गलातियों 4:14 - नुवो नेम (मेवड़ी नया नियम)

¹⁴ मारे देह की कमज्योरी का मस मूँ थाँका पे बोज बण्यो तो भी थाँ मारो अपमान ने किदो अन ने मारा पे रिस्याँ बळ्या, पण मने परमेसर को हरग-दुत हमज मारी आवभगत किदी के, जस्यान मूँईस ईसू मसी हूँ।

गलातियों 4:14 Iomraidhean Croise

मत्ती 10:40

“ज्यो थाँने माने हे वीं मने भी मानी अन ज्यो मने मानी हे वो अदिकार का हाते मने खन्दाबावाळा परमेसर ने भी मानी।

मत्ती 18:5

अन ज्यो भी मारा नामऊँ ईं छोरा का जस्यान किंने मानी, वो मने मानी।

मत्ती 25:40

“तद्याँ राजा वाँने केई, ‘मूँ थाँकाऊँ हाँची केवूँ हूँ के, थाँ ज्यो मारा ईं फोराऊँ फोरा भायाँ मेंऊँ किंका एक का लारे भी किदो, तो वो माराईस हाते किदो हे।’

लूका 10:16

ईसू आपणाँ चेलाऊँ क्यो, “जो थाँकी हुणे हे, वी मारी हुणे हे अन ज्यो थाँने बेकार हमजे हे वीं मने भी बेकार हमजे हे। अन ज्यो मने बेकार हमजे हे वीं मने खन्दाबावाळा ने भी बेकार हमजे हे।”

यहुन्ना 13:20

मूँ थाँने सई-सई केवूँ हूँ के, ज्यो मने खन्दाबावाळा ने माने हे, वो मने माने हे। अन ज्यो मने गरेण करे हे, वो मने खन्दाबावाळा ने भी गरेण करे हे।”

1 कुरिन्थियों 1:28

परमेसर दनियाँ मूँ वाँनेईस चुण्या ज्याँने दनियाँ की नजराँ में नीचा हमज्या जावे हे अन ज्याँने बेकार हमज्या जावे अन ज्यो कई भी ने हे। परमेसर अणाने चुण्या ताँके दनियाँ ज्याँने खास हमजे हे, वाँने वीं बेकार ठेरा सके,

1 कुरिन्थियों 4:10

माँ मसी का वाते बेण्डा बणग्या हाँ, पण थाँ मसी में ग्यानवाळा हो, माँ कमजोर हाँ पण थाँ तागतवर हो। माँको मान गटायो जावे हे पण थाँको मान किदो जावे हे।

2 कुरिन्थियों 5:20

ईं वाते माँ मसी का राजदूत वेन ओ काम कराँ हा अन थाँ ओ मानो के परमेसर माँकाऊँ थाँने चेतारिया हे। ईं वाते माँ मसी का आड़ीऊँ थाँकाऊँ हाता-जोड़ी कराँ हाँ के, थाँ परमेसरऊँ मेल-मिलाप करो।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 3:28

ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

गलातियों 4:13

पण थाँ जाणो हो के, में आपणी देह की कमज्योरी का मस थाँने पेली दाण हव हमच्यार हुणायो हो।

गलातियों 4:15

वीं टेम थाँ आपणाँ खुद ने धन्न हमजता हा, पण थाँकी वणी खुसी के अबे कई वेग्यो? मूँ खुद थाँके अणी बात को गवा हूँ के, यद्याँ मूँ थाँकाऊँ केतो तो, थाँ आपणी आक्याँ काड़ीन मने दी देता।

1 थिस्सुलुनिक्यों 2:13

एक ओरी वजेऊँ माँ थाँका वाते परमेसर को धन्नेवाद करा हाँ के, जद्याँ माँ थाँने परमेसर को हव हमच्यार हुणायो हो जद्याँ थाँ ईंने मनकाँ का आड़ीऊँ ने जाण्यो पण परमेसर को जाणन ईंने मान्यो अन हाँच भी योईस हे, ईं वजेऊँ परमेसर थाँकामें जद्याँ विस्वास करो हो तो काम करे हे।

1 थिस्सुलुनिक्यों 4:8

ईं वजेऊँ ज्यो ईं हिक ने नकारे हे वो मनकाँने ने, पण पुवितर आत्मा देबावाळा परमेसर ने भी नकारे हे।

इब्रानियों 13:2

अणहेन्दा की आवभगत करणी मती भुलो, काँके अस्यान करता तकाईस नरई लोगाँ अणजाण में हरग-दुताँ की आवभगत किदी हे।