गलातियों 4:25 - नुवो नेम (मेवड़ी नया नियम)

²⁵ ईं वाते हाजिरा सीने मंगरा ने बतावे हे ज्यो अरब परदेस में हे अन ज्यो यरूसलेम नगर ने बतावे हे। काँके वाँ अन वींका छोरा-छोरी गुलामी में हे।

गलातियों 4:25 Iomraidhean Croise

मत्ती 23:37

“हे यरूसलेम, हे यरूसलेम! थूँ परमेसर का आड़ीऊँ बोलबावाळा की हत्या करे हे, अन ज्याँने थाँरा नके खन्दाया ग्या, वाँके थूँ भाटा की ठोके हे। कतरी दाण में बच्यार किदो के, जस्यान कूकड़ी आपणाँ बच्या ने आपणाँ फाकड़ा रेटे भेळा करे हे, वस्यानीस मूँ भी थाँरा छोरा-छोरी ने भेळा करूँ, पण थाँ ओ ने छायो।

लूका 13:34

“ओ यरूसलेम, ओ यरूसलेम, थूँ ज्यो परमेसर का आड़ीऊँ बोलबावाळा ने मार नाके हे अन ज्यो थाँरा नके आवे हे वाँका ने भाटा मारे हे। कतरी दाण में यो छायो हो के, जस्यान कूकड़ी आपणाँ बच्या ने आपणाँ फाकड़ा का रेटे भेळा करन राके हे, मूँ भी वस्यानीस थाँरा मनकाँ ने भेळा करूँ, पण थें यो ने छायो हो।

लूका 19:44

अन थने अन थाँरा छोरा-छोरी ने जी थाँरा में हे, धुळा भेळा करी अन थाँरा में भाटा पे भाटा भी ने रबा देई। काँके, थें वणी घड़ी जद्याँ परमेसर थाँरा पे दया किदी ही तो थें ने ओळकी ही।”

थरप्या तका का काम 1:11

अन पछे वाँ दुई जणा क्यो, “ओ गलील का रेबावाळा, थाँ अटे ऊबा-ऊबा आकास में काँ देकरिया हो? वीं ईसू, जीं आज अटूँ हरग में पराग्या वस्यानीस, एक दन थाँ वाँने पाच्छा हरगऊँ आता तका देको।”

गलातियों 1:17

अन ने मूँ यरूसलेम नगर में वाँका नके ग्यो, ज्यो माराऊँ भी पेल्याँ परमेसर का थरप्या तका चेला हा, पण मूँ तरत अरब परदेस परोग्यो अन पछे मूँ पाछो दमिसक नगर में आग्यो।

गलातियों 4:24

अणा बाताँ को मतलब यो हे के, ईं दुई लुगायाँ ते किदी तकी दो बाताँ ने बतावे हे, एक लुगई हाजिरा हे ज्या ईं बात ने बतावे हे जिंने नरई पेल्याँ परमेसर सीने मंगरा पे दिदी ही। हाजिरा एक दासी ही अन वींका बाळक गुलामी में पेदा व्या।

गलातियों 4:26

पण दूजी लुगई आपीं विस्वास्याँ की माँ हे, ज्याँ परमेसर का खास नगर ने बतावे हे, ज्यो हरग को यरूसलेम हे अन वो गुलामी में ने हे।

इब्रानियों 12:18

थाँ इजराएली मनकाँ का जस्यान सिनाई मंगरा का नके ने आया जिंके अड़ सकता हा अन ज्यो वादीऊँ बळरियो हो, अंदारो भरियो तको हो, घोर अदंकार अन फुताळ्याऊँ भरियो तको हो।