इब्रानियों 1:4 - नुवो नेम (मेवड़ी नया नियम)

⁴ वो ईं तरियाँ हरग-दुताँ मेंऊँ मोटो बणग्यो, जतरो वो वाँका नामऊँ मोटो हे, ज्यो वणी बापोती में पायो हे।

इब्रानियों 1:4 Iomraidhean Croise

इपिसियों 1:21

मसी वटे हारई मोटा राजा, अदिकारियाँ, आत्मिक सगत्याँ, मालिकाँ पे बेस अणी जुग में ने पण आबावाळा जुग में भी हाराई पद का ऊपरे राज करी।

कुलुसियों 1:18

वोईस आपणी देह को, मतलब मण्डली को मातो हे। वोईस सरुआत हे अन वोईस पेलो हे ज्यो मरयाँ तका मूँ पाछो जी उट्यो हो। ताँके हारी बाताँ में वींनेईस पेली जगाँ मले।

कुलुसियों 2:10

अन थाँ वींका मेंईस पाका व्या तका हो, ज्यो हाराई परदानाँ अन आत्मिक सगत्याऊँ घणो मोटो हे।

2 थिस्सुलुनिक्यों 1:7

अन परबू ईसू मसी जद्याँ आपणाँ हरग-दुत का हाते हगलती तकी वादी में हरगऊँ आई, तो थाँ जी कळेस जेलरिया हो, वो माकाँ हाते थाँने सक-चेन देई।

इब्रानियों 1:9

थूँ धरमीऊँ परेम अन आग्याने कोयने मानबावाळाऊँ दसमणी राकी। ईं वाते परमेसर, थाँरा परमेसर थने चुण्यो हे अन थने मान-समान को खुब आणन्द दिदो। थने थाँरा हण्डाळ्याऊँ घणो हेलो दिदो।”

इब्रानियों 12:17

थाँ तो जाणो हो, ईंका पछे जद्याँ वणी आसीस पाबा की आस किदी, तो वींने नकार दिदो ग्यो, अन वणी रो-रोन ज्यो वणी किदो हो वणीऊँ मन फेरवा को मोको होद्‍यो, पण वींने ने मल्यो।

इब्रानियों 2:9

पण आपाँ यो देकाँ हा के, वीं ईसू जाँने थोड़ीक टेम का वाते हरग-दुताऊँ रेटे कर नाक्या हा, अबे वींने मेमा अन आदर को मुकट पेरायो ग्यो हे, काँके वणी मोत को दुक जेल्यो हे। ताँके परमेसर की करपाऊँ हरेक मनक का वाते मोत को हवाद चाके।

1 पतरस 3:22

वो हरग में परमेसर का जीमणा पाल्डे बेट्यो तको हे, अन अबाणू हरग-दुत, अदिकारी अन हारी सगत्याँ वींके बंस में कर दिदी गी हे।