इब्रानियों 10:12 - नुवो नेम (मेवड़ी नया नियम)

¹² पण ईसू मसी तो एक याजक का रूप में पाप का वाते एकीस दाण हमेस्यान का वाते बली वेन परमेसर का जीमणे हात आड़ी जान बेटग्यो।

इब्रानियों 10:12 Iomraidhean Croise

मरकुस 16:19

जदी परबू ईसू वाँकाऊँ बात कर लिदी, तो वे हरग में उठा लिदा ग्या। वो परमेसर का जीमणा पाल्ड़े जान बेटग्या।

रोमियों 8:34

पछे कूण हे ज्यो आपाँने दोसी बतावे? काँके ईसू मसी आपणाँ वाते मरग्यो हो अन वींने पाछो जिवायो ग्यो। वोईस हे ज्यो परमेसर का जीमणा पाल्ड़े बेटो हे अन आपणाँ वाते अरज करे हे।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

कुलुसियों 3:1

जदी थाँ हंगळा मसी के हाते आत्मा में पाच्छा जीवता व्या हो, तो थाँको मन हरग की चिजाँ पे लगावो। जटे ईसू मसी परमेसर का जीमणी पाड़े बेटा तका हे।

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 10:10

ईं वाते परमेसर की वीं मरजीऊँ ईसू मसी की देह के एकीस दाण बलीऊँ आपाँ पुवितर किदा ग्या हाँ।

इब्रानियों 10:14

काँके वणा एकीस दाण बली वेबाऊँ वाँने जी पुवितर किदा जारिया हे, वाँने हमेस्यान का वाते सिद कर दिदा।

इब्रानियों 5:1

हरेक मायाजक मनकाँ मेऊँइस चुण्यो जावे हे ज्यो बाताँ परमेसर का वाते मनकाँ आड़ीऊँ किदी जावे हे, वाँ वाते वो ठेरायो जावे हे, ताँके भेंट अन पापबली चड़ाया करे।

इब्रानियों 5:3

ईं वाते जस्यान वो लोगाँ का पापाँ का वाते बली चड़ावे हे वस्यानीस वो आपणे वाते भी चड़ावे।

इब्रानियों 7:27

ज्याँका वाते दूजाँ मोटा याजकाँ के जस्यान यो जरूरी ने हे के, वीं रोज पेल्याँ आपणाँ पापाँ का वाते अन पछे लोगाँ का पापाँ का वाते बली चड़ावे। वणी तो हमेस्या हमेस्या का वाते मनकाँ का पापाँ का वाते आपणाँ खुद ने बली कर दिदो।

इब्रानियों 8:1

ज्यो कई आपाँ केरिया हा, वणा मूँ खास बात तो या हे के, आपणाँ नके एक अस्यो मायाजक हे ज्यो हरग में मेमावान परमेसर का गादी का जीमणा पाल्डे बेट्यो तको हे।

इब्रानियों 9:12

अन बकरा अन पाडो का लुईऊँ ने पण आपणाँ खुद का लुईऊँ एकीस दाण पुवितर जगाँ में ग्यो अन आपणाँ वाते हमेस्यान को छुटकारो पाको कर दिदो।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।