इब्रानियों 4:3 - नुवो नेम (मेवड़ी नया नियम)

³ अबे देको, आपीं ज्यो विस्वासी हा, वीं रईम्बावाळी जगाँ में जा सक्या हा। जस्यान के परमेसर भी क्यो हो, “में गुस्सा में अणीऊँइस होगन खान क्यो हो के, ‘वीं कदी भी मारी रईम्बावाळी जगाँ में ने जा सकी।’” जद्याँ के, दनियाँ की रचना के टेमऊँइस वींको काम पूरो वेग्यो हो।

इब्रानियों 4:3 Iomraidhean Croise

मत्ती 13:35

ईं वाते ज्यो बचन परमेसर का आड़ीऊँ बोलबावाळा का मुण्डाऊँ क्यो ग्यो हे, वो पूरो वे के, “मूँ केणी में वणा बाताँ का भेद ने केऊँ, जीं दनियाँ की रचना की टेमऊँ छाने हे।”

मत्ती 25:34

“तद्याँ राजो आपणी जीमणी पाल्ड़े वाळाऊँ केई, ‘हो मारा बापू का धन्न मनकाँ, आवो, वीं राज का हकदार वे जावो, ज्यो जग का बणावाऊँ पेल्या थाँका वाते त्यार किदो ग्यो हे।

इपिसियों 1:4

जस्यान के, वाँकाणी अणी दनियाँ ने बणाबाऊँ पेल्याऊँ मसीऊँ गट-जोड़ करन आपाँने चुण लिदा, ताँके आपीं वणा की नजरा में पुवितर अन बना दोस का बण्या तका रेवा।

इब्रानियों 3:11

तद्याँ में गुस्सा में आन ईं होगन खादा हा के, ‘वीं कदी भी मारी रईम्बावाळी जगाँ में ने जा सकी।’”

इब्रानियों 3:14

यद्याँ आपीं अंत तईं आपणाँ पेला विस्वास में मजबूत रेवा हा, तो आपीं मसी में भागीदार वे जावा हा।

इब्रानियों 9:26

यद्याँ अस्यान वेतो तो दनियाँ का रचनाऊँ लेन वींने आकोदाण दुक जेलणो पड़तो, पण अबे जुग का अन्त में वो एकीस दाण परगट व्यो हे, ताँके आपणाँ बलीदानऊँ पाप ने छेटी कर दे।

1 पतरस 1:20

वींने ईं धरती की रचना वेबाऊँ पेल्याँई चुण लिदो ग्यो हो, पण थाँ लोगाँ का वाते आकरी दनाँ में वींने परगट किदो ग्यो।