गलातियों 5:21 - नुवो नेम (मेवड़ी नया नियम)

²¹ नसो करणो, मन मरजी करणी, हूँगला काम अन ओरी कई काम हे। जणी काँ बारा में पेल्याँई थाँने क्यो हो के, अस्या काम करबावाळा परमेसर के राज का वारिस ने वेई।

गलातियों 5:21 Iomraidhean Croise

मत्ती 25:34

“तद्याँ राजो आपणी जीमणी पाल्ड़े वाळाऊँ केई, ‘हो मारा बापू का धन्न मनकाँ, आवो, वीं राज का हकदार वे जावो, ज्यो जग का बणावाऊँ पेल्या थाँका वाते त्यार किदो ग्यो हे।

लूका 21:34

“ईं वाते थाँ हेंचेत रो, अस्यो ने वे के, थाँ खाबा-पिबा में अन दनियाँ की चन्ता-फिकर में ने पड़ जावे अन वी दन फंदा का जस्यान थाँका ऊपरे अणाचेत आ जावे।

रोमियों 13:13

तो काँ ने आपाँ भी वणी तरियाऊँ रेवा, जस्यान मनक दन का उजिता में रेवे हे। ने तो खा-पीन धुत रेबावाळा का जस्यान, ने कुकरम, लुचापणा करबावाळा की तरियाँ अन ने लड़बावाळा का जस्यान अन ने रिस्याँ बळबावाळा का जस्यान।

रोमियों 8:13

काँके यद्याँ थाँ देह जस्यान जीवो, तो मरो, पण यद्याँ थाँ आत्मा का जस्यान देह की मरजी ने मार देवो, तो थाँ जीवता जीवो।

1 कुरिन्थियों 15:50

हो भायाँ, मूँ थाँने बताऊँ हूँ के, आपणी आ देह ज्यो माँस अन लुईऊँ बणी तकी हे परमेसर का राज में भेळी ने वे सके हे अन ने ज्यो नास वेबावाळी या देह हे, वाँ ज्यो अमर हे वींमें भेळी वे सके हे।

1 कुरिन्थियों 5:11

पण में ज्यो लिक्यो हो वो ओ हे के, कणी अस्या मनकऊँ वेवार मती राको ज्यो आपणाँ खुद ने मसी को विस्वासी केन भी कुकरमी, लोबी, मूरत्याँ पूजबावाळो, जूटी खबर देबावाळो, पीबावाळो, अन ठग वेवे। अस्या मनकाँ का हाते थाँ खाणो भी मती खावो।

इपिसियों 5:18

दारुँड़ीया मती बणो, काँके ईंऊँ नागाईपणो वेवे हे, पण आत्माऊँ भर जावो।

कुलुसियों 3:6

अणा हाराई कामाँ मस, परमेसर को कोप वींने ने मानबावाळा पे भड़के हे।

1 थिस्सुलुनिक्यों 5:7

काँके जतरा होवे हे, वीं रात मेंईस होवे हे अन जतरा पियावाळा वेवे हे वीं रात मेंईस नसो करे हे।

2 थिस्सुलुनिक्यों 2:5

कई थाँने आद ने हे के, जद्याँ मूँ थाँका नकेरिया करतो हो, तो मूँ थाँने ईं हारी बाताँ क्या करतो हो?

इब्रानियों 13:4

ब्याव को हाराई ने मान करणो छावे। लोग-लुगई एक-दूँजा का वाते वफादार रेवो। काँके दूजाँ का हाते गलत वेवार राकबावाळा लोग-लुगई ने अन कुकरम करबावाळा ने परमेसर सजा देई।

1 पतरस 4:3

काँके विस्वास करबाऊँ पेल्याँ थाँ ज्यो यहूदी ने हे वाँके जस्यान लुचोपणो, बुरी मरजी, खा-पीन वेण्डा वेन, कुकरम करता तका, हरमऊँ भरिया तका काम में अन बेकार की मूरत्याँ की पुजा करता तका घणो टेम वीता नाक्यो हे।

परकासितवाक्य 21:27

वींमें ने कुई हुगली चीज अन ने हूँगला काम करबावाळो, ने जूट बोलबावाळो कणी भी तरियाऊँ वटे ने आई। खाली वीं मनक आई ज्याको नाम उन्याँ की जीवन की किताब में लिक्या तका हे।

परकासितवाक्य 22:15

पण जादु-टोना करबावाळा, कुकरमी, हत्यारा, मूरती पुजबावाळा, अन हरेक तरियाऊँ जूट पे चालबावाळा, जूटऊँ परेम करबावाळा ईं अड़क्या गण्डकड़ा का जस्यान हे अन ईं हाराई नगरऊँ बारणे पड़्या रेई।