इब्रानियों 10:22 - नुवो नेम (मेवड़ी नया नियम)

²² ईं वाते आवो, आपाँ हाँचा हिया, पूरा विस्वास, अन मन का बुरा दोस पे छीड़कावऊँ सुद करवान देह ने सुद पाणीऊँ धोवान परमेसर का नके जावा।

इब्रानियों 10:22 Iomraidhean Croise

मत्ती 3:11

मूँ तो थाँने मन फेरबा का वाते पाणीऊँ बतिस्मो दूँ हूँ पण वीं ज्यो मारा केड़े आबावाळो हे, वो माराऊँ भी हेलो मोटो हे। मूँ तो वाँका पगरख्याँ का कसणा खोलबा के जोगो भी ने हूँ। वो थाँने पुवितर आत्मा अन वादीऊँ बतिस्मो देई।

लूका 1:1

हुकम थियोपलुस, ज्यो बाताँ आपणाँ बसमें वीं ही वणा बाताँ ने वसन का दास खुद सरुआतऊँ देकी अन आपाँने बतई। वणा बाताँ ने सई तरियाऊँ लिकबा का वाते नरई मनकाँ कोसीस किदी ही। में अणा हारी बाताँ की सरुआतऊँ सई तरियाऊँ परक कर लिदी ही, ईं वाते मने ओ हव लाग्यो के, मूँ भी अणा हारी बाताँ ने थाँका वाते सई तरियाऊँ एक का पसे एक लिकूँ,

यहुन्ना 3:5

ईसू वींने जवाब दिदो के, “मूँ थाँकाऊँ हाचेई केवूँ हूँ, जद्याँ तईं कुई मनक पाणी अन पुवितर आत्माऊँ ने जनमे तो वो परमेसर का राज में ने जा सकी।

यहुन्ना 8:9

तद्याँ या बात हुणन हाराई मनक एक-एक करन पराग्या अन हाराऊँ पेल्याँ भूण्डा मनक ग्या अन आकरी में वटे लुगई अन ईसूइस बच्या।

थरप्या तका का काम 22:16

अबे काँ मोड़ो कररियो हे? ऊँट अन बतिस्मो ले, अन वींका नामऊँ अरज करन आपणाँ हंगळा पापाँ ने धो नाक।”

थरप्या तका का काम 8:21

ईं बात में थारी ने पाँती हे अन ने थूँ भेळो हे, काँके थारो मन परमेसर के हामे हव कोयने।

1 कुरिन्थियों 6:11

अन थाँकामूँ करता तो अस्याईस हा, पण थाँ परबू ईसू मसी का नामऊँ अन आपणाँ परमेसर की आत्माऊँ धोया ग्या हो अन पुवितर वेन परमेसर का हामे सई ठेरिया हो।

2 कुरिन्थियों 7:1

हो मारा प्यारा भायाँ, आपणाँ नके परमेसर को दिदो तको करार हे। ईं वाते थाँ आवो, अन परमेसर को मान करता तका खुद ने पुवितर करबा का वाते खुद की आत्माने अन देह ने मयनेऊँ अन बारणेऊँ हुगली चिजाँऊँ पुवितर करो।

इपिसियों 3:12

मसी का गट-जोड़ऊँ अन वींपे विस्वास करबाऊँ बना दरपता तका परमेसर का हामे जाबा को भरोसो हे।

इपिसियों 6:5

ओ हाळयाँ, थाँ जस्यान मसी को हुकम मानो वस्यानीस धरती का मालिक को केणो दरपता अन धूँजता तका हाँचा मनऊँ मानो।

1 तिमुतियूस 4:2

अन या हिक जूटा मनकाँ का कपट की वजेऊँ फेली, ज्याको मन मरियो तको हे।

तीतूस 3:5

यो ईं वाते ने व्यो के, आपाँ धरम का काम कररिया हा, पण आ वाँकी करपाइस ही के, वो आपाँने पुवितर आत्मा का आड़ीऊँ बंचावे, ज्या आपाँने धोन नुवो जनम अन नुवो जीवन देवे हे।

इब्रानियों 10:1

मूसा का नेम तो आबावाळी बड़िया बाताँ की छाया को रूप हे। पण यो वाँको असली रूप ने हे। ईं वाते बली का रूप में हरेक साल चडावो चड़ायो जातो हो। अन वो चडावो परमेसर का नके आबावाळा मनकाँने कदी सिद ने करे हे।

इब्रानियों 10:19

हो भायाँ-बेना, अबे तो ईसू मसी का लुई वेवाड़ा की वजेऊँ आपाँने खास पुवितर जगाँ में जाबा का पूरो भरोसो वेग्यो हे।

इब्रानियों 11:28

विस्वास करबा की वजेऊँ जद्याँ परमेसर वींने फसे का तेवार अन लुई छाटकबा का वाते हुकम दिदो हो, जद्याँ वणी वींकी हुकम को पालण किदो। ताँके इजराएल का पेली पोत का छोरा की मोत ने वेवे।

इब्रानियों 12:24

अन एक नुवा वादा का बिचोलिया ईसू का नके अन छाट्याँ तका वीं लुईऊँ नके आग्या हो, ज्यो हाबिल का लुईऊँ भी बड़िया वादो करे हे।

इब्रानियों 4:16

ईं वाते आवो, आपीं हिम्मत का हाते परमेसर की दया की गादी का आड़ी चाला, ताँके आपाँ पे दया वे अन करपा पावा, ज्या जरूत की टेम में आपणी मदत करे।

इब्रानियों 6:11

पण माँ घणो छावाँ हाँ के, थाँकामूँ हरेक जणो अंत तईं पूरो मन लगान अस्यान करतो रेवे, ताँके थाँकी आस पुरी वे जावे।

इब्रानियों 7:19

काँके मूसा का नेमा किंने भी पूरो सिद ने किदो, पण एक बड़िया आस की हेंद-पेचाण करई हे, जणीऊँ आपीं परमेसर का नके जा सका हाँ।

इब्रानियों 9:10

ईं हारी चिजाँ तो खाबा-पिबा, नावा-धोबा का सुद वेबा का मनकाँ का अलग अलग नेम हे। अन ईं नेम जद्याँ तईं परमेसर को आगलो क्रम लागू ने वेजावे, वतरे लागू रेई।

इब्रानियों 9:19

ईं वाते जद्याँ मूसे नेमा की हारी आग्या लोगाँ ने हुणई नाकी, तो वणी पाडा-पाडी अन बकरा को लुई पाणी में मलान लाल ऊन अन जुफा की डाळ्याऊँ वीं किताब पे अन हाराई लोगाँ पे छाँट दिदो।

याकूब 1:6

पण जद्याँ थाँ विस्वासऊँ मांगो, तो सक मती करज्यो, काँके सक करबावाळो समन्द की लेराँ के जस्यान वेवे हे, वीं बेवे अन उछळे हे।

याकूब 4:8

परमेसर का नके आवो, तो वो भी थाँका नके आई। हो पापी मनकाँ, थाँ थाँका हाताँ ने सुद करो। हो संका करबावाळा, थाँ थाँका मन ने पुवितर करो।

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।

1 पतरस 3:21

वो पाणी भी बतिस्मा का जस्यान हे, जणीऊँ अबे थाँ बंचाया जावो हो। अणी बतिस्मा को मतलब यो कोयने के, देह को मेल धोयो जावे, पण मन ने पुवितर करन खुद ने परमेसर का आड़ी फेरणो वेवे हे, काँके ईसू मसी मरिया तका मेंऊँ पाच्छा जीवता किदा ग्या हा।