इब्रानियों 13:2 - नुवो नेम (मेवड़ी नया नियम)

² अणहेन्दा की आवभगत करणी मती भुलो, काँके अस्यान करता तकाईस नरई लोगाँ अणजाण में हरग-दुताँ की आवभगत किदी हे।

इब्रानियों 13:2 Iomraidhean Croise

मत्ती 25:35

काँके मूँ भुको हो, अन थाँ मने खाबा को दिदो, मूँ तरियो हो अन थाँ मने पाणी पायो। मूँ बारवासी हो, अन थाँ मने घर में राक्यो।

मत्ती 25:40

“तद्याँ राजा वाँने केई, ‘मूँ थाँकाऊँ हाँची केवूँ हूँ के, थाँ ज्यो मारा ईं फोराऊँ फोरा भायाँ मेंऊँ किंका एक का लारे भी किदो, तो वो माराईस हाते किदो हे।’

मत्ती 25:43

मूँ बारवासी हो, अन थाँ मने आपणाँ घर में ने राक्यो, मूँ नांगो हो, अन थाँ मने गाबा ने पेराया। मूँ मांदो अन जेळ में हो, अन थाँ माराऊँ मलबा का वाते ने आया।’

थरप्या तका का काम 16:15

जदी वा लुगई अन वींका परवारवाळा हंगळा हाते बतिस्मो लिदो तो वणी माँकी मनवार किदी के, “यद्याँ थाँ मने परमेसर में विस्वास करबावाळी लुगई हमजो, तो अटूँ मारे हाते चालो अन मारे घरे रो।” जद्याँ तईं माँ राजी ने व्या, तद्याँ तईं वा मनवार करतिइस री।

रोमियों 12:13

परमेसर का मनकाँ की जरुरत में वाँकी मदत करो। मेमान की आवभगत करबा को मोको होदता रेवो।

रोमियों 16:23

मारी अन हारी मण्डली की खातरदारी करबावाळा गयुस को थाँने नमस्कार। इरास्तुस ज्यो नगर को भण्डारी हे अन आपणाँ भई क्कारतुस को थाँने नमस्कार।

1 तिमुतियूस 3:2

एक मण्डली को परदान बना दोसवाळो वेणो छावे, वींके एकीस लुगई वे, खुद ने बंस में राकबावाळो, धीरज करबावाळो अन मरयादा में रेबावाळो, वो आपणाँ घर में अणजाण की भी आवभगत करे, वो हिकावाबाळा वेवे।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

तीतूस 1:8

पण वीं तो आवभगत करबावाळा अन ज्यो सई हे वणीऊँ परेम करबावाळा वे। खुद ने बंस में राकबावाळा, हुदा-हादा न्यायी, पुवितर अन नेमाँ में रेबावाळा वेवे।

1 पतरस 4:9

बना बड़बड़ करिया, थाँ एक दूजाँ की आवभगत करिया करो।

3 यहुन्ना 1:5

हे मारा प्यारा भई, थूँ आपणाँ विस्वासी भायाँ का नफा का वाते घणो करो हे। पलई वीं थाँरा वाते अणजाण काँ ने वेवे।