इब्रानियों 11:32 - नुवो नेम (मेवड़ी नया नियम)

³² अबे आगे कई बतऊँ। गिदोन, बारक, सिमसोन, यिपतह, दाऊद, समुएल अन परमेसर का आड़ीऊँ बोलबा का बारा में बताबा को मारा नके टेम कोयने हे।

इब्रानियों 11:32 Iomraidhean Croise

मत्ती 5:12

तद्याँ थाँ राजी वेज्यो अन आणन्द मनाज्यो, काँके हरग में थाँने ईंको फळ मली। यो वस्यानीस हे जस्यान थाँकाऊँ पेल्याँ परमेसर का आड़ीऊँ बोलबावाळा लोगाँ ने हताया हा।

लूका 13:28

“थाँ अबराम, इसाक, याकूब अन नरई परमेसर का आड़ीऊँ बोलबावाळा ने परमेसर का राज में देको, पण यद्याँ थाँने परमेसर का राजऊँ बारणे काड़ दिदा जाई, जटे तो बेस रोवणो अन दात पिसणाईस वेई।

लूका 16:31

पण अबराम वींने क्यो, “यद्याँ वी मूसा अन परमेसर का आड़ीऊँ बोलबावाळा की किताबाँ की बात ने माने हे, तो वी यद्याँ कुई मरिया तका मेंऊँ भी वाँका नके जाई तद्याँ भी वी वींकी ने मानी।”

यहुन्ना 21:25

ओरी भी नरई काम हे। ज्याँने ईसू किदा हे। यद्याँ वीं हाराई लिक्या जाता, तो मूँ हमजूँ हूँ के, ज्या किताबाँ लिकी जाती वाँ ईं दनियाँ में भी ने माती।

थरप्या तका का काम 10:43

हारई परमेसर का आड़ीऊँ बोलबावाळा वींका बारा में गवई दिदी के, वींपे भरोसो करबावाळो हरेक मनक वींका नामऊँ पापाँ की मापी पाई।”

थरप्या तका का काम 13:20

ईं हारई काम में लगे-भगे हाडा च्यारसे वर लागा। ईंका केड़े परमेसर का आड़ीऊँ बोलबावाळा समुएल की टेम तईं वाँने नरई न्याव करबावाळा दिदा हा।

थरप्या तका का काम 3:24

हाँ, समुएल अन वींका केड़े आया हारई परमेसर का आड़ीऊँ बोलबावाळा, जद्याँ भी कई क्यो तो वणा ईं दनाँ का बारा मेंईस क्यो हो।

रोमियों 3:5

पण यद्याँ आपणाँ बुरा करम परमेसर की धारमिकताने सई तरियाऊँ परगट करे हे अन अणी बात पे परमेसर आपाँ पे गुस्सो करे हे तो आपाँ कई केवा के, वीं आपणाँ हाते अन्याव करे हे। यो तो मूँ मनक का रिती पे कूँ हूँ।

रोमियों 4:1

तो आपीं कई केवा के, आपणाँ देह का पुरवज अबराम अणी धारमिकता का बारा में कई हमज्या?

रोमियों 6:1

तो पछे आपाँ कई केवाँ? कई आपाँ पाप करता रेवा, ताँके परमेसर की दया बड़ती रेवे?

रोमियों 7:7

तो आपाँ कई केवाँ? कई नेम पाप हे? कदी ने हे। काँके यद्याँ नेम ने वेता तो मूँ जाण ने पातो के, पाप कई वेवे हे? यद्याँ नेम ने बताता के, लोब मती करो, तो हाँची में मूँ जाणीई ने पातो के, लोब कई हे?

याकूब 5:10

हो भायाँ, थाँ परमेसर का आड़ीऊँ बोलबावाळा ने आद राको, जीं परबू का नामऊँ बोलता हा। वणा आपणाँ वाते दुक जेल्यो अन धीरज राक्यो, वीं आपणाँ वाते नमुनो हे।

2 पतरस 1:21

काँके कुई भी आगेवाणी मनकाँ की मरजीऊँ कदी ने वेवे हे, पण भगत मनकईस पुवितर आत्मा की वजेऊँ परमेसर का आड़ीऊँ बोले हे।

2 पतरस 3:2

जणीऊँ थाँ वीं बाताँ ने जी परमेसर का आड़ीऊँ बोलबावाळा पुवितर मनकाँ पेल्याँई क्यो हो, वाँने थाँ आद कर सको अन आपणाँ छुटकारो देबावाळा परबू ईसू मसी की आग्या ने, अन जो थाँका खासतोर थरप्या तका चेला थाँने जो आग्या दिदी ही, वाँको थाँ ध्यान कर सको।