गलातियों 6:16 - नुवो नेम (मेवड़ी नया नियम)

¹⁶ ईं वाते जतरा भी अणी रिती पे चाली वणा हाराई परमेसर का मनकाँ पे दया अन सान्ती वेती रेई।

गलातियों 6:16 Iomraidhean Croise

यहुन्ना 1:47

ईसू नतनएल ने आपणाँ आड़ीऊँ आवतो तको देकन वाँका बारा में क्यो, “देको, यो हाँचो इजराएली हे, ईंमें कई खोट ने हे।”

यहुन्ना 14:27

“मूँ थाँने सान्ती देन जारियो हूँ, आपणी खुद की सान्ती थाँने देवूँ हूँ। दनियाँ देवे हे वस्यान मूँ थाँने ने देवूँ हूँ। थाँको मन दकी ने वेवे अन ने थाँ दरपे।

यहुन्ना 16:33

में थाकाँऊँ ईं बाताँ ईं वाते किदी के, थाँने माराऊँ सान्ती मले, दनियाँ में तो थाँने दुक मल्यो हे पण हिम्मत राको, में दनियाँ ने जीत लिदी हे।”

रोमियों 4:12

यहूदी मनक खाली खतना कराबाऊँ ईंस ने, पण अबराम आपणो खतनो व्या के पेल्याँ जस्यो विस्वास किदो हो, वस्यो विस्वास करे हे, तो अबराम वणाको भी बापू हे।

गलातियों 1:3

आपणाँ परम बापू परमेसर अन परबू ईसू मसी का आड़ीऊँ थाँने ने दया अन सान्ती मले।

गलातियों 3:29

अन यद्याँ थाँ मसी में हो, तो अबराम की पीड़ी का अन वादा की तरियाऊँ ईसू मसी का बेटा-बेटी की बापोती में भेळा हो।

गलातियों 5:16

पण मूँ केवूँ हूँ, पवितर आत्मा का हस्याबूऊँ चालो, तो थाँ पाप करबावाळी देह की मरजी ने कदी पुरी ने करो।

गलातियों 5:25

यद्याँ आपीं पुवितर आत्माऊँ जीवता हा, तो आपाँने पुवितर आत्मा का जस्यानीस चालणो हे।

इपिसियों 6:23

बापू परमेसर अन परबू ईसू मसी का आड़ीऊँ भायाँ ने सान्ती अन परेम, विस्वास का हाते मले।

फिलिपियों 3:16

पण परमेसर आपाँने ज्यो भी बतायो हे, वींके जस्यानीस आपाँ हाराई ने जीवणो छावे।

फिलिपियों 3:3

हाँचा खतनावाळा तो आपींइस हा काँके परमेसर की आत्माऊँ वींकी भगती आपींइस करा हाँ अन आपीं आपणो भरोसो दिकबावाळा रिति-रिवाज पे ने पण ईसू मसी पे मेपणो राका हाँ।

फिलिपियों 4:7

तद्याँ परमेसर की सान्ती, ज्यो हारी हमजऊँ बारणे हे, थाँका हरदा अन थाँका बच्याराँ ने ईसू मसी का गट-जोड़ में हमाळ राकी।

1 पतरस 1:3

आपणाँ परबू ईसू मसी का बापू परमेसर की जे हो, काँके परमेसर आपणाँ पे घणी मोटी दया बतई जणीऊँ वणा मसी ने मरिया तका मेंऊँ जीवान आपाँने नुवा जीवन की जीवती आस राकबा वाते वणा आपाँने नुवो जीवन दिदो हे।

यहूदा 1:2

थाँने दया, सान्ती अन परेम खुब मलतो रेवे।