गलातियों 6:12 - नुवो नेम (मेवड़ी नया नियम)

¹² ज्यो मनक आपणी देह का रूप में हव दिकावो करे हे वीं थाँका पे खतनो कराबा को जोर देवे हे। वीं यो बेस ईं वाते करे हे के, वीं मसी की हूळी का परच्यार का मस हताया ने जावे।

गलातियों 6:12 Iomraidhean Croise

मत्ती 23:27

“हो कपटी, मूसा का नेमा ने हिकाबावाळा अन फरीसियाँ, थाँने धिकार हे! थाँ आरास ढोळी तगी कबराँ का जस्यान हो ज्यो ऊपरेऊँ रुपाळी नजरे आवे हे, पण मयनेऊँ मरिया तका मनकाँ का हाड़क्या अन हारई तरिया की हुगली बाताँऊँ भरी तकी हे।

मत्ती 23:28

अणी तरिया थाँ भी ऊपरेऊँ मनकाँ ने धरमी बतावो हो, पण मयनेऊँ कपटी अन पापऊँ भरिया तका हो।

मत्ती 23:5

“वीं आपणाँ हाराई काम लोगाँ ने बतावा का वाते करे हे। वीं हात अन माता पे बांदबा वाळा आपणाँ ताबीजा ने जिंमें वीं सास्तर ने लिकता हा, वाँने मोटा करे हे अन आपणी जोळ्या ने वदावे हे। ताँके मनक वाँने धरमी हमजे।

मत्ती 5:10

धन्ने हे वीं, ज्यो धरम का वाते दुक भोगे हे, काँके हरग को राज वाँको हे।”

मत्ती 6:16

“जद्याँ थाँ एकाणो करो, तो कपट्या के जस्यान थाँको मुण्डो लटक्यो तको ने रेवे, काँके वीं खुद को मुण्डो अस्यानई लटकान राके हे, ईंऊँ वाँने मनक एकाणो राकबावाळा भगत हमजे। मूँ थाँने हाँची केऊँ हूँ के, वणा ईंको फळ पा लिदो हे।

मत्ती 6:2

“ईं वाते जद्याँ थाँ कणी जरुतवाळा ने दान देवो हो तो आपणी बड़ई मती करज्यो, जस्यान के परातना घर में अन गेला-गाटे कपटी मनक दूजाऊँ आपणी बड़ई करबा का वाते करे हे। मूँ थाँने हाचेई केवूँ हूँ के, वाँने वाँको फळ पेल्याई दिदो जा चुक्यो हे।

मत्ती 6:5

“जद्याँ थाँ परातना करो, तो कपटी मनकाँ का जस्या परातना मती करज्यो, काँके वीं मनकाँ ने दिकावा का वाते परातना घर में अन गेला का ऊपरे ऊबा वेन परातना करणो वाँने हव लागे हे। मूँ थाँने हाचेई केवूँ हूँ के, वणा आपणो फल पा लिदो हे।

लूका 16:15

ईंपे ईसू वाँने क्यो, “थाँ अस्या लोग-बाग हो, जी मनकाँ का हामे आपणाँ खुद ने धरमी बतावे हे, पण परमेसर थाँका मन ने जाणे हे। मनक जिंने मोटा हमजे हे, वो परमेसर की देकणी में कई ने हे।

लूका 20:47

वाँ लुगई जिंको धणी सान्त वेग्यो, वाँको धन कोसबो छावे हे। वीं दिकाबा का वाते मोटी परातना करे। वाँ मनकाँ ने घणी कल्ड़ी सजा मेली।”

यहुन्ना 7:18

ज्यो कुई आपणाँ आड़ीऊँ केवे हे वो खुद की बड़ई छावे हे पण ज्यो आपणाँ खन्दाबावाळा की बड़ई छावे हे वो हाँचो हे अन वींमें कई खोट ने हे।

थरप्या तका का काम 15:1

पछे थोड़ाक मनक यहूदियाँऊँ आन वाँने हिकावा लागा, “यद्याँ मूसा का रिति-रिवाजऊँ थाँको खतनो ने वेतो तो, थें बंचाया ने जाता”।

थरप्या तका का काम 15:5

पण फरीसियाँ जणा विस्वास किदो हो, वाकामूँ नरई जणा ऊबा वेन क्यो, “जो यहूदी ने हे वाँ लोगाँ ने खतनो कराणो छावे अन मूसा का नेमा को पाळन करणो छावे।”

2 कुरिन्थियों 10:12

काँके माँ वाँ मनकाँ के जस्यान ने हा, ज्यो खुद की बड़ई करे हे अन वीं खुद का हिसाबऊँ खुद ने एक दूजाँ का हाते नाप तोल करे हे। वीं कतरा बेण्डा हे।

2 कुरिन्थियों 11:13

काँके अस्या मनक जूटा खन्दाया तका चेला हे अन धोकाऊँ काम करबावाळा हे, अन मसी का खन्दाया तका चेला को रूप धारण करबावाळा हे।

गलातियों 2:14

पछे जदी में देक्यो के, वीं हव हमच्यार का गेला पे ने चालरियो हे, तो में हाराई का हामे केफाऊँ क्यो, “जद्याँ थूँ यहूदी वेन ज्यो यहूदी ने हे वाँके जस्यान चालरियो हे अन थूँ यहूदी वेन हव हमच्यार का गेला पे ने चाले तो ज्यो यहूदी ने हे वाँने हव हमच्यार का गेला पे चालबा वाते काँ केवे हे?”

गलातियों 2:3

वटे अस्यान व्यो के, तीतूस ज्यो मारा हाते हो, ज्यो युनानी हो, पछे भी वणा वींने खतनो करावा का वाते भी ने क्यो हो।

गलातियों 5:11

हो भायाँ, मनक अबाणू भी मारा पे लांछन लगावे हे के, मूँ खतनो करबा को परच्यार करूँ हूँ, तो मने अणी बात का वाते काँ हतायो जावे हे? अन यद्याँ मूँ अबाणू भी खतनो करबा को परच्यार करूँ हूँ, तो ईसू मसी का हूळी माँ मस अई मारा वाते हारी तकलिपाँ खतम वेणी छावती।

गलातियों 6:13

काँके वीं ज्याको खतनो वेग्यो हे वीं खुद तो मूसा का नेमा को पालण ने करे हे, पछे भी वीं छावे हे के, थाँ भी खतनो करावो, ताँके थाँके अणी देह का रिवाज मानबा पे वीं मेपणो कर सके।

फिलिपियों 1:15

कतरा तो रिस्याँ बळन अन लड़ई का मस मसी को परच्यार करे हे अन कतराई भली मनसाऊँ करे हे।

फिलिपियों 2:4

थाँ हाराई खुद का ने पण दूजाँ का भला का बारा में होचो।

फिलिपियों 3:18

मूँ ईं बात ने पेल्याईं क्यो हो अन अबाणू भी रो-रोन केरियो हूँ के, नरई मनक आपणी रेणी-सेणीऊँ मसी की हूळी की मोत का दसमण हे।

कुलुसियों 2:23

हरग-दुताँ की पुजा करणी, आपणी देह ने दुक देणो, दिकावा की दया अन मनकाँ का बणाया तका जूटा नेम, ईं हाराई ग्यान की बाताँ तो लावे हे, पण देह की बुरी मरजी ने रोकबा का वाते अणाऊँ कई नफो ने वेवे हे।