इब्रानियों 13:3 - नुवो नेम (मेवड़ी नया नियम)

³ केदी मनकाँ का लारे अस्यान वेवार राको के, थाँ भी वाँका हाते केदी हो। जणा का हाते बुरो वेवार व्यो हे वाँने यो जाणन आद करो के, जस्यान थाँका हाते बुरो व्यो हे।

इब्रानियों 13:3 Iomraidhean Croise

मत्ती 25:36

मूँ नांगो हो, अन थाँ मने गाबा पेराया। मूँ मांदो हो अन थाँ मारी हार-हमाळ किदी, मूँ जेळ में हो अन थाँ माराऊँ मलबा आया।’

मत्ती 25:43

मूँ बारवासी हो, अन थाँ मने आपणाँ घर में ने राक्यो, मूँ नांगो हो, अन थाँ मने गाबा ने पेराया। मूँ मांदो अन जेळ में हो, अन थाँ माराऊँ मलबा का वाते ने आया।’

थरप्या तका का काम 24:23

अन अदिकारी ने हुकम दिदो के पोलुस ने लेजान थोड़ीक आजादी का हाते रुकाळी करो अन ईंका हण्डाळ्याँ मूँ कुई भी ईंकी मदत करे तो रोकज्यो मती।

थरप्या तका का काम 27:3

दूजे दन माँकाणी सेदा का बन्दरगा का नके जाँज रोकी, युलियुस पोलुस पे दया किदी के, वो हण्डाळ्याऊँ मलबा जावे ताँके वीं जरुरत की चिजाँ आने देवे।

रोमियों 12:15

ज्यो राजी हे वाँके हाते राजी रेवो अन ज्यो रोवे हे, वाँका हाते रोवो।

1 कुरिन्थियों 12:26

ईं वाते यद्याँ देह में एक अंग दुक पावे हे तो वींके हाते हाराई अंग दुक पावे हे अन यद्याँ एक अंग की बड़ई वेवे हे तो हाराई अंग वींके हाते राजी वेवे हे।

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

कुलुसियों 4:18

मूँ ज्यो पोलुस खुद थाँने नमस्कार लिकरियो हूँ। मारी हतकड़ीया आद राकज्यो। परमेसर की दया थाँका पे वेती रेवे। आमीन।

इब्रानियों 10:34

थाँ केदी मनकाँ का दुक में भी दकी व्या हा। थाँ ओ जाणता हा के, थाँका नके अस्यान की दोलत हे ज्यो हव अन कदी नास ने वेई। ईं वाते थाँ थाँकी दोलत ने भी राजी वेन जब्त वेबा दिदी।

इब्रानियों 11:37

घणा के भाटा की ठोकन मार दिदा, घणा ने आरीऊँ चिरिया ग्या, वाँने तरवारऊँ मारिया अन बकरिया अन गारा की खाळ ओड़न अटने-वटने फरता फरिया, वीं कंगाळ की दसा में, कळेस में, दुक जेलता तका,

1 पतरस 3:8

मारी आकरी मरजी हे के, थाँ हाराई मनक एक मन रेवो अन थाँ हाराई ने मनकाँ का हाते मेल-मिलाप, भईचारा, दया करबावाळा अन भायाँ का हाते परेम-भावऊँ रेबावाळा बणणो छावे।