इब्रानियों 1:14 - नुवो नेम (मेवड़ी नया नियम)

¹⁴ तो पछे हरग-दुत कई हे? कई वीं हाराई हरग-दुत छुटकारो पाबावाळा मनकाँ की सेवा करबा का वाते खन्दई तकी आत्मा ने हे?

इब्रानियों 1:14 Iomraidhean Croise

मत्ती 1:20

जद्याँ वो ईं बाताँ पे होच-बच्यार कररियो हो के, परबू को एक हरग-दुत वींने हपना में दिक्यो अन केबा लागो, “हे युसुप, दाऊद की बेटा, थूँ आपणी हगई वीं तकी मरियमऊँ ब्याव करन अटे लेन आबाऊँ मती दरप, काँके ज्यो वींका पेट में हे, वो पुवितर आत्मा का आड़ीऊँ हे।

मत्ती 13:41

मनक को पूत हरग-दुताँ ने अदिकार का हाते खन्दाई, अन वीं च्यारूँमेरऊँ वणा हाराई मनकाँ ने भेळा करी जीं दूजाँ मनकाँ ने पाप में नाके हे अन वाँने ज्यो परमेसर की आग्या ने माने हे

मत्ती 18:10

“देको, थाँ अणा फोरामूँ कणी ने बेकार मती जाणो, काँके मूँ थाँकाऊँ केवूँ हूँ के, हरग में वाँका दूत मारा हरग का बाप को मुण्डो हमेस्या देकता रेवे हे।

मत्ती 2:13

वणा जोतिसी माराज के पाच्छा जाबा केड़े, परबू को एक हरग-दुत युसुप ने हपना में दिक्यो अन वींने क्यो, “उठ, बाळक अन वींकी माँ ने लेन मिसर नाम का देस में परोजा अन जतरे मूँ थने ने कूँ, वतरे वटेई रिज्ये। काँके हेरोदेस ईं बाळक ने होदरियो हे के, वींने मरबा नाके।”

मत्ती 24:31

वो रणभेरी की मोटी अवाज का हाते आपणाँ दुताँ ने खन्दाई, वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

मत्ती 25:34

“तद्याँ राजो आपणी जीमणी पाल्ड़े वाळाऊँ केई, ‘हो मारा बापू का धन्न मनकाँ, आवो, वीं राज का हकदार वे जावो, ज्यो जग का बणावाऊँ पेल्या थाँका वाते त्यार किदो ग्यो हे।

मत्ती 4:11

पछे सेतान ईसू ने छोड़न भागग्यो अन हरग-दुत आन वाँकी सेवा-चाकरी करबा लागा।

मरकुस 10:17

अन जदी ईसू निकळन गेला में जारिया हा, तो एक मनक वाँका आड़ी दोड़तो तको आयो, अन वाँका हामे गोडा टेकन क्यो, “ओ हाँचा गरुजी, अनंत जीवन पाबा का वाते मने कई करणो छावे?”

लूका 1:19

हरग-दुत वींने क्यो के, “मूँ जिबराईल हूँ। अन हमेस्यान परमेसर का हामे हाजीर रूँ हूँ। अन वणा मने थाँराऊँ बात करबा का वाते अन ओ हव हमच्यार केबा के वाते खन्दायो हे।

लूका 1:23

जद्याँ वींकी सेवा-चाकरी का दन पूरा व्या, तो वो आपणाँ घरे परोग्यो।

लूका 16:22

पसे अस्यान व्यो के, वो गरीब दकी मनक मरग्यो अन हरग-दुत वींने अबराम की गोद में बेवाड़ दिदो। अन पछे वो रिप्यावाळो मनक भी मरियो अन वींने गाड़ दिदो।

लूका 2:13

वणीस दाण एकाएक वाँ हरग-दुत के लारे हरग-दुताँ की फोज परमेसर की बड़ई करती तकी दिकी, वीं ओ केरिया हा,

लूका 2:9

वीं टेम परमेसर को एक हरग-दुत वाँका हामे परगट व्यो अन परबू परमेसर की मेमा को तेज वाँका च्यारूँमेर चमक्यो अन वीं घणा दरपग्या।

थरप्या तका का काम 11:22

ईं बात को पतो जद्याँ यरूसलेम की मण्डली ने पड़्यो, तो वाँकाणी बरनबास ने अन्ताक्या खन्दायो।

थरप्या तका का काम 12:23

तरत परबू के हरग-दुत हेरोदेस पे वार किदो, काँके हेरोदेस परमेसर ने मान ने दिदो अन वींके किड़ा पड़ग्या अन वो मरग्यो।

थरप्या तका का काम 12:7

अणाचेत, परबू को एक हरग-दुत वटे आ पूग्यो, जेळ की ओवरी में उजितो वेग्यो, वणी हरग-दुत पतरस को खांदो ठपकारन वींने जगाते तके क्यो, “फटाकऊँ ऊबो वेजा”, तरत हाँकळा वींका हातऊँ आपूँ-आप खलगी।

थरप्या तका का काम 13:2

वे जद्याँ वरत करता तका परबू की मेमा कररिया हा, तद्याँई पुवितर आत्मा क्यो, “बरनबास अन साउल ने जीं काम के वाते में बलाया हा, वीं काम के वाते वाँने न्यारा कर दो।”

थरप्या तका का काम 16:26

अणाचेत को जोरऊँ भूकम आयो, अन जेळ की नीमा हालगी अन फटाकऊँ हंगळा कमाड़ खुलग्या अन हंगळा मनकाँ की हाँकळा खुलगी

थरप्या तका का काम 27:23

काँके जीं परमेसर को मूँ हूँ अन जिंकी भगती मूँ करूँ हूँ, वींको हरग-दुत आज राते मारा नके आन क्यो,

थरप्या तका का काम 5:19

पण, रात में परबुजी के एक हरग-दुत जेळ का कमाड़ा ने खोलन वाँने बारणे निकाळन क्यो,

रोमियों 11:14

अस्यानीस मूँ छावूँ हूँ के, कस्यान भी मारा मनकाँ में होड़ा-होड़ ला सकूँ, जणीऊँ वाँका मूँ थोड़ागणा ने बचा लूँ।

रोमियों 13:6

ईं वातेईस थाँ कर भी देवो हो, काँके अदिकार राकबावाळा परमेसर का दास वेवे हे ज्यो आपणाँ काम ने पूरो करबा में लाग्या रेवे हे।

रोमियों 15:16

काँके जी यहूदी ने हे, वाँ मनकाँ का वाते ईसू मसी को दास वेन, मूँ परमेसरऊँ मल्या तका हव हमच्यार को परच्यार करबा का वाते मूँ एक याजक की जस्यान काम करूँ हूँ, जणीऊँ वीं मनक भी परमेसर के चड़बा जोगी भेंट बण सके अन पुवितर आत्मा के जरिये परमेसर का वाते पुरी तरियाँ पुवितर बणे।

रोमियों 15:27

हा, यो तो वणा खुद ते किदो, पण वाँका वाते वाँकी जिमेदारी भी बणे हे, काँके जद्याँ जी यहूदी ने हे, वणा मनकाँ यहूदी मनकाँ का आत्मिक आसीस में पाँती लिदी हे, तो जीं यहूदी ने हे, वाँ मनकाँ की जिमेदारी हे के, वीं आपणी चिजाँऊँ वाँकी मदत करे।

रोमियों 8:17

अन यद्याँ आपाँ वींकी ओलाद हा, तो परमेसर का वारिस अन मसी का हाते पांतीदार भी हा। अन यद्याँ हाँची में आपाँ वींके हाते दक-सक में पांतीदार हा, तो वींके हाते आपाँने भी मेमा भी पांतीदार हा।

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

2 कुरिन्थियों 9:12

दानकी पुवितर सेवाऊँ बेस परमेसर का पुवितर मनकाँ किइस जरूत पुरी ने वेवे हे पण परमेसर ने धन्नेवाद देबा को भाव भी मनकाँ में आवे हे।

गलातियों 3:29

अन यद्याँ थाँ मसी में हो, तो अबराम की पीड़ी का अन वादा की तरियाऊँ ईसू मसी का बेटा-बेटी की बापोती में भेळा हो।

गलातियों 3:7

अणीऊँ थाँ यो हमज लो के, ज्यो विस्वास करे हे वीं अबराम का बंस का हे।

गलातियों 3:9

ईं वाते ज्यो मनक विस्वास करे हे, वीं हाराई विस्वासी अबराम का हाते आसीस पाई।

इपिसियों 3:6

ओ राज ओ हे के, हव-हमच्यारऊँ यहूदियाँ का हाते ज्यो यहूदी ने हे वी भी वारिस वेवे अन एकीस डील का भाग वे अन ईसू मसी का गट-जोड़ऊँ परमेसर का वादा में पाँती लेवे।

फिलिपियों 2:17

थाँको विस्वास ज्यो परमेसर के चड़ी तकी बली अन सेवा के जस्यान हे, वींका वाते यद्याँ मने मारो लुई भी वेवाड़णो पड़े तद्याँ भी मूँ राजी हूँ अन थाँ हाराई का हाते खुसी मनाऊँ हूँ।

फिलिपियों 2:25

मूँ ओ जरूरी हमजूँ हूँ के, आपणाँ भई इपापरदितुस, ज्यो मारे हाते काम करबा अन लड़ई करबा में मारो हण्डाळ्यो हे। अन जरूत में मारी सेवा-चाकरी करबावाळो थाँका आड़ीऊँ खन्दायो तको दूत हे, वींने थाँका नके खन्दाऊँ।

2 थिस्सुलुनिक्यों 1:7

अन परबू ईसू मसी जद्याँ आपणाँ हरग-दुत का हाते हगलती तकी वादी में हरगऊँ आई, तो थाँ जी कळेस जेलरिया हो, वो माकाँ हाते थाँने सक-चेन देई।

तीतूस 3:7

वीं करपाऊँईस आपाँ परमेसर का हामे सई ठेरा हा, जणीऊँ कदी ने खतम वेबावाळा जीवन का वारिस वेवा, जिंकी आपाँ आस राका हाँ।

इब्रानियों 10:11

जद्याँ के याजक तो ऊबो वेन धारमिक सेवा करे हे अन एक अस्या बलीदान ने ज्यो पाप कदी ने माप कर सके, वींनेईस आकोदाण चड़ावे हे।

इब्रानियों 2:3

तो पछे आपाँ कस्यान बंच सका? यद्याँ आपाँ ईं मान छुटकाराऊँ बेपरवा वेवा। ईं छूटकारा को पेलो हमच्यार परबू का आड़ीऊँ दिदो ग्यो अन जणा ईं हेला ने हुण्यो, वाँने ईंने आपणाँ वाते ईंने हाँचो साबत किदो हे।

इब्रानियों 5:9

अन एक दन पाको बणन वाँ हाराई का वाते ज्यो वींकी आग्या को पालण करे हे, वो वाँके अनंत छुटकारो को गेलो बणग्यो।

इब्रानियों 6:12

माँ यो ने छावाँ हाँ के, थाँ आळसी बण जावो, पण वाँके जस्यान चालो, जीं विस्वास अन धिज्या का हाते वणा चिजाँ ने पारिया हे, ज्याँको परमेसर वादो किदो हो।

इब्रानियों 6:17

परमेसर खुद का होगनऊँ वादा का वारिस ने या बात ओरी साप साप करणी छाया हा के, वीं आपणो बचन कदी ने टाळी। अस्यान वणा होगनऊँ वादा ने पको किदो।

इब्रानियों 8:6

पण ज्यो सेवा को काम ईसू मसी ने मल्यो हो, वो वाँकी सेवा का कामऊँ भी ओरी बड़िया हे, काँके वो जणी करार को बिचोलियो हो, वो पुराणा करारऊँ बड़िया हे। अन नवो करार ओरी बड़िया वादाऊँ ठम्यो तको हे।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

याकूब 2:5

हो लाड़ला भायाँ, ध्यानऊँ हुणो। कई परमेसर वाँने ने चुण्या ज्यो ईं दनियाँ की देकणी में गरीब हे, जणीऊँ वीं विस्वास का धनी वेजावे अन वीं वणी राज का हकदार बणे, जिंने परमेसर आपणाँऊँ परेम करबावाळा ने देबा को वादो किदो हे।

1 पतरस 1:12

वाँने यो भी दरसावो व्यो के, जीं बाताँ का बारा में वीं बताता तका सेवा किदी ही, वणीऊँ वीं खुद की सेवा ने कररिया हे, पण थाँकी सेवा कररिया हा। वीं बाताँ थाँने हरगऊँ खन्दई तकी पुवितर आत्मा के वजेऊँ हव हमच्यार ने हुणाबावाळा का जरिये पेल्याँई बता दिदी गी ही। ईं बाताँ ने जाणबा का वाते तो हरग-दुत भी तरसे हे।

1 पतरस 1:4

अबे थाँ हरग में राकी तकी बापोती का वारिस वेग्या हो, ज्या ने कदी हड़ी ने कदी नास वेई अन ने कदी खुवई।

1 पतरस 3:7

अस्यानीस हो मोठ्याराँ, थाँ भी थाँकी लुगायाँ का हाते हमजदारी का हाते जीवन जीवो। लुगायाँ ने कमजोर हमजन वाँको आदर करो, ओ जाणन के, आपीं दुई जीवन का वरदान में पांतीदार हा, ताँके थाँकी परातना में कुई ओट ने आवे।

यहूदा 1:14

अणा मनकाँ का वाते हनोक ज्यो आदम की हातवी पीड़ी मेंऊँ हो, वो परमेसर का आड़ीऊँ बोल्यो हो के, “देको, परबू आपणाँ हजारो हजारो हरग-दुताँ का हाते आन,

परकासितवाक्य 5:6

मूँ देकूँ हूँ के, वाँ गादी, च्यारई जीवता जीव का हामे अन वणा पुरवज का बचमें एक उन्यो ऊबो तको हे। वो अस्यान लागरियो जस्यान के, वींकी बली चड़ई गी वे। वींके हात हिंगड़ा अन हात आक्याँ ही, ईं परमेसर की हात आत्मा ही, ज्याँने आकी धरती पे खन्दई गी ही।