इब्रानियों 3:1 - नुवो नेम (मेवड़ी नया नियम)

¹ हो पुवितर भायाँ, थाँ ज्यो हरग का बलावा में भागीदार हो, वीं थरप्या तका अन मायाजक ईसू पे ध्यान लगावो, जिंने आपीं मानाँ हा।

इब्रानियों 3:1 Iomraidhean Croise

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

यहुन्ना 20:21

ईसू पाछो वाँकाऊँ क्यो, “थाँने सान्ती मले। जस्यान बाप मने खन्दायो हे, वस्यानीस मूँ थाँने खन्दावूँ हूँ।”

यहुन्ना 20:27

तद्याँ ईसू ने थोमाऊँ क्यो, “आपणी आँगळी लगान मारा हाताँ ने देक अन आपणो हात पाळा में गाल। विस्वास मती छोड़, पण विस्वासवाळो बण।”

थरप्या तका का काम 1:15

थोड़ाक दनाँ केड़े एक विस्वास्याँ की सबा जिंमें होन बीस जणा हा, वटे परतस ऊबो वेन केबा लागो,

रोमियों 11:17

पण जद्याँ थोड़ीक डाळ्याँ तोड़न फेंक दिदी जावे अन थाँ ज्यो एक जंगल का जेतुन रूँकड़ा का जस्यान हो अन थाँने वणा फेंकी तकी डाळ्याँ की जगाँ कलम किदा जावे, तो थाँ वीं रूँकड़ा ने जड़ाऊँ मलबावाळी चिजाँ में भागेदारी लेवो।

रोमियों 15:27

हा, यो तो वणा खुद ते किदो, पण वाँका वाते वाँकी जिमेदारी भी बणे हे, काँके जद्याँ जी यहूदी ने हे, वणा मनकाँ यहूदी मनकाँ का आत्मिक आसीस में पाँती लिदी हे, तो जीं यहूदी ने हे, वाँ मनकाँ की जिमेदारी हे के, वीं आपणी चिजाँऊँ वाँकी मदत करे।

रोमियों 15:8

में थाँने बताऊँ हूँ के, पुरबजाऊँ किदा तका परमेसर का वादा का हाँच ने हाँचो साबत करबा का वाते मसी परमेसर की हाँच का जस्यान यहूदी मनकाँ को दास बण्यो।

रोमियों 9:24

आपीं वीं मनक हा, ज्याँने परमेसर बलाया हे, खाली यहूदीईस ने, पण ज्यो यहूदी ने हा, वीं भी हे।

1 कुरिन्थियों 1:2

कुरिन्तुस में परमेसर की वणा मण्डळ्याँ का नाम लिक्यो, जीं ईसू मसी में पुवितर किदी गी, ज्याँने परमेसर आपणाँ मनक बणाबा का वाते चुण्या हा, जीं हरेक जगाँ आपणाँ अन वाँका परबू ईसू मसी को नाम लेवे हे।

1 कुरिन्थियों 10:17

काँके एकीस रोटी हे अन आपीं ज्यो नरई हाँ, एकीस देह हाँ, काँके आपीं हाराई वणीस रोटी में भागी वेवा हाँ।

1 कुरिन्थियों 9:23

ओ हारोई मूँ हव हमच्यार का वाते करूँ हूँ, ताँके वींका वरदानाँ में मारो भी भाग वे।

2 कुरिन्थियों 1:7

माँ थाँकाऊँ पाकी आस राका हाँ, काँके माँ जाणा हाँ के, जस्यान थाँ माकाँ कळेस में हिस्सेदार हो वस्यानीस माँकी हिम्मत में भी थाँ हिस्सेदार हो।

2 कुरिन्थियों 9:13

काँके थाँकी ईं सेवाऊँ वीं परमेसर ने मेमा देई, अन अणीऊँ ओ दिके हे के, थाँ मसी का हव हमच्यार ने मानन वींके गलेइस चालो हो अन वाँकी अन हाराई ने मदत करबा का वाते खुला मनऊँ दान देवो हो।

इपिसियों 3:6

ओ राज ओ हे के, हव-हमच्यारऊँ यहूदियाँ का हाते ज्यो यहूदी ने हे वी भी वारिस वेवे अन एकीस डील का भाग वे अन ईसू मसी का गट-जोड़ऊँ परमेसर का वादा में पाँती लेवे।

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

इपिसियों 4:4

जस्यान के एकीस डील अन एकीस आत्मा हे वस्यानीस एकीस आस हे जिंका वाते परमेसर थाँने बलाया हे।

फिलिपियों 3:14

मूँ मकसद का आड़ी दोड़्यो जाऊँ हूँ, ताँके वो ईनाम पाऊँ ज्याँका वाते परमेसर मने ईसू मसी का गट-जोड़ में ऊपरे जीवन का वाते बलायो हे।

कुलुसियों 1:22

पण अबे परमेसर सरीर में मसी की देह की मोतऊँ थाँको मेल-मिलाप खुदऊँ करा दिदो हे। ताँके वो थाँने पुवितर, बना कळंक का अन निरदोस बणान खुद का हामे लावे।

कुलुसियों 3:12

काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

1 थिस्सुलुनिक्यों 2:12

जणीऊँ थाँको चालचलन परमेसर जोगो वेवे, जीं थाँने आपणाँ राज अन मेमा में बलावे हे।

1 थिस्सुलुनिक्यों 5:27

ओ कागद हाराई भायाँ ने भणन हूणाज्यो, ईंको मूँ थाँने परबू का अदिकारऊँ हुकम दूँ हूँ।

2 थिस्सुलुनिक्यों 1:11

ईं वाते, माँ थाँका वाते हमेस्यान परातना करा हाँ के, आपणाँ परमेसर थाँने जुग-जुग के जीवन का जोगा बणावे, जणी वाते थाँने वणा बलाया हे। अन भलई की हरेक मरजी अन विस्वास का हरेक काम ने सामरत का हाते पूरा करो।

2 थिस्सुलुनिक्यों 2:14

अन ईं बंचबा का वाते जणी हव हमच्यार की, में थाँने हिक दिदी ही, वणी का आड़ीऊँ परमेसर थाँने बलाया हे, ताँके थाँ भी आपणाँ परबू ईसू मसी की मेमा में भेळा वेवो।

1 तिमुतियूस 6:12

थूँ विस्वास की दोड़ में पूरो मन लगान दोड़, अन खुद का वाते जुग-जुग को जीवन जीत, जिंका वाते थने परमेसर बलायो हो, जिंने थें मेपणा का हाते थाँरा विस्वास ने नरई गवा का हामे दिकायो हो।

1 तिमुतियूस 6:2

जणा दास का मालिक विस्वासी हे, वीं ईं वजेऊँ के, वाँका मालिक विस्वासी हे, वाँको मान-समान करणो कम मती करज्यो, पण वाँने तो वाँके मालिक की हेली सेवा करे, काँके वाँका काम को नफो ज्याँने मलरियो हे वीं विस्वासी हे, ज्याँने वीं परेम करे हे। ईं बाताँ थूँ लोगाँ ने करबा का वाते के अन हिका।

2 तिमुतियूस 1:9

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

2 तिमुतियूस 2:7

ज्यो कई मूँ बोलूँ हूँ वींपे चेतो लगा, अन परबू थने हारी बाताँ ने हमजबा की अकल देई।

इब्रानियों 10:19

हो भायाँ-बेना, अबे तो ईसू मसी का लुई वेवाड़ा की वजेऊँ आपाँने खास पुवितर जगाँ में जाबा का पूरो भरोसो वेग्यो हे।

इब्रानियों 10:21

अन आपणाँ नके एक अस्यो मायाजक हे ज्यो हरग में परमेसर का घराणा को अदिकारी हे।

इब्रानियों 10:23

ईं वाते आवो, आपाँ जीं आस ने मान लिदी हे, वींने मजबुती का हाते ठामी राका, काँके जणी आपाऊँ वादो किदो हे वो विस्वास जोगो हे।

इब्रानियों 13:22

हो भायाँ, मूँ थाँकाऊँ अरज करूँ हूँ के, अणा हिम्मत बन्दाबावाळा उपदेस पे चालो, काँके में कागद में हेली बाताँ ने लिकी हे।

इब्रानियों 2:11

काँके पुवितर करबावाळो ईसू अन पुवितर वेबावाळा मनक हे, वीं हाराई एकीस परवार का हे। ईं वाते ईसू वाँने आपणाँ भई केता तका हरमा ने मरे हे।

इब्रानियों 2:17

ईं वाते वींने हरेक बात में मनकाँ का जस्यानीस बणायो ग्यो हो, जणीऊँ वो परमेसर की सेवा करबा का वाते दया करबावाळो अन विस्वास जोगो मायाजक बणे। ताँके मनकाँ का पापाँ का मापी वाते बली हो सके।

इब्रानियों 3:12

हो भायाँ, हूँस्यार रो, कटे थाँकामूँ किंके मन में बुरई अन अविस्वास ने आ जावे, ज्यो थाँने जीवता परमेसरऊँ छेटी कर दे।

इब्रानियों 3:14

यद्याँ आपीं अंत तईं आपणाँ पेला विस्वास में मजबूत रेवा हा, तो आपीं मसी में भागीदार वे जावा हा।

इब्रानियों 6:20

जटे ईसू आपणाँ आड़ीऊँ आपाऊँ पेली पोछ्याँ हे। वीं मलिकिसिदक की रिती के जस्यान हमेस्यान का वाते मायाजक बणग्या।

इब्रानियों 7:26

अस्या मायाजकइस आपणी जरूत ने पुरी कर सके हे, जी पुवितर हे, बना दोस का वेवे, सुद वे, पापी मनकाँऊँ अलग हे, हरगऊँ भी ऊँचे उटायाग्या वेवे।

इब्रानियों 7:28

काँके मूसा का नेम तो कमजोर मनकाँ ने मायाजक बणावे हे, पण वीं होगन जीं मूसा का नेमा के केड़े खादा ग्या हा, वणा बेटा ने मायाजक बणायो, ज्यो हमेस्या हमेस्या का वाते सिद बणग्यो।

इब्रानियों 9:11

पण मसी अणा हव हव चिजाँ को मायाजक बणन आयो हे। तो वीं हात का बणाया तका तम्बू में ने, पण अणीऊँ भी मोटा अन सिद तम्बू में सेवा करे हे। मतलब वो तम्बू अणी दनियाँ को भाग ने हे।

इब्रानियों 9:15

ईं वाते मसी एक नुवा करार को बिचोलिया हे, ताँके जीं बुलाया ग्या हे, वीं अनंत उतरादिकार पा सके, जिंको वादो परमेसर किदो हो। अबे देको, जी पेला करार का जस्यान जणा पापाँ किदो हो, वाँने पापाऊँ छुड़ाबा की वाते मरन किमत चुकई अन वाँने आजाद किदा।

1 पतरस 2:9

पण थाँ तो अस्या मनक कोयने हो, थाँ तो परमेसर का थरप्या तका मनक हो, थाँ रजवाड़ी याजकाँ की टोळी अन पुवितर परवार का हो, परमेसर थाँने अंदारा का राज मेंऊँ अचम्बावाळा उजिता में लाया हे, जणीऊँ थाँ परबू का अचम्बावाळा काम का बारा में बता सको।

1 पतरस 3:5

काँके पेला का जुग में जो पुवितर लुगायाँ ही, वीं परमेसर में आस राकबावाळी ही, वीं खुद भी परमेसर की मरजी का जस्यान सजती-धजती ही। अन आपणाँ-आपणाँ धणी का क्या में रिया करती हे।

1 पतरस 5:1

अबे मूँ वाँने जो थाँका मयने परदान मान्याँ जावे हे, वाँकाऊँ परातना करूँ हूँ, मूँ खुद एक दानो परदान हूँ अन जो दुक मसी जेल्यो हो वींको मूँ गवा हूँ अन आबावाळी मेमा को मूँ भागी हूँ।

1 पतरस 5:10

अबे परमेसर, जीं दया करबावाळा अन दया का दाता हे, वींइस थाँने मसी में जुग-जुग का वाते खुद की मेमा करबा वाते बलाया हे। थाँने थोड़ोक दुक जेलबा केड़े, वो खुदई थाँने गाटा, जोरावर अन पाका बणाई।

1 यहुन्ना 1:3

माँ वींने देक्यो अन हुण्यो हे। अन अबे थाँकामें भी वींके बारा में परच्यार करा हाँ, जणीऊँ थाँ भी मारा हाते भेळा वे जावो। काँके आपाँ परम बापू अन वींकी बेटा ईसू मसी का हाते भेळा हा।

यहूदा 1:1

यहूदो ज्यो ईसू मसी को दास अन याकूब को भई हो, वींका आड़ीऊँ ओ कागद वणा मनकाँ का नाम ज्याँने परमेसर बलाया हे अन वीं ज्याकाँऊँ परमेसर परेम राके हे अन ज्याँने ईसू मसी बंचान राक्या हे।

परकासितवाक्य 17:14

वीं उन्याँऊँ लड़ी, पण वो उन्यो आपणाँ बलाया तका, चुण्या तका अन आपणाँ गेले चालबावाळा मनकाँ ने हाते लेन वींने हरा देई, काँके वो उन्यो राजावो को भी राजा अन परबू को भी परबू हे।”

परकासितवाक्य 18:20

“हे हरग, हो पुवितर मनकाँ, थरप्या तका खासतोर चेलो अन परमेसर का आड़ीऊँ बोलबावाळा राजी वेवो, काँके परमेसर वींको न्याव करन थाँको बदलो लिदो हे।