गलातियों 6:4 - नुवो नेम (मेवड़ी नया नियम)

⁴ पण हाराई ने आपणाँ-आपणाँ कामाँ की जाँच करणी छावे, काँके अस्यान करबाऊँ वाँने खुद पे मेपणो करबा को मोको मली। पण वाँने दूजाऊँ खुद की तुलना ने करणी छावे।

गलातियों 6:4 Iomraidhean Croise

लूका 18:11

फरीसी ऊबो वेन आपणाँ मन में या परातना करबा लागो के, ‘ओ परमेसर, मूँ थाँको धन्नेवाद करूँ हूँ के, मूँ दूजाँ मनकाँ की जस्यान लोबी, दूजाँ को बुरो करबावाळो, दूजी लुगायाँ का हाते गलत वेवार करबावाळो ने हूँ अन नेई अणी लगान लेबावाळा के जस्यो हूँ।

1 कुरिन्थियों 11:28

ईं वाते मनकाँ ने ओ करणो छावे के, वीं आपणाँ खुद ने परके अन तद्याँ वीं रोटी ने खावे अन वीं प्याला मूँ पिवे।

1 कुरिन्थियों 3:14

जिंको काम वादी में, नीम पे टक्यो तको रेई, वो ईनाम पाई।

1 कुरिन्थियों 3:8

बोवावाळो अन पाणी पाबावाळो दुई एक जस्या हे, पण हरेक मनक आपणाँ मेनत के जस्यान दानकी पाई।

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 13:5

ओ देकबा का वाते के, थाँ विस्वास का हाते जीरिया हो खुद ने परको। अन खुद की जाँच पड़ताल करो कई थाँ खुद ने जाणो के, ईसू मसी थाँका मयने हे। यद्याँ अस्यान ने वेतो तो थाँ जद्याँ परक्या ग्या हाँ तद्याँ खरा ने ने निकळता।

गलातियों 6:13

काँके वीं ज्याको खतनो वेग्यो हे वीं खुद तो मूसा का नेमा को पालण ने करे हे, पछे भी वीं छावे हे के, थाँ भी खतनो करावो, ताँके थाँके अणी देह का रिवाज मानबा पे वीं मेपणो कर सके।

फिलिपियों 1:26

ताँके जद्याँ मूँ थाँका नके आऊँ तद्याँ थाँने मारा मस ईसू मसी पे बड़ई करबा को ओरी मस वेई।