गलातियों 5:11 - नुवो नेम (मेवड़ी नया नियम)

¹¹ हो भायाँ, मनक अबाणू भी मारा पे लांछन लगावे हे के, मूँ खतनो करबा को परच्यार करूँ हूँ, तो मने अणी बात का वाते काँ हतायो जावे हे? अन यद्याँ मूँ अबाणू भी खतनो करबा को परच्यार करूँ हूँ, तो ईसू मसी का हूळी माँ मस अई मारा वाते हारी तकलिपाँ खतम वेणी छावती।

गलातियों 5:11 Iomraidhean Croise

थरप्या तका का काम 16:3

पोलुस की मरजी ही के, तिमुतियुस ने आपणाँ हाते लेन जावे। ईंका वाते पोलुस वींको खतनो किदो, काँके वटे रेबावाळा हंगळा यहूदी मनक जाणता हा के, वींका बापू युनानी हे।

थरप्या तका का काम 21:21

वाँकाणी थाँका बारा में हिकायो हे के, थूँ जो यहूदी ने हे वाँमें रेबावाळा यहूदियाँ ने मूसा का नेमा ने छोड़ देबा का बारा में हिकावे अन केवे के, ने आपणाँ बाळकाँ को खतनो करावो अन ने यहूदियाँ का रिति-रिवाजाँ पे चालो

थरप्या तका का काम 21:28

अन हाँको करन क्यो “हो इजराएल का मनकाँ, मदत करो? ओ वोईस मनक हे, जो लोगाँ के अन मूसा का नेमा के हामे रेन लोगाँ ने हिकावे अन अटा तईं के, वो जो यहूदी ने हे वींने मन्दर में लान ईंने अबड़ा दिदो हे”

1 कुरिन्थियों 1:18

वीं ज्यो भटक रिया हे वाँका वाते मसी को हूळी पे मरबा को संदेस एक मुरकता हे, पण ज्यो बंचाया जारिया हे वाँका वाते परमेसर की तागत हे।

1 कुरिन्थियों 1:23

पण आपाँ तो वीं हूळी पे चड़ाया तका मसी का उपदेस देवा हाँ। एक अस्यो उपदेस ज्यो यहूदी का वाते ठोकर को मस हे अन ज्यो यहूदी ने हे वाँका वाते मुरकता हे।

1 कुरिन्थियों 15:30

यद्याँ मरिया तका पाच्छा जीवता ने वेवे तो माँ काँ यो खतरो मोल लेरिया हा?

गलातियों 2:3

वटे अस्यान व्यो के, तीतूस ज्यो मारा हाते हो, ज्यो युनानी हो, पछे भी वणा वींने खतनो करावा का वाते भी ने क्यो हो।

गलातियों 3:1

हे बना अकल का गलातिया का मनकाँ, थाँने कणी भेंम में नाक दिदा हे। में पुरो-पुरो बखाण अस्यान किदो हो के, मानो थाँकी आक्याँ का हामेईस तो ईसू मसी ने हूळी पे चड़ाया ग्या वे।

गलातियों 4:29

पण वीं टेम में देहऊँ जनम्यो तको पुवितर आत्मा का वादाऊँ जनम्याँ तका ने हतातो हो, वस्यानीस अबाणू भी वेवे हे।

गलातियों 6:12

ज्यो मनक आपणी देह का रूप में हव दिकावो करे हे वीं थाँका पे खतनो कराबा को जोर देवे हे। वीं यो बेस ईं वाते करे हे के, वीं मसी की हूळी का परच्यार का मस हताया ने जावे।

गलातियों 6:17

कागद ने खतम करतो तको मूँ थाँकाऊँ हाता-जोड़ी करूँ हूँ के, अबे मने ओरी दुक देवो मती, काँके मूँ तो पेल्याऊँ आपणी देह में ईसू मसी का घावा ने लेन गुमीरू हूँ।