गलातियों 5:3 - नुवो नेम (मेवड़ी नया नियम)

³ पछे भी मूँ हंगळा खतना करवावाळा ने चेतई दूँ के, थाँने हाराई मूसा का नेमा ने मानणा पड़ी।

गलातियों 5:3 Iomraidhean Croise

मत्ती 23:16

“ओ आन्दा अगुवाँ, थाँने धिकार हे। थाँ केवो हो के, ‘यद्याँ कुई मन्दर की होगन खावे हे तो कई ने, पण यद्याँ कुई मन्दर का होना का होगन खावे, तो वींने वींको पालण करणो जरूरी हे।’

मत्ती 23:18

“पछे थाँ अस्यान भी केवो हो के, ‘यद्याँ कुई वेदी की होगन खावे तो कई ने, पण ज्यो चड़ावो वींपे हे, यद्याँ कुई वींकी होगन खावे, तो वींने वाँ होगन पुरी करणी जरूरी हे।’

लूका 16:28

ताँके वो मारे पाँच भई हे, वाँने चेतावे, कटे अस्यान ने वे के, वी भी अणी दुक में पड़े।”

थरप्या तका का काम 15:1

पछे थोड़ाक मनक यहूदियाँऊँ आन वाँने हिकावा लागा, “यद्याँ मूसा का रिति-रिवाजऊँ थाँको खतनो ने वेतो तो, थें बंचाया ने जाता”।

थरप्या तका का काम 2:40

पतरस नरई बाताँ केन गवई देन अन अरज करन क्यो, “ईं खराब पिड़ीऊँ खुद ने बंचान राको।”

थरप्या तका का काम 20:21

यहूदियाँ अन युनानियाँ के हामे गवई देतो रियो, के पापाऊँ मन फरान परमेसर का आड़ी आवो अन परबू ईसू मसी पे विस्वास करो।

रोमियों 2:25

यद्याँ थूँ नेमा पे चाले, तो थने खतनाऊँ नफो हे, पण यद्याँ थूँ नेमाने तोडे़, तो थूँ खतनावाळो वेन भी बना खतनावाळा के जस्यान मान्यो जाई।

गलातियों 3:10

पण ज्यो मनक मूसा का कामाँ का जस्यान चाली वीं हाराई मनक पाप का गुलाम रेई। काँके सास्तर में लिक्यो हे के, “ज्यो कुई मूसा का नेमा की किताब में लिकी तकी हारी बाताँ ने कोयने मानी, वींने हराप लागी।”

गलातियों 5:2

देको, मूँ पोलुस खुद थाँकाऊँ केवूँ हूँ के, यद्याँ अबे थाँ विस्वास करिया केड़े खतनो करावो तो, थाँको मसी ने मानणो बेकार हे।

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

इपिसियों 4:17

मूँ ईं वाते ओ केवूँ हूँ अन परबू का नाम में थाँने हेंचेत करूँ हूँ के, ज्यो विस्वास ने करे हे वाँके जस्यान अबे कदी भी जीवन ने जीवो, जिंको बच्यार कई काम को ने हे।

1 थिस्सुलुनिक्यों 4:6

ईं बात में कुई भी आपणाँ भई नेईस ने ठगे अन ने कुई किंको नफो लेणो छावे। काँके परबू आ हारी बाताँ को बदलो लेबा में हे, अणा बाताँ का बारा में माँ थाँने पेल्याँई बता दिदो अन चेताया भी हाँ।

1 यहुन्ना 4:14

बापू परमेसर आपणाँ बेटा ने ईं दनियाँ में मुगतीदाता का रूप में खन्दायो अन आपाँ वींने देक्यो अन वींका गवा भी हाँ।