गलातियों 3:5 - नुवो नेम (मेवड़ी नया नियम)

⁵ परमेसर जणा थाँने आत्मा दिदी हे अन थाँका बचमें अचम्बा का काम करे हे, कई वीं यो ईं वाते करे हे के, थाँ मूसा का नेमा को पालण करो हो कन ज्यो हव हमच्यार थाँ हुण्यो अन विस्वास किदो वींके मस करे हे?

गलातियों 3:5 Iomraidhean Croise

थरप्या तका का काम 14:3

वीं दुई जणा घणा दन तईं वटीस रिया अन बना दरप्याँ परबू की बाताँ ने बताता रिया, अन परबू वाँने तागत देन वाँकाऊँ अचम्बा अन हेन्याणी का काम करवान वाँका करपाऊँ भरया तका संदेसा को मान बड़ातो रियो।

रोमियों 10:17

हूणबाऊँ विस्वास आवे हे अन हूणणो मसी का बचनाऊँ वेवे हे।

रोमियों 15:19

तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।

1 कुरिन्थियों 12:10

अन किंने तो अचम्बा का काम करबा को अन किंने तो परमेसर का आड़ीऊँ बोलबा को वरदान, किंने तो भली-बुरी आत्माने जाणबा को वरदान, किंने तो अलग अलग बोली बोलबा को वरदान, किंने तो वाँ बोल्याँ को मतलब बताबा को वरदान दिदो जावे हे।

2 कुरिन्थियों 10:4

काँके जणी ओजाराँऊँ माँ लड़ा हाँ वीं दनियाँ का ओजार ने हे, पण वणा ओजार में आत्मिक गड ने हड़ाबावाळी परमेसर की तागत हे।

2 कुरिन्थियों 12:12

कणी खन्दाया तका का मयने ज्यो बाताँ वेवे हे वस्यानीस में हेला धीरज का हाते हेन्याण अन चमत्कार करणो, अचम्बा का काम अन जोरावर काम करन थाँने बताया हे।

2 कुरिन्थियों 13:3

अस्यान मूँ ईं वाते केरियो हूँ के, थाँ ईं बात को परमाण छावाँ हो के, मारा मयने मसी बोले हे। वो थाँका वाते कमजोर ने हे, पण थाँका वाते तागतवर हे।

2 कुरिन्थियों 3:8

तो पछे आत्मा का जस्यान वेबावाळी सेवा वणीऊँ हेली चमकिली काँ ने वेई?

2 कुरिन्थियों 9:10

परमेसरइस बीज बावावाळा ने बीज अन खाणो खाबावाळा ने रोटी देवे हे। वींइस थाँने बीज देई अन वींइस मोटा करी, वाँकाऊँईस थाँकी धरम की खेती फलती-फुलती रेई।

गलातियों 3:2

मूँ थाँकाऊँ ओ जाणणो छावूँ के, कई थाँने परमेसर की आत्मा को वरदान मूसा का नेमाऊँ कन हव हमच्यार पे विस्वास करबा का मस मल्यो?

फिलिपियों 1:19

काँके मूँ होचूँ हूँ के, थाँकी अरजऊँ अन ईसू मसी की आत्मा की मदतऊँ मूँ बंचायो ग्यो हूँ।