इब्रानियों 11:1 - नुवो नेम (मेवड़ी नया नियम)

¹ विस्वास करबा को अरत हे के, जणा चिजाँ की आपाँ आस लगा राकी हे, वीं आपाँने मलगी हे ईंको भरोसो कराँ हा। अन जीं चिजाँ ने आपाँ देक ने सका, पण आपाँने वाँको मलबा को पूरो भरोसो हे।

इब्रानियों 11:1 Iomraidhean Croise

थरप्या तका का काम 20:21

यहूदियाँ अन युनानियाँ के हामे गवई देतो रियो, के पापाऊँ मन फरान परमेसर का आड़ी आवो अन परबू ईसू मसी पे विस्वास करो।

1 कुरिन्थियों 13:13

पण अबे विस्वास, आस, अन परेम ईं तीनई टळे कोयने अन अणा हारईऊँ मोटो परेम हे।

2 कुरिन्थियों 11:17

मूँ ईं मेपणो की वजेऊँ ज्यो कई कूँ हूँ, वो परबू का आग्याऊँ ने कूँ पण अस्यान मानलो के, मारा बेण्डापणा ऊँइस केरियो हूँ।

2 कुरिन्थियों 4:18

ज्यो कई दुक दिके हे वींने आपणी आक्याँ ने देके हे, पण वाँ चिजाँ दिके कोनी, वीं देके हे। काँके ज्यो चिजाँ दिके हे, वाँको नास वे जाई, पण ज्यो ने देके, वीं अमर रेई।

2 कुरिन्थियों 5:17

ईं वाते अबे ज्यो भी मसी में हे, वो परबू की नुवी रचना हे। पुराणी बाताँ परीगी हे अन अबे हारोई नुवो वेग्यो हे।

2 कुरिन्थियों 5:7

काँके आपाँ देकन ने जीवाँ पण विस्वासऊँ जीवाँ हाँ।

2 कुरिन्थियों 9:4

यद्याँ अस्यान ने व्यो तो जद्याँ मकिदुनिया का मनक मारा हाते, थाँका नके आई अन वीं थाँने त्यार ने देकी तो, मारा वणी विस्वास की वजेऊँ ज्यो माँ थाँकामें बतायो हो, माँने हरमा मरणो पड़ी अन थाँने तो घणोइस हरमा मरणो पड़ी।

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

तीतूस 1:1

मूँ ईसू मसी का नामऊँ थरप्यो तको परमेसर को दास पोलुस, ओ कागद तीतूस ने लिकरियो हूँ। मने परमेसर का चुण्या तका मनकाँ ने विस्वास में बडाबा का वाते खन्दायो हे, जणीऊँ वीं हाँच ने जाणन हाँचो जीवन जीवे।

इब्रानियों 10:22

ईं वाते आवो, आपाँ हाँचा हिया, पूरा विस्वास, अन मन का बुरा दोस पे छीड़कावऊँ सुद करवान देह ने सुद पाणीऊँ धोवान परमेसर का नके जावा।

इब्रानियों 10:39

पण आपाँ वाकामूँ ने हा, ज्यो पाच्छा फर जावे हे अन नास वे जावा, पण आपाँ तो विस्वास राकबावाळा हा, ताँके आपणाँ जीव ने बंचाबा।

इब्रानियों 11:13

ईं हाराई मनक विस्वास करता कतराई मरग्या अन ज्यो चीज वाँने देबा को वादो किदो ग्यो हो, वाँ वाँने कोनी मली। पण वीं वाँने छेटीऊँ देकी अन वाँकी आवभगत किदी अन वीं ओ भी मानता हा के, वीं ईं धरती में बारवासी अन अणजाण हे।

इब्रानियों 11:27

विस्वास करबा की वजेऊँ वणी राजा की दरपणी ने राकी अन मिसर ने छोड़ दिदो। अन मानो वो ने दिकबावाळा परमेसर ने देकबा का जस्यान हारोई सेण किदो।

इब्रानियों 11:7

विस्वास करबा की वजेऊँ नूह भी वणा बाताँ ने ज्यो वींने दिकई कोयने दिदी ही। ईं बारा में चेतावणी पान परमेसर की दरपणी का हाते आपणाँ परवार ने बंचाबा का वाते जाँज बणायो हो, अस्यान करन वणी दनियाँ ने दोसी ठेराई अन वो धारमिकता को वारिस बणग्यो, ज्यो विस्वास करबाऊँ आवे हे।

इब्रानियों 2:3

तो पछे आपाँ कस्यान बंच सका? यद्याँ आपाँ ईं मान छुटकाराऊँ बेपरवा वेवा। ईं छूटकारा को पेलो हमच्यार परबू का आड़ीऊँ दिदो ग्यो अन जणा ईं हेला ने हुण्यो, वाँने ईंने आपणाँ वाते ईंने हाँचो साबत किदो हे।

इब्रानियों 3:14

यद्याँ आपीं अंत तईं आपणाँ पेला विस्वास में मजबूत रेवा हा, तो आपीं मसी में भागीदार वे जावा हा।

इब्रानियों 3:6

पण परमेसर का घराणा में मसी तो एक बेटा का रूप में विस्वास करबा के जोगो हे, अन यद्याँ आपाँ हिम्मत राका अन वीं आस पे विस्वास बण्यो तको राका हा, तो आपींइस वींको घराणो हा।

इब्रानियों 6:12

माँ यो ने छावाँ हाँ के, थाँ आळसी बण जावो, पण वाँके जस्यान चालो, जीं विस्वास अन धिज्या का हाते वणा चिजाँ ने पारिया हे, ज्याँको परमेसर वादो किदो हो।

2 पतरस 1:1

मूँ समोन जिंको नाम पतरस भी हे, ज्यो परबू ईसू मसी को दास अन थरप्यो तको चेलो हे, मूँ ओ कागद वाँ मनकाँ का नाम लिकरियो हूँ, जीं आपणाँ परमेसर अन छुटकारो देबावाळो ईसू की धारमिकता के वजेऊँ आपणे जस्यानीस विस्वास करे हे।