इब्रानियों 10:4 - नुवो नेम (मेवड़ी नया नियम)

⁴ काँके ओ कदी ने वे सके के, बकरा को अन पाडो को लुई पापाँ ने माप कर सके।

इब्रानियों 10:4 Iomraidhean Croise

मरकुस 12:33

हारई मनऊँ, हारई अकलऊँ, अन आपणी हारई तागतऊँ थने परमेसरऊँ परेम करणो छावे। अन आपणाँ पड़ोसीऊँ भी अतरो परेम कर, जतरो परेम थूँ खुदऊँ करे। अणा दुई आग्या ने मानणी, हाराई होमऊँ अन बलीदानाऊँ भी बड़िया हे।”

यहुन्ना 1:29

आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई।

रोमियों 11:27

वाँका वाते मारो वादो योईस हे के, मूँ वींका पाप ने छेटी कर देऊँ।”

इब्रानियों 10:1

मूसा का नेम तो आबावाळी बड़िया बाताँ की छाया को रूप हे। पण यो वाँको असली रूप ने हे। ईं वाते बली का रूप में हरेक साल चडावो चड़ायो जातो हो। अन वो चडावो परमेसर का नके आबावाळा मनकाँने कदी सिद ने करे हे।

इब्रानियों 10:11

जद्याँ के याजक तो ऊबो वेन धारमिक सेवा करे हे अन एक अस्या बलीदान ने ज्यो पाप कदी ने माप कर सके, वींनेईस आकोदाण चड़ावे हे।

इब्रानियों 10:8

काँके पेल्याँई के दिदो हे के, वो भेंट अन चडावो होम बली अन पापबली ने छायो अन ने वो अणाऊँ राजी वेवे हे। जद्याँ के सास्तर का नेम का हस्याबूँ तो ईं हाराई चडाया जावे हे।

इब्रानियों 9:9

अन यो तम्बू अबाणू की टेम का वाते एक केणी हे, जिंमें अस्यी भेंट अन बलीदान चड़ाया जावे हे, जणीऊँ आरादना करबावाळा का मन पुरी तरियाँ सुद ने वे सके हे।

1 यहुन्ना 3:5

थाँ ओ तो जाणो हो के, मसी लोगाँ का पापाँ ने धोवा का वाते परगट व्या हो अन वींके मयने कई पाप कोयने हे।