गलातियों 4:17 - नुवो नेम (मेवड़ी नया नियम)

¹⁷ थाँने मूसा का नेमा पे चालबावाळा दोस्त बणाणा छारिया हा, पण वाँका मन में खोट हे, वीं थाँने माराऊँ अलग करणा छारिया हे, ताँके थाँ वाँका दोस्त बण सको।

गलातियों 4:17 Iomraidhean Croise

मत्ती 23:15

“ओ कपटी मूसा का नेमा ने हिकाबावाळा अन फरीसियाँ, थाँने धिकार हे! थाँ एक जणा ने आपणाँ आड़ी लाबा का वाते रात-दन एक कर देवो हो। जद्याँ वो थाँका आड़ी आ जावे हे तो वींने आपणाँऊँ हेलो हुगलो बणा देवो हो।

रोमियों 10:2

काँके मूँ वाँकी गवई दे सकूँ के, वाँका में परमेसर की धुन हे। पण वाँ ग्यान पे ने टकी तकी हे।

रोमियों 16:18

काँके अस्या मनक आपणाँ परबू मसी की ने पण आपणाँ पेट की सेवा करे हे। अन ईं आपणी मिटी-मिटी अन चापलूसी बाताँऊँ भोळा-भाळा मनकाँ ने भरम में नाक देवे हे।

1 कुरिन्थियों 11:2

मूँ थाँकी बड़ई करूँ हूँ काँके थाँ मने हारी चिजाँ में आद करो हो अन ज्या हिक में थाँने दिदी हे, वींको पालण करो हो।

1 कुरिन्थियों 4:18

थाँकामूँ कुई मनक तो यो होचन मेपणो करिया हे के, जस्यान अबे मने थाँका नके आणोईस ने हे।

1 कुरिन्थियों 4:8

अस्यान लागरिया हो के, थाँ तो धापग्या हो अन थाँ रिप्यावाळा वेग्या हो! कई थाँ माँके बना राज किदो हे? पण भलो वेतो के, थाँ राज करता, तो माँ भी थाँका हाते राज करता।

2 कुरिन्थियों 11:3

पण मने दरपणी लागे हे, काँके कदी अस्यान ने वेजा के, जस्यान धरती की पेली लुगई ज्या हवा ही, वींने हाँप आपणी चालऊँ भटका दिदी ही, वस्यानीस ईं थाँका मन भी मसी की भगतीऊँ अन पवितरताऊँ ज्यो आपाँने मसी का वाते राकणी छावे, वणीऊँ भटका ने दिदो जावे।

गलातियों 4:16

तो कई मारे हाँच बोलवाऊँ मूँ थाँको दसमण बणग्यो हूँ?

गलातियों 4:18

यो हव हे के, हरेक टेम दोस्त बणाया जावे, पण यो भलई का काम का वाते वेणो छावे, यो खाली वणीस दाण ने वेवे, जद्याँ मूँ थाँको वेवूँ।

फिलिपियों 2:21

काँके हारई आपणाँ हवारत की भाळ में रेवे हे, ने के ईसू मसी की।

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

2 पतरस 2:3

वीं लाळच की वजेऊँ थाँने दिकावटी बाताँ बोलन थाँकाऊँ धन कमाई। वाँको दण्ड तो पेल्याँऊँ परमेसर ते कर मेल्यो हे अन वाँको नास वाँकी वाट नाळरियो हे।