इब्रानियों 11:17 - नुवो नेम (मेवड़ी नया नियम)

^17-18 विस्वास की वजेऊँ जद्याँ परमेसर अबराम की परक कररिया हा, तद्याँ वणी इसाक की बली चड़बा की पुरी त्यारी कर लिदी। जद्याँ के परमेसर वणीऊँ क्यो हो के, “इसाकऊँ थाँरो बंस आगे बड़ी।” ईंका केड़े भी अबराम जिंने वादो मल्यो हो, वो आपणाँ एकलोता बेटी की बली देबा का वाते त्यार वेग्यो।

इब्रानियों 11:17 Iomraidhean Croise

यहुन्ना 3:16

काँके परमेसर जगतऊँ अस्यान परेम किदो, वणा आपणाँ एकाएक पूत ने दे दिदो, ताँके ज्यो कुई वींपे विस्वास करे, वी नास ने वेई, पण अनंत जीवन पाई।

2 कुरिन्थियों 8:12

काँके जस्यान देबा को मन वेवे हे वस्यानीस वींको दान गरेण किदो जावे हे। मारो केणो हे के, जतरोक वे वतरो दे दिज्यो वणीऊँ बड़न मती देज्यो।

इब्रानियों 11:13

ईं हाराई मनक विस्वास करता कतराई मरग्या अन ज्यो चीज वाँने देबा को वादो किदो ग्यो हो, वाँ वाँने कोनी मली। पण वीं वाँने छेटीऊँ देकी अन वाँकी आवभगत किदी अन वीं ओ भी मानता हा के, वीं ईं धरती में बारवासी अन अणजाण हे।

इब्रानियों 7:6

पछे भी मलिकिसिदक ज्यो लेवी बंस को ने हो, अबरामऊँ दसवो भाग लिदो। अन वणी अबराम ने आसिरवाद दिदो, जिंका नके परमेसर का वादा हा।

याकूब 5:11

देको, आपाँ धीरज राकबावाळा ने धन्न हमजा हा। थाँ अयुब का धीरज का बारा में तो हुण्योईस हे अन परबू वींने वींको ज्यो फळ दिदो हो, यो थाँ तो जाणोइस हो, काँके परबू तरस अन दया करबावाळा हे।

1 पतरस 4:12

हो मारा प्यारा भायाँ, थाँका मयने ज्याँ दुक की घड़ी थाँने परकबा वाते थाँकामें वीती री हे, ईंके वजेऊँ थाँ ओ जाणन अचम्बा मती करो के, थाँका पे घणी अनहोणी वेरी हे।

परकासितवाक्य 3:10

काँके थाँ धीरजऊँ मारा हुकम पे चालता रिया हो, ईं वाते जद्याँ ईं धरती का मनकाँ ने परकबा का वाते अबकी टेम आई, तो मूँ थने बंचाऊँ।