इब्रानियों 4:11 - नुवो नेम (मेवड़ी नया नियम)

¹¹ ईं वाते आवो, आपाँ भी रईम्बावाळी जगाँ में जाबा का वाते कोसीस करा, कटे अस्यान वे के, कुई मनक वाँके जस्यान आग्याने ने मानन वीं रईम्बावाळी जगाऊँ चूक जावे।

इब्रानियों 4:11 Iomraidhean Croise

मत्ती 11:12

यहुन्ना बतिस्मा देबावाळा का दनाऊँ अबाणू तईं ओ संदेस परच्यार किदो ग्यो के, परमेसर का राज का लोगाँ का हाते मार-पिट किदी जावे अन मार-पिट करबावाळा वीं राज ने लेबा की कोसीस करे हे।

मत्ती 7:13

“हाँकड़ा गेलाऊँ जावो, काँके चोड़ो गेलो हेल हे वो गेलो नरक में ले जावे हे अन घणा मनक चोड़ा गेला पे जारिया हे।

लूका 13:24

ईंपे ईसू वींने क्यो, “हाँकड़ा गेलाऊँ जाबा की कोसीस करो काँके, मूँ थाँकाऊँ केवूँ हे के, घणा मनक अस्यान करणो छाई पण वीं ने कर सकी।

लूका 16:16

“मूसा का नेम अन परमेसर का आड़ीऊँ बोलबावाळा की बाताँ को परच्यार यहुन्ना बतिस्मा देबावाळा की टेम तईं व्यो, ईंका केड़े परमेसर का राज का हव हमच्यार को परच्यार व्यो अन नरई मनक परमेसर का राज में आबा का वाते खुब मेनत करिया हे।

यहुन्ना 6:27

वीं खाणा वाते मेनत मती करो, ज्यो वासी जावे हे। पण वीं खाणा का वाते मेनत करो, ज्यो अनंत जीवन का वाते हे। अन यो खाणो मनक को पूत थाँने देई, काँके परमेसर वींने यो अदिकार दिदो हे।”

थरप्या तका का काम 26:19

“हो राजा अग्रिपा, में वणी हरग का दरसावो की बात ने, ने टाळी,

इपिसियों 2:2

थाँ पेल्याँ दनियाँ का हूँगला नेमा पे चालता हा। अन वीं वादळा की आत्मिक सगत्याँ का राजा ने मानता हा, ज्यो आत्मा लोगाँ ने अबे परमेसर को मान ने करबा का वाते मजबूर करती ही।

इपिसियों 5:6

कुई थाँने फोगट की बाताँऊँ धोको ने दे, काँके ईं कामाँ का मस परमेसर की रीस वींकी आग्या ने, ने मानबावाळा पे भड़के हे।

फिलिपियों 2:12

ईं वाते ओ मारा लाड़ला भायाँ, जद्याँ मूँ थाँका हाते हो वीं दाण जस्यान थाँ मारी आग्या हरदाण मानता हा वस्यानीस अबे भी जदी मूँ छेटी हूँ वणीऊँ हेली आग्या मानता रेवो। थाँकी मुगती ने पुरी करबा का वाते, दरपता अन धूँजता तका मेनत करता रो।

कुलुसियों 3:6

अणा हाराई कामाँ मस, परमेसर को कोप वींने ने मानबावाळा पे भड़के हे।

तीतूस 1:16

वीं परमेसर ने जाणबा को दावो तो करे हे, पण वाँका काम वाँने नकार देवे हे। वीं हूँगला अन बात ने ने मानबावाळा हे, वीं हव काम का जोगा ने हे।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

इब्रानियों 3:12

हो भायाँ, हूँस्यार रो, कटे थाँकामूँ किंके मन में बुरई अन अविस्वास ने आ जावे, ज्यो थाँने जीवता परमेसरऊँ छेटी कर दे।

इब्रानियों 3:18

परमेसर किंका वाते होगन खादा हा के, वीं रईम्बावाळी जगाँ में ने जा सकी? कई वी वे ने हा, जणा वाँकी आग्या को पाळन ने किदो हो।

इब्रानियों 4:6

ज्याँने पेल्याँ हव-हमच्यार हुणायो ग्यो हो, वीं आग्याने ने मानन रईम्बावाळी जगामें ने जा सक्या हा, ईं वाते अबाणू भी थोड़ाक मनकाँ का वाते रईम्बावाळी जगाँ को कमाड़ खुल्यो तको हे।

इब्रानियों 6:11

पण माँ घणो छावाँ हाँ के, थाँकामूँ हरेक जणो अंत तईं पूरो मन लगान अस्यान करतो रेवे, ताँके थाँकी आस पुरी वे जावे।

2 पतरस 2:6

परमेसर सदोम अन अमोरा जस्या नगरा ने दण्ड देन वानी का ढंगळा बणा दिदा ग्या हा, जणीऊँ पापी मनकाँ का वाते सबक बण सके के, वणा पापी मनकाँ का हाते कई व्यो हो।