21

थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।

2 पतरस 1:10

ईं वाते हो भायाँ, थाँ यो दिकाबा का वाते घणा ताकड़े रेवो के, थाँ हाँची में परमेसर का आड़ीऊँ बलाया अन चुण्या ग्या हो, काँके यद्याँ थाँ अणा हारी बाताँने करता रेवो, तो कदी ठोकर ने खावो अन नेई कदी रेटे पड़ो।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

1 यहुन्ना 3:14

काँके आपाँ मोतऊँ निकळ अनंत जीवन पाबा का वाते आग्या हा। ईंके वजे आ हे के, आपाँ आपणाँ भायाँऊँ परेम करा हा। ज्यो भी मनक परेम ने करे, वो अबे भी मोत को गुलाम हे।

1 यहुन्ना 3:19

ईं वजेऊँ आपाँ ओ जाण सका हाँ के, आपाँ हाँच मानाँ हाँ अन जद्याँ परमेसर का हामे जावा, तो आपणाँ मन में हिम्मत बड़ा सका। अन जद्याँ आपाँ परमेसर का हामे जावा तो आपाँने हरमा ने मरणो पड़े।

परकासितवाक्य 2:26

ज्यो भी जिती अन जणा बाताँ ने मानबा को हुकम में दिदो हो, वींने आकरी हुदी मानी, वणा मनकाँ ने मूँ जात्या पे हक चलाबा को अदिकार देऊँ।