इब्रानियों 5:5 - नुवो नेम (मेवड़ी नया नियम)

⁵ अणी तरियाँ मसी मायाजक बणबा की मेमा ने खुद गरण ने किदी, पण परमेसर वींने क्यो, “थूँ मारो बेटो हे, आज मूँ थाँरो बाप बण्यो हूँ।”

इब्रानियों 5:5 Iomraidhean Croise

यहुन्ना 3:16

काँके परमेसर जगतऊँ अस्यान परेम किदो, वणा आपणाँ एकाएक पूत ने दे दिदो, ताँके ज्यो कुई वींपे विस्वास करे, वी नास ने वेई, पण अनंत जीवन पाई।

यहुन्ना 7:18

ज्यो कुई आपणाँ आड़ीऊँ केवे हे वो खुद की बड़ई छावे हे पण ज्यो आपणाँ खन्दाबावाळा की बड़ई छावे हे वो हाँचो हे अन वींमें कई खोट ने हे।

यहुन्ना 8:54

ईसू वाँने क्यो, “यद्याँ मूँ खुद को मान करतो, तो वो मान कई ने हे। पण मने मान देबावाळो मारो बाप हे, जिंने थाँ थाँको परमेसर केवो हो।

थरप्या तका का काम 13:33

जो आपीं आपणाँ पूरबजाँ का बंस का हा, आपणाँ वाते परमेसर पूरो किदो हे। जस्यान के, भजनाँ की किताब का दूजाँ पाट में लिक्यो हे, “थूँ मारो बेटो हे, आजइस मूँ थारो बापू बण्यो हूँ।”

रोमियों 8:3

काँके ज्यो काम नेम मनकाँ का पापी हाव-भाव का मस कमजोर वेन ने कर सक्या, वो काम परमेसर किदो, मतलब ओ के, परमेसर आपणाँ बेटा ने आपणी जस्यान पाप की देह में आपणाँ पाप का वाते बली वेबा का वाते खन्दायो। जणीऊँ वो पापी देह में पाप ने दण्ड दिदो।

इब्रानियों 1:1

परमेसर पुराणा टेम में आपणाँ आड़ीऊँ बोलबावाळा का जरिये नरई मोका पे नरी तरेऊँ आपणाँ बड़ाबाऊँ बाताँ किदी ही।

इब्रानियों 1:5

काँके परमेसर हरग-दुताँ मेंऊँ किंने भी कदी अस्यान ने क्यो के, “थूँ मारो बेटो हे, आज मूँ थाँरो बाप बण्यो हूँ।” अन ने कदी वणी कस्या हरग-दुतऊँ यो क्यो के, “मूँ वींको बापू वेऊँ, अन वो मारो बेटो वेई।”

इब्रानियों 2:17

ईं वाते वींने हरेक बात में मनकाँ का जस्यानीस बणायो ग्यो हो, जणीऊँ वो परमेसर की सेवा करबा का वाते दया करबावाळो अन विस्वास जोगो मायाजक बणे। ताँके मनकाँ का पापाँ का मापी वाते बली हो सके।

इब्रानियों 3:1

हो पुवितर भायाँ, थाँ ज्यो हरग का बलावा में भागीदार हो, वीं थरप्या तका अन मायाजक ईसू पे ध्यान लगावो, जिंने आपीं मानाँ हा।

इब्रानियों 5:10

अन परमेसर वींने मलिकिसिदक की रिती के जस्यान मायाजक बणायो।