इब्रानियों 11:16 - नुवो नेम (मेवड़ी नया नियम)

¹⁶ पण वीं तो बड़िया नगर में जाबा की मरजी राके हे, ज्यो हरग हे। ईं वाते वीं परमेसर ने आपणाँ परमेसर केबाऊँ हरम कोनी करे, काँके वणी वाँका वाते एक नगर त्यार करन मेल्यो हे।

इब्रानियों 11:16 Iomraidhean Croise

मत्ती 25:34

“तद्याँ राजो आपणी जीमणी पाल्ड़े वाळाऊँ केई, ‘हो मारा बापू का धन्न मनकाँ, आवो, वीं राज का हकदार वे जावो, ज्यो जग का बणावाऊँ पेल्या थाँका वाते त्यार किदो ग्यो हे।

मरकुस 12:26

मरिया तका जीवता वेन उठबा का बारा में थाँकाणी मूसा की किताब में जटे हळगता तका झाड़क्याँ का बारा में लिक्यो हे, कई थाँ वो ने भण्यो? वटे परमेसर मूसा ने क्यो हो, ‘मूँ अबराम को परमेसर हूँ, इसाक को परमेसर हूँ अन याकूब को परमेसर हूँ।’

मरकुस 8:38

जद्याँ कुई मारा अन मारी हिकऊँ, कुकरमी अन पापी जमानाऊँ हरमाई तो मूँ ज्यो मनक को पूत(ईसू) हूँ, जद्याँ पुवितर हरग-दुताँ की लारे परमेसर की मेमा में आऊँ, तो वींका वाते हरमाऊँ।”

लूका 12:32

“ओ नाना गारा, दरपो मती। काँके थाँरा बापू ने यो हव लागो हे के, थाँने राज देवे।

लूका 20:37

पण, या बात हे के, मरिया तका पाच्छा जी उटे हे, तो मूसे भी बळता तका रूँकड़ा की केणी बतई ही के, ‘वो परबू ने अबराम का परमेसर अन इसाक का परमेसर अन याकूब का परमेसर केवे हे।’

यहुन्ना 14:2

मारा परमेसर का घर में नरी रेवा की जगाँ हे, यद्याँ ने वेती तो मूँ थाँकाऊँ के देतो। काँके मूँ परमेसर का घर में थाँका वाते जगाँ त्यार करबा ने जावूँ हूँ।

थरप्या तका का काम 7:32

मूँ थाँरा बड़ाबा को परमेसर हूँ, अबराम, इसाक अन याकूब को परमेसर हूँ। तो मूसो घबरान धूँजवा लागो अन वटे देकबा की भी हिम्मत ने कर सक्यो।

फिलिपियों 3:20

पण आपणो देस तो हरग हे अन आपीं आपणाँ बंचाबावाळा परबू ईसू मसी की वटूऊँ आबा की वाट नाळरिया हा।

2 तिमुतियूस 4:18

अन परबू मने हारी बुरी बाताँऊँ बंचाई अन बंचान हरग में लेजाई। वाँकी मेमा जुग-जुग वेती रेवे! आमीन।

इब्रानियों 10:34

थाँ केदी मनकाँ का दुक में भी दकी व्या हा। थाँ ओ जाणता हा के, थाँका नके अस्यान की दोलत हे ज्यो हव अन कदी नास ने वेई। ईं वाते थाँ थाँकी दोलत ने भी राजी वेन जब्त वेबा दिदी।

इब्रानियों 11:10

काँके अबराम वणी नगर की वाट नाळरियो हो, जिंकी नीम मजबूत हे अन जिंने परमेसर माढ्यो अन बणायो हो।

इब्रानियों 11:14

अन ज्यो मनक अस्यान की बाताँ करे हे वीं यो दिकावे हे के, वीं आपणाँ खुद का देस की खोज में हे।

इब्रानियों 11:40

परमेसर का नके आपणी ओजणा का जस्यान आपणाँ का वाते ओरी हव बात ही, ताँके वाँ आपणे बना सिद ने वे सके।

इब्रानियों 12:22

पण थाँ सिय्योन मंगरा का नके, जीवता परमेसर का हरग का नगर यरूसलेम का नके अन हजारो हरग-दुताँ,

इब्रानियों 13:14

काँके अटे आपणो कस्योई हेमस्यान रेवा वाते नगर ने हे, पण आपीं तो वणी नगर की वाट नाळरिया हे, ज्यो आबावाळो हे।

इब्रानियों 2:11

काँके पुवितर करबावाळो ईसू अन पुवितर वेबावाळा मनक हे, वीं हाराई एकीस परवार का हे। ईं वाते ईसू वाँने आपणाँ भई केता तका हरमा ने मरे हे।

परकासितवाक्य 21:2

पछे में पुवितर नगर नुवो यरूसलेम ने हरगऊँ परमेसर का नकेऊँ उतरते देक्यो अन वो वीं लाड़ी का जस्यान हे, ज्याँ आपणाँ धणी का वाते सजे धजे।