इब्रानियों 10:1 - नुवो नेम (मेवड़ी नया नियम)

¹ मूसा का नेम तो आबावाळी बड़िया बाताँ की छाया को रूप हे। पण यो वाँको असली रूप ने हे। ईं वाते बली का रूप में हरेक साल चडावो चड़ायो जातो हो। अन वो चडावो परमेसर का नके आबावाळा मनकाँने कदी सिद ने करे हे।

इब्रानियों 10:1 Iomraidhean Croise

रोमियों 8:3

काँके ज्यो काम नेम मनकाँ का पापी हाव-भाव का मस कमजोर वेन ने कर सक्या, वो काम परमेसर किदो, मतलब ओ के, परमेसर आपणाँ बेटा ने आपणी जस्यान पाप की देह में आपणाँ पाप का वाते बली वेबा का वाते खन्दायो। जणीऊँ वो पापी देह में पाप ने दण्ड दिदो।

कुलुसियों 2:17

काँके ईं हाराई आबावाळी बाताँ की खाली छाया हे, पण ईं हंगळी चिजाँ में हाँच तो ईसू मसी हे।

इब्रानियों 10:22

ईं वाते आवो, आपाँ हाँचा हिया, पूरा विस्वास, अन मन का बुरा दोस पे छीड़कावऊँ सुद करवान देह ने सुद पाणीऊँ धोवान परमेसर का नके जावा।

इब्रानियों 7:11

लेवी के याजकपणा के आदार पे पुराणा टेम में परमेसर इजराएल का मनकाँ ने मूसा का नेम दिदा। पण लेवी बंस को याजकपणो परमेसर की नजरा में मनकाँने खरा ने बणा सक्यो। ईं वाते परमेसर ने दूजाँ याजकने खन्दाबा की जरूत पड़ी, वो याजकपणो लेवी बंस का याजक हारून का याजकपणा का जस्यान ने हो। पण वींको याजकपणो मलिकिसिदक की रिती का जस्यान हो।

इब्रानियों 8:5

जीं जगाँ पे वीं याजकपणा को काम कररिया हे, वो तो ज्यो हरग में हे वींकी नकल अन छाया हे। ईं वाते जद्याँ मूसो पुवितर तम्बू बणाबावाळो हो, तद्याँई वींने चेतावणी दिदी गी के, “ध्यान राकज्ये के, थूँ हरेक चीज वींके जस्यानीस बणाज्ये, जस्यान थने मंगरा पे बतई ही।”

इब्रानियों 9:11

पण मसी अणा हव हव चिजाँ को मायाजक बणन आयो हे। तो वीं हात का बणाया तका तम्बू में ने, पण अणीऊँ भी मोटा अन सिद तम्बू में सेवा करे हे। मतलब वो तम्बू अणी दनियाँ को भाग ने हे।

इब्रानियों 9:23

ईं वाते ओ जरूरी हे के, जीं चिजाँ हरग का नकल का रूप में हे, वाँने जनावराँ का बलीऊँ पुवितर करणी छावे। पण हरग की चिजाँ तो अणाऊँ ओरी बड़िया बलीऊँ पुवितर किदी जावे हे।

इब्रानियों 9:25

ईंको अरत ओ ने के, वो आपणाँ खुद ने बार-बार बली चड़ाबा का वाते हरग में ग्यो, जस्यान मायाजक हर साल दूजाँ को लुई लेन पुवितर जगाँ में बली चड़ाया करे हे।